| e-texts navigator |
| Wylie |
158a1 མཚུངས་ཏེ། ཅི་ཡང་རེག་ཅིང་ཐོགས་པ་མེད་དོ། །དགེ་སྦྱོང་རྣམས་ཀྱི་ཆོས་ནི་ཀུན་དེ་བཞིན་པའི་རིགས་སོ། །ལེའུ་བཞི་སྟེ་དགེ་འདུན་བསམ་པའི་ལེའུའོ།། །། ཤཱ་རིའི་བུས་སངས་རྒྱས་ལ་གསོལ་པ། བཅོམ་ལྡན
158a2 འདས་གང་ལ་སོགས་པ་འཕྲུལ་གྱི་དགེ་འདུན་ཞེས་བགྱི། ཤཱ་རིའི་བུ་མི་ལ་ལ་ཞིག་གིས་ཆོས་སོ་ཅོག་ཐམས་ཅད་ཀུན་སྐྱེ་བའང་མེད། འགོག་པའང་མེད། མཚན་མ་འང་མེད་པར་ཡིད་ཆེས་ཤིང་ཤེས་ལ་ཁོང་དུ་ཆུད་པར་ནུས་པ་དེ་དེ་ལྟ་བུའི་བཟོད་པ་འབྱོར་གྲུབ་པས་ང་ཡང
158a3 མི་ཐོབ་ན། རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་ཐོབ་པ་ལྟ་སྨོས་ཀྱང་ཅི་དགོས། དགྲ་བཅོམ་པ་ལྟ་སྨོས་ཀྱང་ཅི་དགོས། ཆོས་མི་ཐོབ་པ་ལྟ་སྨོས་ཀྱང་ཅི་དགོས། ཕྱི་མོ་མི་ཐོབ་པ་ལྟ་སྨོས་ཀྱང་ཅི་དགོས། ལམ་མི་ཐོབ་པ་ལྟ་སྨོས་ཀྱང་ཅི་དགོས།
158a4 དེ་ལྟ་བུ་ལ་སོགས་པའི་དོན་མི་ཐོབ་པ་ལྟ་སྨོས་ཀྱང་ཅི་དགོས་ཏེ། དེ་ནི་མིང་འཕྲུལ་གྱི་དགེ་འདུན་ཏེ་དེས་ཀྱང་མི་འཐོབ་བོ། །ཡང་ཤཱ་རིའི་བུ་སེམས་ཅན་ལ་སྐྱེ་བ་མེད་པ་དང་། འགོག་པ་མེད་པ་དང་། མཚན་མ་མེད་པའི་ཆོས་ཡིད་ཆེས་ཤིང་ཤེས་པ་ཉུང་ངོ་། །ལ་ལ་ཞིག་གིས་སྐྱེ་བ
158a5 འང་མེད། འགོག་པ་འང་མེད། མཚན་མའང་མེད་པའི་ཆོས་ཡིད་ཆེས་པར་ནུས་ན། སེམས་ལ་ཕྱིན་ཅི་ལོག་མེད་དེ། གཅིག་གིས་གཅིག་ཤེས་རིག་ལ་ཆོས་སྤྱད་དེ། འབྱོར་འདུན་པས་ཕྱིས་ཡོད་པ་མི་མྱོང་ངོ་། །འཇིག་རྟེན་ཐམས་ཅད་སྒྱུ་མ་མི་བདེན་པའི་རྐྱེན་འབའ
158a6 ཤིག་ལས་བྱུང་བར་རིག་པས། མི་དེ་ཕྱིན་ཆད་ད་ལྟར་གྱི་ལུས་ལ་མི་འདུག་གོ། །རྒྱུ་རྐྱེན་དེ་ལྟ་བས་ན། མིང་འཕྲུལ་གྱི་དགེ་འདུན་ཞེས་བྱར་རུང་ངོ་། །མི་དེས་སྨྲ་བའི་ཚིག་དེ་ལ་ཐོབ་པ་ཡང་མེད། མིང་མཚན་མ་རྣམས་ལས་འདུས་པ་དྲན་གྱི། མཚན་མ་དང་འདྲན་ཏོར་གྱི
158a7 དོན་ཀྱང་མེད་དོ། །དེའི་མིང་དགེ་འདུན་དཀོན་མཆོག་ཅེས་བྱ་སྟེ། ཡོན་ལེན་པའི་རིགས་ཏེ། ཕྱིན་ཅི་ལོག་མེད་པའི་ཡང་དག་པའི་བདེན་པ་གཞུང་ཐོབ་བོ། །མི་དེས་དེ་ལྟ་བུའི་ཐབས་སྤྱད་པས་དགེ་འདུན་བསམས་ན། དོན་དེ་ཡང་སྟོང་པའོ། །ཤཱ་རིའི་བུ་དེ་ལྟ་བུར་སྟོན་པ་ནི་མིང
158a8 དགེ་བའི་བཤེས་གཉེན་ནོ། །ཤཱ་རིའི་བུ་སྨྲ་བའི་ཚིག་ཐམས་ཅད་ཀྱི་ལམ་ཆོད་ན་མིང་འཕྲུལ་གྱི་དགེ་འདུན་ཞེས་བྱའོ། །ཅིའི་ཕྱིར་ཞེ་ན། འཕྲུལ་གྱི་ཆོས་ཀྱི་ནང་ན་སྨྲ་བའི་ཚིག་རྒྱུས་ཡང་དགེ་བའི་བདེན་པའི་གཞུང་བཤད་ན་དེ་ལྟ་བུའི་སྨྲ་བའི་ཚིག་ཀྱང་ཐོབ་པར་མི་རུང་ངོ་། །
iiif viewer powered by OpenSeadragon
