| e-texts navigator |
| Wylie |
157b1 ནི་དྲང་པོ་མཐོང་བ་ཞེས་བྱའོ། །ཡང་ཤཱ་རིའི་བུ་དྲང་པོ་མཐོང་བ་ནི་མིང་དྲང་པོ་བྱེད་དྲང་པོ་སྤྱོད། དྲང་པོའི་ལམ་དྲང་པོ་ཤེས་ཤེས་བྱ་སྟེ། ཕྱིན་ཅི་ལོག་མེད་ལ་བདེན་པ་བཞིན་དུ་མཐོང་བས་ན། ཡང་དག་པར་གཤེགས་པས་དྲང་པོ་མཐོང་བ་ཞེས་བཤད་དོ། །ཤཱ
157b2 རིའི་བུ་སེམས་ཅན་ལ་ལ་ཞིག་ཕྱིན་ཅི་ལོག་མེད་པ་བདེན་པ་བཞིན་དུ་རྟོགས་པ་ནི་དྲང་པོ་མཐོང་བ་ཡོད་དོ། །ལ་ལ་ཞིག་བདག་ཏུ་ལྟ་བའི་འདུ་ཤེས་དང་། གང་ཟག་གི་འདུ་ཤེས་དང་། སེམས་ཅན་གྱི་འདུ་ཤེས་སྐྱེས་ན། དེ་ལྟ་བུའི་མི་ཀུན་ཡོན་པོའི་ལམ་དུ
157b3 སྤྱོད་པར་མངོན་ནོ། །ཤཱ་རིའི་བུ་སངས་རྒྱས་དང་སློབ་མས་ནི་བདག་ཏུ་ལྟ་བ་ཡོད་པར་མ་བཤད། གང་ཟག་ཡོད་པར་མ་བཤད། སེམས་ཅན་མ་བཤད། ཚེ་སྲོག་ཡོད་པར་མ་བཤད། རྟག་ཆད་མ་བཤད། དེ་ལྟ་བས་ན། སངས་རྒྱས་དང་། སློབ་མ་ནི
157b4 དྲང་པོ་མཐོང་བ་ཞེས་བྱའོ། །ཅིའི་ཕྱིར་ཞེ་ན། དྲང་པོར་རྟགས་ཏེ། ཕྱིན་ཅི་མ་ལོག་པའི་ཕྱིར་རོ། །ཤཱ་རིའི་བུ་ཐ་མལ་པ་ཐམས་ཅད་ཀྱིས་ནི་འདིའི་ནང་དུ་འཇུག་ནུས་པ་མེད་དོ། །ཅིའི་ཕྱིར་ཞེ་ན། ཐ་མལ་པ་ཐམས་ཅད་ལ་དྲང་པོ་མཐོང་བ་ཡང་མེད་དོ། །
157b5 ཡིད་བཞིན་འབྲང་བའི་དྲང་པོ་མཐོང་བ་འབའ་ཤིག་ཡོད་དོ། །མཉེན་དེས་པའི་བཟོད་པ་ཐོབ་ན་བདེན་པ་བཞིན་དུ་མ་ནུས་སོ། །ཤཱ་རིའི་བུ་དེའི་མིང་དྲང་པོ་མཐོང་བ་དང་། ཡོན་པོ་མཐོང་བ་ཐ་དད་ཅེས་བྱ་སྟེ། བདེན་པ་བཞིན་དུ་མཐོང་བས་ན། མིང་དྲང་པོ་མཐོང
157b6 བ་ཞེས་བྱའོ། །འཇིག་རྟེན་གྱི་སྐྱིད་པ་ནོར་ཁེ་སྐྱེ་ཞིང་འཕེལ་བའི་ཞར་ལས་མཐོང་བ་ནི་འཇིག་རྟེན་གྱི་དྲང་པོ་མཐོང་བ་ཡིན་ཏེ། དེ་ཀུན་བརྙས་བསླུས་པ་ཡིན་གྱིས་སྐྱེ་ཤི་ལས་མི་ཐར་རོ། །ཤཱ་རིའི་བུ་སངས་རྒྱས་ཀྱིས་བཤད་པ་ལ་འཇིག་རྟེན་གྱིས་དྲང་པོ་མཐོང་བ་ནི་ལེ་ལོ་བླ
157b7 དྲོད་དང་ཐ་མ་ཞན་པའི་ཆོས་ཡིན་ཞེས་བཤད་དོ། །འཛངས་ཤིང་འཕྲུལ་པ་ནི་དེ་ལྟ་བུའི་སེམས་མི་བྱེད་དེ། དེ་དྲང་པོ་མཐོང་བ་ཡིན་ནོ། །དེ་ནི་ཡོན་པོ་མཐོང་བ་ཡིན་ནོ། །ཅི་ལྟ་ཞེ་ན། མཐོང་ངོ་ཅོག་ཐམས་ཅད་ནི་ཀུན་སྒྱུ་མ་མི་བདེན་པའི་རྐྱེན་ལས་ལངས་སོ། །ཤཱ་རིའི
157b8 བུ་འདི་སྙམ་དུ་བསམས་ཏེ། འདི་ནི་དྲང་པོ་མཐོང་བ་སྙམ་དུ་བྱེད་ན་མི་དེ་ནི་ཡོན་པོ་མཐོང་བ་ཡིན་ནོ། །ཤཱ་རིའི་བུ་འཕྲུལ་གྱི་ཆོས་ཀྱི་ནང་ན་མཐོང་ངོ་ཅོག་གི་རྩ་བའི་ཕྱི་མོ་བྱུང་སྟེ་བཅད། སྨྲ་བའི་ཚིག་གོ་ཅོག་གི་ལམ་བཅད་དེ། དཔེར་ན་ནམ་མཁའི་ནང་གི་ལག་པ་དང
iiif viewer powered by OpenSeadragon
