| e-texts navigator |
| Wylie |
157a1 བ་དང་། དཔག་ཏུ་རུང་བ་ཡང་མ་མཐོང་ངོ་། །དེ་ལྟ་བུའི་མིས་སངས་རྒྱས་ལ་ཡང་ཐོབ་པར་རུང་ན་སེམས་ལྟ་སྨོས་ཀྱང་ཅི་དགོས། ཤཱ་རིའི་བུ་སྟོན་པ་མིང་དགེ་བའི་བཤེས་གཉེན་ཞེས་བྱའོ། །མཆོག་གི་གཞུང་གི་ནང་ན་ནི་འདི་ནི་དགེ་བའི་བཤེས་གཉེན
157a2 ཡིན། འདི་ནི་ངན་པའི་བཤེས་གཉེན་ཡིན་ཞེས་གཅིག་ཏུ་ཆད་པ་མེད་དོ། །ཡང་ཤཱ་རིའི་བུ་དགེ་སློང་ལ་ལ་ཞིག་དགེ་སློང་གཞན་ལ་སྟོན་པ་དགེ་སློང་ཁྱོད་ཀྱིས་རྣམ་པར་ཕྱེ་ལ་ཆོས་རྣམས་ལ་ཞིབ་ཏུ་རྟོགས་ཏེ། ཆོས་ཀྱི་མཚན་མ་ཡང་མ་སེམས་ཤིག་ཅེས་བསྟན་ཏོ། །
157a3 དགེ་སློང་དེས་དེ་ལྟ་བུར་སྤྱད་སྦྱངས་པས་སེམས་ལ་ཐོགས་ཤིང་ཆག་པ་མེད་པས་ཆོས་སོ་ཅོག་གི་མཚན་མ་ཡང་གཅིག་པར་ཁོང་དུ་ཆུད་དེ་དེ་ནི་མཚན་མ་མེད་པའོ། །མི་དེ་ལ་ཆོས་ཀྱི་འདུ་ཤེས་མི་སྐྱེ་ན། བདག་ཏུ་ལྟ་བ་དང་། གང་ཟག་ཏུ་ལྟ་བའི་འདུ་ཤེས་མི་སྐྱེ
157a4 བ་ལྟ་སྨོས་ཀྱང་ཅི་དགོས། ཤཱ་རིའི་བུ་ཁྱོད་ཀྱི་ཡིད་ལ་ཇི་སྙམ། ཆོས་ཀྱི་འདུ་ཤེས་སེམས་དེས་ཆོས་སོ་ཅོག་གི་ཞི་བར་ནུས་སམ། བཅོམ་ལྡན་འདས་མི་ནུས་སོ། །ཤཱ་རིའི་བུ་དཔེར་སྡོང་པོ་རྩ་བ་མེད་པས་ཡལ་ག་དང་། འདབ་མ་དང་། མེ་ཏོག་དང་། འབྲས་བུ
157a5 སྨིན་པར་ནུས་པ་ཡོད་དམ་མེད། བཅོམ་ལྡན་འདས་མ་མཆིས་སོ། །འདི་ལྟ་སྟེ། ཤཱ་རིའི་བུ་མི་ལ་ལ་ཞིག་གིས་ཆོས་སོ་ཅོག་གི་རྩ་བའི་ཕྱི་མོ་མ་ཐོབ་པར་མི་དེས་ཆོས་སོ་ཅོག་གི་འདུ་ཤེས་སྐྱེ་བར་ནུས་སམ་མི་ནུས། བཅོམ་ལྡན་འདས་མི་ནུས་ལགས་སོ། །ཤཱ
157a6 རིའི་བུ་མི་ལ་ལ་ཞིག་གིས་ཆོས་ཀྱི་འདུ་ཤེས་མི་བསམ་པ་ན། མི་དེས་ཆོས་སོ་ཅོག་ཞི་བར་ནུས་སམ། བཅོམ་ལྡན་འདས་མི་ནུས་ལགས་སོ། །མི་དེས་ཆོས་སོ་ཅོག་ཐོབ། ཆོས་ཀྱི་མཚན་མ་མ་ཐོབ། ཞི་བ་མ་ཐོབ། རྣམ་པར་ཡང་མི་རྟོག་སྟེ། སྐྱེ་བའང་མེད།
157a7 འགོག་པའང་མེད་ན། མི་དེས་དེའི་ཚེ་མི་སྐྱེ་མི་འགོག་པས་མིང་མྱ་ངན་ལས་འདས་པ་ཐོབ་པ་ཞེས་མི་བྱའོ། །མིང་སྔོན་མྱ་ངན་ལས་འདས་པ་ཐོབ་པ་ཞེས་ཀྱང་མི་བྱའོ། །ཤཱ་རིའི་བུ་དེ་ལྟ་བུར་སྟོན་པ་ནི་མིང་དགེ་བའི་བཤེས་གཉེན་ཞེས་བྱའོ། །མཆོག་གི་གཞུང
157a8 གི་ནང་ན་ནི་དགེ་བའི་བཤེས་གཉེན་ཡང་མེད། ངན་པའི་བཤེས་གཉེན་ཡང་མེད་དོ། །ཤཱ་རིའི་བུ་མི་ལ་ལ་ཞིག་གིས་དེ་ལྟ་བུའི་མཚན་མ་འབྱོར་གྲུབ་ན། འཇིག་རྟེན་ཡོད་དཀོན་ཏེ། ཕྱིན་ཅི་མ་ལོག་པ་ཐོབ་པས་ཡང་དག་པའི་བདེན་པ་མཐོང་སྟེ་དེ
iiif viewer powered by OpenSeadragon
