| e-texts navigator |
| Wylie |
156b1 ལུས་དང་། ཡིད་ཀྱི་ལས་ལྟ་སྨོས་ཀྱང་ཅི་དགོས་ཏེ། ལུས་ལུས་དང་། ཁ་དང་། ཡིད་ཀྱི་གནས་ཀྱང་མེད་པའོ། །བླངས་པ་ཡང་མེད། བསྡུས་པ་ཡང་མེད། འཐབ་པ་ཡང་མེད། རྩོད་པ་ཡང་མེད། བསམ་པ་ཡང་མེད། རྣམ་པར་བརྟག་པའང་མེད། སྟོང་པ་མི་གཡོ
156b2 ཞིང་རང་བཞིན་མེད་ལ། ཚོར་བ་དང་། བརྟག་པ་ཀུན་ཞི་བ་དེའི་མིང་སངས་རྒྱས་བསམ་པའོ། །ཤཱ་རིའི་བུ་མི་ལ་ལ་ཞིག་གིས་དེ་ལྟ་བུའི་སེམས་འབྱོར་གྲུབ་ན། གླིང་བཞིའི་ས་བསྒྱུར་བར་བྱ་ན་ཡང་ཡིད་བཞིན་དུ་བསྒྱུར་ནུས་སོ། །བརྒྱ་སྟོང་འབུམ་གྱི་བདུད
156b3 ཀྱང་ཕེབས་པར་ནུས། ནམ་རིག་པས་བསྒྲིབས་པ་ལྟ་སྨོས་ཀྱང་ཅི་དགོས་ཏེ། མི་བདེན་པས་བསླུས་པའི་རྐྱེན་ལས་ལངས་པ་སྟེ། མི་འགྱུར་བའི་མཚན་མ་མེད་པ་ཆོས་དེ་ལྟ་བུ་ཡིན་ཏེ། འདུ་ཤེས་མེད། འདྲན་ཏོར་མེད། སྐྱེ་བ་མེད། འགོག་པ་མེད་དེ། བཤད་དུ་འང
156b4 མི་རུང་། རྣམ་པར་བརྟག་ཏུའང་མེད། མུན་པའང་མེད། སྣང་བའང་མེད། བདུད་དང་བདུད་ཕལ་ཀུན་གྱིས་ཀྱང་ཚོད་གཟུང་མི་ནུས་ན། འཇིག་རྟེན་གྱི་ཐ་མལ་པས་ཚིག་གིས་བཤད་པ་འབའ་ཞིག་གིས་སྤྱད་དེ་བསྟན་བསླབས་པ་ཡོད་པས་ཚིག་དེ་སྐད་དུ་བྱས
156b5 སུ་ཟད་དོ། །ཁྱོད་སངས་རྒྱས་བསམ་པའི་ཚེ་འདུ་ཤེས་ཅུང་ཟད་མ་བླངས་ཤིག་།འདྲན་ཏོར་མ་སྐྱེས་ཅིག་།རྣམ་པར་བརྟག་པ་མ་བྱེད་ཅིག་།ཅིའི་ཕྱིར་ཞེ་ན། ཆོས་དེ་ཀུན་སྟོང་པ་སྟེ། ཉིད་ཀྱི་མཚན་མའང་མེད། གཅིག་གི་མཚན་མ་བསམ་པ་འང་མི
156b6 རུང་སྟེ། མཚན་མ་མེད་པའོ། །དེའི་མིང་ཡང་དག་པར་དབེན་པར་སངས་རྒྱས་བསམ་པ་སྟེ། དེ་ནི་སྐྱེ་བའང་མེད། འགོག་པའང་མེད། མཚན་མ་མེད་པའོ། །ཅིའི་ཕྱིར་ཞེ་ན། ཡང་དག་པར་གཤེགས་པའི་མིང་ཁ་དོག་ཅེས་མི་བྱའོ། །མིང་གཟུགས
156b7 ཤེས་མི་བྱའོ། །མིང་སེམས་ཤེས་མི་བྱའོ། །མིང་རྣམ་པར་རྟོག་པ་ཅེས་མི་བྱའོ། །ལོག་པའང་མ་ཡིན། མ་ལོག་པའང་མ་ཡིན། མ་བླངས། མ་བོར། ཐུབ་པའང་མ་ཡིན། ཤེས་རབ་ཀྱང་མ་ཡིན། རིག་པ་ཡང་མ་ཡིན། མ་རིག་པ་ཡང་མ་ཡིན། ཡང
156b8 དག་པར་གཤེགས་པ་བཤད་དུ་མི་རུང་། བསམ་གྱིས་ཀྱང་མི་ཁྱབ་སྟེ། འདུ་ཤེས་མེད་དོ། །ཁྱོད་ད་མཚན་མ་ལེགས་པ་ལ་མ་སྲེག་ཅིག་།འདྲན་ཏོར་བརྗོད་པ་ལ་མ་སྲེག་ཅིག་།སངས་རྒྱས་ནི་ཆོས་སོ་ཅོག་ལ་ཆགས་པ་མེད། ཆོས་ཡོད་ཅིང་ཆགས་སུ་རུང
iiif viewer powered by OpenSeadragon
