| e-texts navigator |
| Wylie |
150a1 མེད། མཚན་མ་ཡང་མེད། བྱ་བ་ཡང་མེད་པས་མི་ཀུན་ཡིད་ཆེས་ཤིང་ཤེས་པར་བྱ་བ་ནི་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་མི་ལ་ལ་ཞིག་གིས་རི་རབ་རིའི་རྒྱལ་པོ་བལྡད་དེ། མིད་ལ་ཞུ་ཞིང་ཟད་པར་བྱ་ནུས་ལ་ནམ་མཁའ་ལ་འཕུར་ཏེ་སོང་ན། གནོད
150a2 པ་མེད་པ་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་སངས་རྒྱས་རྣམས་ཀྱིས་བཤད་པ་ལ། ཆོས་སོ་ཅོག་ཀུན་ལ་སྐྱེ་བའང་མེད། འགོག་པ་འང་མེད། མཚན་མ་ཡང་མེད། བྱ་བ་ཡང་མེད་ན། མི
150a3 ཀུན་ཡིད་ཆེས་ཤིང་ཤེས་པར་བྱས་པ་ནི་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་དཔེར་མིའི་མཁར་ཆུ་ཞེང་མཐོན་དམན་དཔག་ཚད་རེ་རེ་ཡོད་ལ་སྒོ་བཞིར་མེ་ལྕེ་བྱུང་བ་ལ་མི་ཞིག་ཁུར་བུ་རྩཝ་སྐམ་པོ་ཁྱེར་ཏེ་དེའི་ནང་ནས་ཕར་རྒལ་བ། རླུང་དྲག་པོས་བུས་པའི་མེ་ལྕེས་དེའི་ལུས
150a4 བསྲེགས་ན་མི་དེས་མེས་རྩཝ་འང་མ་ཚིག་། ལུས་ཀྱང་ཚིག་པར་བྱ་བ་མ་ནུས་ཏེ། དེའི་ནང་ནས་བྱུང་སྟེ་སྔོན་གྱི་དང་མི་མཚུངས་པ་མེད་པ་དེ་ཁྱོད་ཀྱི་ཡིད་ལ་ཇི་སྙམ་ཡོད། དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས
150a5 བཤད་པ། ཆོས་སོ་ཅོག་ཀུན་ལ་སྐྱེ་བ་མེད། འགོག་པ་མེད། མཚན་མ་མེད། བྱ་བ་མེད་ན་མི་ཀུན་ཡིད་ཆེས་ཤིང་ཤེས་པར་བྱས་པ་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་དཔེར་མི་ལ་ལ་ཞིག་གིས་རྡོ་ལ་གཟིངས་སུ་བྱས་ཏེ། མཚོའི་ཚུ་ལོག་གི་འགྲམ་ནས་ཕ་ལོག་གི
150a6 འགྲམ་དུ་ཕྱིན་པར་རྒལ་ན་དེ་ཁྱོད་ཀྱི་ཡིད་ལ་ཇི་སྙམ་ཡོད། དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་བཤད་པ། ཆོས་སོ་ཅོག་ཀུན་ལ་སྐྱེ་བ་མེད། འགོག་པ་མེད། མཚན་མ་མེད། བྱ་བ་མེད་ན། མི
150a7 ཀུན་ཡིད་ཆེས་ཤིང་ཤེས་པར་བྱས་པ་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་མི་ལ་ལ་ཞིག་གིས་གནམ་ངོས་བཞིའི་འོག་རི་རབ་རིའི་རྒྱལ་པོ་དང་། རི་དང་། ཆུ་བོ་དང་། རྩཝ་དང་། ཤིང་ཀུན་ཁུར་དུ་ཁྱེར་ལ། སྦྲང་བུའི་རྐང་པས་སྐས་བྱས་ཏེ། ཚངས་ལྷའི་ཁམས
150a8 སུ་ཐུག་པར་མཛེགས་ན་དེ་ཁྱོད་ཀྱི་ཡིད་ལ་དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་བཤད་པ། ཆོས་སོ་ཅོག་ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན།
iiif viewer powered by OpenSeadragon
