| e-texts navigator |
| Wylie |
14b1 ལྡན་པ་དག་ཀྱང་སྤྲུལ་ནས་བཅོམ་ལྡན་འདས་ག་ལ་བ་དེར་དོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ
14b2 ཏོ། །བཅོམ་ལྡན་འདས་བདག་ཅག་ནི་ཐེག་པ་ཆེན་པོའི་མདོའི་སྡེ་ཚན་སྲུང་བ་ལགས་ན་བདག་ཅག་ལ་ཐུགས་བརྩེ་བའི་སླད་དུ་བདག་ཅག་གིས་ཕུལ་བའི་ཞལ་ཟས་བཞེས་སུ་གསོལ། དེ་སྐད་ཅེས་གསོལ་ཀྱང་ཞལ་ཟས་མ་བཞེས་ནས་ཕྱོགས
14b3 གཅིག་ཏུ་འཁོད་དོ། ། །། བམ་པོ་གཉིས་པ། དེའི་རྗེས་ལ་མཐར་གྱིས་འདོད་པ་ན་སྤྱོད་པའི་ལྷའི་རིས་དྲུག་པོ་རྣམས་ཀྱིས་སྟེང་གི་བར་སྣང་ལ་མཆོད་པ་དང་འོད་སྔ་མ་ལས་ཁྱད་པར་དུ་སྤགས་ནས། བཅོམ་ལྡན་འདས་ག་ལ
14b4 བ་དེར་དོང་སྟེ། དེ་དག་གི་མཆོད་པའི་ནང་ན་གདུགས་ཕལ་པ་གང་ཡིན་པ་དེ་ཡང་ཁོ་ར་ཁོར་ཡུག་ཏུ་གླིང་བཞི་པའི་ཁྱོན་ཙམ་མོ། །བ་དན་ཕལ་པ་གང་ཡིན་པ་དེ་ཡང་རྒྱ་མཚོ་ཆེན་པོ་བཞིའི་མཐར་ཐུག་སྟེ། ཤར་ཕྱོགས་ཀྱི་རྒྱ་མཚོ་ནས་ནུབ་ཕྱོགས
14b5 ཀྱི་རྒྱ་མཚོར་ཐུག་སྟེ། རླུང་གིས་བསྐྱོད་དམ་རླུང་གིས་ཕྱར་ན་བ་དན་དེ་དག་ལས་པི་བང་གི་སྒྲ་སྙན་པ་ཁོང་ནས་འཁྱིལ་པ་ལྟ་བུར་སྙན་པ་དག་འབྱུང་སྟེ། དེ་དག་བཅོམ་ལྡན་འདས་ལ་ཕྱག་འཚལ་ནས་ཞལ་ཟས་བཞེས་པར་གསོལ་བ་བཏབ
14b6 ཀྱང་བཅོམ་ལྡན་འདས་ཅང་མི་གསུང་ནས་རེ་ཐག་ཆད་དེ་ཕྱོགས་གཅིག་ཏུ་འཁོད་དོ། །དེའི་ཚེ་སྲིད་པའི་རྩེ་མོར་སྐྱེས་པ་རྣམས་མ་གཏོགས་པར་གོང་མ་གོང་མའི་སེམས་ཅན་གཞན་གང་ཡིན་པ་དེ་དག་ཐམས་ཅད་བཅོམ་ལྡན་འདས་ལ་མཆོད་པ
14b7 བྱ་བའི་ཕྱིར་མཆོད་པ་རྒྱ་ཆེན་པོའི་ཚོགས་དང་ཆས་ཏེ་ལྷགས་ནས་སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །མི་མཇེད་ཀྱི་བདག་པོ་ཚངས་པ་ཡང་ཚངས་རིས་ཀྱི་ལྷའི་བུ་དཔག་ཏུ་མེད་པ་དག་གིས་བསྐོར་ཅིང་མདུན་དུ་བདར་ཏེ་རང་གི་གཟི
14b8 བྱིན་གྱིས་ལྷ་ཐམས་ཅད་ཀྱི་གཟི་བྱིན་ཟིལ་གྱིས་མནན་ནས་མཆོད་པའི་ཚོགས་ཆེན་པོ་དང་ཆས་ཏེ་བཅོམ་ལྡན་འདས་ཀྱི་ཐད་དུ་དོང་སྟེ། དེ་དག་གི་བ་དན་ཕལ་པ་གང་ཡིན་པ་དེ་ཡང་ཚངས་པའི་འཇིག་རྟེན་ནས་འཕྱང་སྟེ་ཤིང་ས་ལ་ཟུང་གི་དྲུང
iiif viewer powered by OpenSeadragon
