| e-texts navigator |
| Wylie |
14a1 ལས་བདག་ཅག་གིས་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་ཐོབ་པར་འགྱུར་རོ་ཞེས་དེ་དག་གིས་དེ་སྐད་ཅེས་སྨྲས་ནས། གཡོག་འཁོར་མང་པོ་གྲངས་མེད་པ་དང་བཅས་པས་མཆོད་པ་སྔ་མའི་ཉིས་གྱུར་གྱི་མཆོད་པ་དང་ཞལ་ཟས
14a2 མང་པོ་དག་ཁྱེར་རོ། །མེ་ཏོག་མང་པོ་དག་ཀྱང་ཁྱེར་ཏེ་འདི་ལྟ་སྟེ། མན་དཱ་ར་བ་རྣམས་དང་། མན་དཱ་ར་བ་ཆེན་པོ་རྣམས་དང་། ཀེ་ཀེ་རུ་ཀ་རྣམས་དང་། ཀེ་ཀེ་རུ་ཀ་ཆེན་པོ་རྣམས་དང་། མན་ཛུ་ཤ་ཀ་རྣམས་དང་། མན་ཛུ་ཤ་ཀ་ཆེན་པོ
14a3 རྣམས་དང་། སན་ཏ་ན་ཀ་རྣམས་དང་། སན་ཏ་ན་ཀ་ཆེན་པོ་རྣམས་དང་འོད་ཅན་རྣམས་དང་། འོད་ཅན་ཆེན་པོ་རྣམས་དང་། ཀུན་ཏུ་འོད་ཅན་རྣམས་དང་། འོད་མཐའ་ཡས་པ་རྣམས་དང་། མཛེས་སྡུག་རྣམས་དང་། མཛེས
14a4 སྡུག་ཆེན་པོ་རྣམས་དང་། དགའ་བྱེད་རྣམས་དང་། དགའ་བྱེད་ཆེན་པོ་རྣམས་དང་། དྲི་མཆོག་རྣམས་དང་། དྲི་མཆོག་ཆེན་པོ་རྣམས་དང་། སྤོས་ཀྱི་ངད་ལྡང་རྣམས་དང་། སྤོས་ཀྱི་ངད་ལྡང་ཆེན་པོ་རྣམས་དང་། ཀུན་ཏུ་ངད་ལྡང
14a5 རྣམས་དང་། ཀུན་ཏུ་ངད་ལྡང་ཆེན་པོ་རྣམས་དང་། མཐའ་ཡས་ངད་ལྡང་རྣམས་དང་། མཐའ་ཡས་ངད་ལྡང་ཆེན་པོ་རྣམས་དང་། ལྷ་རྫས་ཀྱི་མདབ་མ་རྣམས་དང་། ཀླུང་གི་མེ་ཏོག་རྣམས་དང་། ཡོངས་འདུ་ས་བརྟོལ་རྣམས་དང་།
14a6 དེ་ལྟ་བུ་གཞན་དག་ཀྱང་ཁྱེར་ནས་བཅོམ་ལྡན་འདས་ག་ལ་བ་དེར་དོང་སྟེ། ཉི་མའི་གཟི་བྱིན་གྱིས་སྲིན་བུ་མེ་ཁྱེར་གྱི་འོད་ཟིལ་གྱིས་མནན་པ་བཞིན་དུ་རང་རང་གི་གཟི་བྱིན་གྱིས་ཐམས་ཅད་ཀྱི་འོད་ཟིལ་གྱིས་མནན་ཏེ་ཞལ་ཟས་མ་བཞེས་ནས
14a7 ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷའི་དབང་པོ་བརྒྱ་བྱིན་སུམ་བཅུ་རྩ་གསུམ་པའི་ལྷ་རྣམས་ཀྱི་འཁོར་དང་བཅས་པས་མཆོད་པ་སྔ་མ་དེའི་ཉིས་གྱུར་དེའི་རྐྱེན་དུ་འཚམ་པ་དེ་ན་ཡོད་པའི་མེ་ཏོག་གི་སྣ་གྲངས་དུ་མ་ཡིད་དུ
14a8 འོང་བ་རྣམས་དང་། ཡིད་དུ་འོང་བ་ཆེན་པོ་རྣམས་དང་། དྲི་བསུང་ཆེན་པོ་རྣམས་ཁྱེར་རོ། །ཁང་བཟངས་ཆེན་པོ་རྡོ་ཐལ་གྱི་མདོག་ལྟར་དཀར་བ། ཐེམ་སྐས་ཀྱི་རིམ་པ་དང་ལྡན་པ། སྐར་ཁུང་གི་ཕྲེང་བ་དུ་མ་ཕུག་རོན་ཤུག་རྩེ་བ་དང
iiif viewer powered by OpenSeadragon
