| e-texts navigator |
| Wylie |
147b1 ནས་ལོ་བརྒྱ་ཕྲག་བདུན་པ་ལ་ནི་བསྟན་པ་ལ་མཆོད་པ་སྙིང་པོར་བྱེད་པར་འགྱུར་རོ། །ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་བསྟན་པ་ལ
147b2 བསྙེན་བཀུར་བྱེད་ཅིང་བླ་མར་བྱེད་པར་འགྱུར་བ་དང་། རྗེད་པར་འགྱུར་བ་དང་། མཆོད་པར་འགྱུར་རོ། །ངའི་ཉན་ཐོས་རྣམས་ཀྱང་རྙེད་པ་དང་བཀུར་སྟི་དང་ཚིགས་སུ་བཅད་པ་ལྷུར་ལེན་པར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་བརྒྱད
147b3 པ་ལ་ནི་བསྟན་པ་ལ་ཞལ་ཏ་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཕན་ཚུན་གནོད་པ་བྱེད་པར་འགྱུར་ཞིང་ཡི་གེ་ལ་སེམས་པར་ལྟ་བ་ལ་མཁས་པ་དང་། མཁན་པོ་དང་སློབ་དཔོན་ལ་མ་གུས་པ་དང་། ཤེས་བཞིན་མེད་པར་གནས་པར་འགྱུར
147b4 བ་དང་། སྒྱུ་དང་ལྡན་ཞིང་རང་ཉིད་སྐྱེས་བུ་ངན་པའི་ཚིག་ཏུ་སྨྲ་བ་དང་། དགེ་འདུན་དང་མཆོད་རྟེན་གྱི་ནོར་ཁྱིམ་ན་གནས་པ་དང་། རྒྱལ་པོའི་ཕོ་བྲང་དུ་བསྡུ་བ་བྱས་ནས་རྣམ་པར་འཇིག་པར་བྱེད་པར་འབྱུང་བར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས
147b5 འདས་ནས་ལོ་བརྒྱ་ཕྲག་དགུ་པ་ལ་ནི་བསྟན་པ་ལས་སྙིང་པོར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཁྱིམ་གྱི་བྱ་བའི་ལས་བྱེད་པ་ལ་བརྩོན་པར་འགྱུར་རོ། །ཞིང་གི་ལས་ཀྱི་མཐའ་ལ་དགའ་བ་དང་། ཉོ་ཚོང་ལ་མངོན་པར་དགའ་བ་དང་། འདོད་པ་ལ་རབ
147b6 ཏུ་འཇུག་ཅིང་ཕོ་ཉར་གཏོང་བས་འཚོ་བ་བསྒྲུབ་པར་འགྱུར་བ་དང་། ལེ་ལོ་ཅན་དུ་འགྱུར་བ་དང་། དེ་བཞིན་གཤེགས་པས་ལེགས་པར་བཅས་པའི་བསླབ་པ་རྣམས་བསྲུང་བར་མི་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་སྟོང་གི་ནི་བསྟན
147b7 པ་ལ་གཏམ་གྱི་སྙིང་པོར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་གཏམ་སྣ་ཚོགས་ལ་མངོན་པར་དགའ་བ་དང་ལྡན་པར་འགྱུར་ཞིང་གང་གི་འཇིག་རྟེན་ལས་འདས་པའི་སངས་རྒྱས་ཀྱི་གསུང་འདི་ལྟ་སྟེ། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་།
147b8 ལུང་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། གླེང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པའི་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་སྡེ་དང་། ཆོས་རྣམ
iiif viewer powered by OpenSeadragon
