| e-texts navigator |
| Wylie |
147a1 ཉེ་འཁོར་ཤིང་ས་ལ་ཟུང་གི་ཚལ་ན་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེ་ཕྱི་མའི་དུས་དང་ཉེ་བར་གྱུར་པ་ན་དེའི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།
147a2 ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་དང་པོ་ལ་ནི་བསྟན་པ་ལ་ཆོས་ལ་བླ་མར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཆོས་ཀྱི་ཀུན་དགའ་ར་བ་ལ་དགའ་བ་དང་ལྡན་པར་འགྱུར་ཞིང་ཤེས་པ་ལ་མཁས་པ་དང་ཤེས་རབ་དམ
147a3 པ་དང་ལྡན་པའི་རང་བཞིན་ཅན་དུ་འགྱུར་རོ། །ཀུན་དགའ་བོ་ཡང་དེའི་ཚེ་ན་རྒྱལ་པོ་མྱ་ངན་མེད་ཅེས་བྱ་བ་འཛམ་བུའི་གླིང་གི་དབང་ཕྱུག་ལ་དབང་བྱེད་པར་གྱུར་ཏེ། དེ་ང་ཡོངས་སུ་མྱ་ངན་ལས་འདས་པའི་སྐུ་གདུང་གི་རིང་བསྲེལ་གྱི་མཆོད་རྟེན་རྒྱ་ཆེར
147a4 བྱེད་པར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་གཉིས་པ་ལ་ནི་བསྟན་པ་ལ་རྣམ་པར་གྲོལ་བའི་སྙིང་པོ་ཅན་དུ་འགྱུར་རོ། །ཉན་ཐོས་རྣམས་ཀྱང་ང་ལ་སྟོན་པར་རྟོག་ཅིང་སྟོན་པར་མཁས་པར་བྱེད་པར་འགྱུར་རོ། །
147a5 ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་གསུམ་པ་ལ་ནི་བསྟན་པ་ལ་བསྒྲུབ་པ་སྙིང་པོར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་གཉིས་ཀའི་ཆ་ལས་རྣམ་པར་གྲོལ་བར་འགྱུར་བའི་ལུས་ཀྱིས་མངོན་སུམ་དུ་བྱེད་ཅིང
147a6 མཐོང་བར་ཐོབ་པ་དང་ཤེས་རབ་ཀྱིས་རྣམ་པར་གྲོལ་བར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་བཞི་པ་ལ་ནི་བསྟན་པ་ལ་རྣམ་པར་དབེན་པའི་སྙིང་པོར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ནང་དུ་ཡང་དག
147a7 འཇོག་ལ་དགའ་བར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་ལྔ་པ་ལ་ནི་བསྟན་པ་ལ་ཆོས་བླ་མར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཆོས་ཀྱི་ཀུན་དགའ་ར་བ་ལ་མངོན་པར་དགའ་བར་འགྱུར་རོ། །ཀུན་དགའ
147a8 བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་དྲུག་པ་ལ་ནི་བསྟན་པ་ལ་ཀློག་པ་དང་འདོན་པ་ལ་མངོན་པར་དགའ་བར་འགྱུར་རོ། །ངའི་ཉན་ཐོས་རྣམས་ཀྱང་བརྩོན་འགྲུས་རྩོམ་པར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས
iiif viewer powered by OpenSeadragon
