| e-texts navigator |
| Wylie |
145b1 པར་མཛད་དོ། །སེམས་ཅན་རྣམས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་རྒྱ་མཚོ་ལས་ངེས་པར་བསྒྲལ་བའི་ཕྱིར་སྦྱིན་པའི་ཕ་རོལ་དུ་ཕྱིན་པ་བསྔགས་པར་ཡང་མཛད་ལ་གསོལ་བར་ཡང་མི་མཛད་དོ། །དེ་བཞིན་གཤེགས་པ
145b2 ལོ་དྲུག་གི་བར་དུ་དཀའ་བ་སྤྱད་པས་ཉམ་ཆུང་བར་གྱུར་ཏོ། །ཞེས་སངས་རྒྱས་ལ་སེམས་ཅན་ཐམས་ཅད་དང་འདྲ་བར་བལྟ་བར་མི་བྱའོ། །འདོད་པའི་ཆུ་བོ་ལས་རྒལ་བ་དེ་དག་ནི་བརྟན་པོ་ཡིན་ཏེ་དཔའ་བོ་དེ་དག་ནི་མིའི་ཡུལ་ལ་སྤྱོད་པ་མ་ཡིན་ནོ། །
145b3 དེ་བཞིན་དུ་ངའི་ཉན་ཐོས་རྣམས་ཀྱི་སྟོབས་དང་སྤྱོད་ཡུལ་ཡང་བསམ་གྱིས་མི་ཁྱབ་པོ། །སེམས་ཅན་ཐམས་ཅད་ཟས་ལ་རྟེན། །ཅེས་བྱ་བ་ཡང་ལྷག་མ་ཡོད་པའི་དོན་ཡིན་པར་ཤེས་པར་བྱའོ། །སེར་སྣ་མེད་པ་ཐམས་ཅད་གཡོ་བ་ཡིན
145b4 ཞེས་བྱ་བ་དེ་ཡང་ལྷག་མ་ཡོད་པའི་དོན་ཡིན་ཏེ་བདག་ལ་སེར་སྣ་བྱེད་པ་མི་གཡོ་བའི་བདེ་བར་འགྲོ་བ་དམ་པ་འགའ་ཡང་ཡོད་དོ། །ཐམས་ཅད་ཟས་ཀྱི་ཉེས་པས་ནད་དུ་འགྱུར་ཞེས་བྱ་བ་དེ་ཡང་ལྷག་མ་ཡོད་པའི་དོན་ཡིན་ཏེ་ཚེར་མས་ཟུག་པ་ལ་སོགས
145b5 པའི་ནད་གློ་བུར་དག་ཀྱང་ཡོད་དོ། །ཆོས་སྤྱོད་པ་རྣམས་དང་འགྲོགས་པ་ཐམས་ཅད་བདེ་ཞེས་བྱ་བ་དེ་ཡང་ལྷག་མ་ཡོད་པའི་དོན་ཡིན་ཏེ་འཇིག་རྟེན་པ་རྣམས་ལ་ཡང་ཆོས་འཛིན་པ་རྣམས་དང་འཚམ་པའི་ཆོས་རྣམ་པ་མང་པོ་དག་ཡོད་དེ་དེ་དག་ལ་ཡང་བྱ་བ་སྣ
145b6 ཚོགས་ཡོད་མོད་ཀྱི་སྨྱུང་བ་རྣམ་པ་སྣ་ཚོགས་ཅན་ལུས་ཉོན་མོངས་པ་དེ་དག་དང་གལ་ཏེ་ལ་ལ་ཞིག་འགྲོགས་པར་གྱུར་ན་ཅི་བདེ་བ་ལ་སྟེན་པར་འགྱུར་རམ། དེ་ལྟ་ན་ནི་དོན་དང་འགལ་བར་འགྱུར་རོ། །དེ་བས་ན་སངས་རྒྱས་ནི་རྒྱུ་མེད་པར་དོན་དང
145b7 འགལ་བ་སྟོན་པར་མི་མཛད་དེ་གདུལ་བར་བྱ་བའི་དབང་གིས་རྒྱུ་དང་བཅས་རྐྱེན་དང་བཅས་པར་སྟོན་པར་ཤེས་པར་གྱིས་ཤིག་། འཇིག་རྟེན་ལས་འདས་པའི་ཆོས་ནི་མཆོག་ཏུ་བདེ་བ་ཡིན་ནོ། །ཚིགས་སུ་བཅད་པ་འདི་ནི་གྲོང་ཁྱེར་གྱེན་དུ་རྒྱལ
145b8 ཞེས་བྱ་བའི་བྲམ་ཟེ་ལུག་དཔལ་ཞེས་བྱ་བ་ལས་བརྩམས་ནས་བསྟན་པ་ཡིན་ཏེ། བྲམ་ཟེ་ལུག་དཔལ་ཞག་བཞི་པའི་སྨྱུང་བ་བྱེད་ཅིང་ངའི་ཐད་དུ་འོངས་ནས་ངས་དེའི་ཞག་བཞི་པའི་སྨྱུང་བའི་ལྟ་བ་བསལ་བའི་ཕྱིར་སེམས་ཅན་ཐམས་ཅད་ཟས་ལ་རྟེན
iiif viewer powered by OpenSeadragon
