| e-texts navigator |
| Wylie |
144b1 དགས་ནི་དེ་རང་དབང་དུ་གྱུར་ན་སྡིག་པ་བགྱིད་པ་དང་འགུམ་པར་འགྱུར་བས་ན་བཀའ་སྩལ་པ་འདི་ནི་ལྷག་མ་ཡོད་པའི་དོན་ལགས་ཏེ། དེ་བས་ན་གཞན་གྱི་དབང་དུ་གྱུར་པ་ཐམས་ཅད་སྡུག་པ་ཡང་མ་ལགས་ལ་རང་དབང་ཅན་ཐམས་ཅད་བདེ
144b2 བ་ཡང་མ་ལགས་སོ། །ང་རྒྱལ་དབང་གྱུར་ཀུན་མི་ཟད། །ཅེས་བགྱི་བ་དེ་ཡང་ལྷག་མ་ཡོད་པའི་དོན་ལགས་ཀྱི་ང་རྒྱལ་གྱི་དབང་དུ་གྱུར་པ་ཀུན་མི་ཟད་པ་ཡང་མ་ལགས་ཏེ། འདི་ན་ལ་ལ་ཞིག་ང་རྒྱལ་གྱི་དབང་གིས་རབ་ཏུ་བྱུང་ན་ཅི་ལགས་རབ་ཏུ
144b3 བྱུང་བ་དེ་ལ་ང་རྒྱལ་གྱི་དབང་དུ་གྱུར་པ་ཀུན་མི་ཟད་ཅེས་བགྱི་ལགས་སམ། དེ་ནི་ང་རྒྱལ་མ་མཆིས་པ་དང་། བསོད་ནམས་དང་ལྡན་པ་དང་། ཚུལ་ཁྲིམས་དང་ཆོ་ག་དང་ལྡན་པ་དང་། དབང་པོ་བསྲུངས་པ་ལགས་ཏེ། དེ་བས་ན
144b4 ང་རྒྱལ་གྱི་དབང་དུ་གྱུར་པ་ཀུན་མི་ཟད་པ་ཡང་མ་ལགས་སོ། །དགའ་བ་ཐམས་ཅད་བཟང་བ་ཡིན་ཞེས་བགྱི་བ་དེ་ཡང་ལྷག་མ་ཡོད་པའི་དོན་ལགས་ཀྱི་དགའ་བ་ཐམས་ཅད་ཀྱང་བཟང་བ་མ་ལགས་ཏེ། བསྟན་པ་འདི་ལ་ཕམ་པ
144b5 བྱུང་བ་རྣམས་གོས་ཚོན་ཅན་གྱི་རྟགས་ཅན་རྣམས་དང་ལྷན་ཅིག་འཁོད་པ་བདག་ཉིད་ཀྱིས་རུང་བར་མཐོང་ཡང་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། དེ་ལྟ་བུ་དག་ལ་བཟང་ཞེས་བགྱིས་ན་དོན་དང་འགལ་བར་འགྱུར
144b6 ལགས་སོ། །ཕམ་པ་བྱེད་བྱེད་པ་དེ་དག་གོས་དཀར་པོ་གྱོན་དུ་འཇུག་པ་དེ་དག་ནི་བཟང་པོའི་མཆོག་དོན་རྒྱ་ཆེན་པོ་བགྱིས་པ་ལགས་སོ། །ཕམ་པ་བགྱིས་པ་རྣམས་ནི་མི་བཟང་བ་ཞེས་བགྱི་སྟེ་དེ་དག་ཕུང་བར་བགྱིད་པ་དེ
144b7 དག་ནི་མི་བཟང་བ་ཞེས་བགྱིའོ། །དེ་བས་ན་དགའ་བ་ཐམས་ཅད་བཟང་བ་མ་ལགས་ན་ལྷའི་ཡང་ལྷ་སངས་རྒྱས་དེ་བཞིན་གཤེགས་པས་ཅི་ལས་དགོངས་ཏེ་དེ་སྐད་ཅེས་བཀའ་སྩལ་ལགས། དེ་ནས་བཅོམ་ལྡན་འདས་ཀྱིས
144b8 འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །སངས་རྒྱས་ནི་རྒྱུ་མེད་པའི་དོན་དང་འགལ་བར་མི་གསུང་གི་རྒྱུ་དང་བཅས་རྐྱེན་དང་བཅས་པར་གསུང་སྟེ་རྒྱལ་པོའི་ཁབ་ན་ཁྱིམ་བདག་ཀོ་ཏ་ཀའི
iiif viewer powered by OpenSeadragon
