| e-texts navigator |
| Wylie |
142b1 དགུ་ལས་འདི་ན་གཅེར་བུ་པ་སེམས་ཅན་དམྱལ་བ་ཐམས་ཅད་དང་། ཡ་མཚན་ཅན་དགུ་བཅུ་རྩ་དྲུག་པོ་རྣམས་ལ་ནི་ལམ་ངན་པར་ཞུགས་པ་ཡིན་ནོ། །སངས་རྒྱས་ཀྱི་སྲས་ཐམས་ཅད་ནི་མྱ་ངན་ལས་འདས་པ་ལ་ཞུགས
142b2 པ་ཡིན་ནོ། །དྲང་པོ་དང་ཚུལ་ཁྲིམས་དང་ཆོ་ག་དང་ལྡན་པ་དང་། དབང་པོ་ཐུལ་བ་གང་ཡིན་པ་དེ་དག་ཐམས་ཅད་ནི་མཐོ་རིས་སུ་འགྲོ་བ་དང་། ཆོས་ཀྱི་སྤྱོད་ཡུལ་ཅན་ཡིན་ནོ་ཞེས་བདག་བསྟོད་པ་དང་། གཞན་སྨོད་པ་དང་།
142b3 གཞན་གཤུང་བ་བཀའ་སྩལ་ཏེ། བཅོམ་ལྡན་འདས་ཀྱིས་དེ་ལྟར་གཞན་དང་མི་མཐུན་པ་རྣམས་ཀྱང་བཀའ་སྩལ་ལ། གཞན་དག་དང་མི་མཐུན་པ་ཞེས་བགྱི་བ་ཡང་མ་ལགས་པ་ཅི་ལྟ་བུ་ལགས། དེ་ནས་བཅོམ་ལྡན
142b4 འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ངས་གཞན་གྱི་མི་མཐུན་བརྟག་མི་བྱ། །ཞེས་བསྟན་པ་དེ་གང་ལས་ནི་བརྩམས་ཅིའི་ཕྱིར་ནི་བསྟན་ཅེ་ན། མ་སྐྱེས་དགྲ་ལས
142b5 བརྩམས་ནས་བསྟན་པ་ཡིན་ཏེ་སངས་རྒྱས་བཅོམ་ལྡན་འདས་ནི་རྒྱུ་མེད་པར་དོན་འགལ་བ་སྟོན་པར་མི་མཛད་ཀྱི་རྒྱུ་དང་བཅས་པར་སྟོན་པར་མཛད་དེ། སྔོན་མ་སྐྱེས་དགྲས་ཕ་བསད་ནས་ངའི་ཐད་དུ་འོངས་ནས་འདི་ལྟར
142b6 བརྙས་ཐབས་སུ་དྲི་བ་དྲིས་ཏེ་ཅི་ལགས། བཅོམ་ལྡན་འདས་ཐམས་ཅད་མཁྱེན་པ་ལགས་སམ་འོན་ཏེ་ཐམས་ཅད་མཁྱེན་པ་མ་ལགས། གལ་ཏེ་ཐམས་ཅད་མཁྱེན་པ་ལགས་ན་ཅིའི་སླད་དུ་ལྷ་སྦྱིན་རབ་ཏུ་ཕྱུང་ལགས།
142b7 དེ་ཚེ་རབ་སྟོང་ཕྲག་མང་པོར་ཕྱི་བཞིན་འབྲང་ཞིང་གནོད་པ་བགྱིད་པར་གཟིགས་ན་ད་ལྟར་ཡང་རྒོལ་དུ་འོང་བར་ཐམས་ཅད་མཁྱེན་པ་ཁྱོད་ཀྱིས་ཇི་ལྟར་གཟིགས་ཤེས་ཟེར་ནས་ངས་དེ་ལ་འདི་སྐད་དུ། གཞན་དང་མི་མཐུན
142b8 བརྟག་མི་བྱ། །ཞེས་བྱ་བའི་ཚིགས་སུ་བཅད་པ་བསྟན་ཏོ། །ད་ནི་རྒྱལ་པོ་ཆེན་པོ་ཁྱོད་བདག་གིས་ཕ་བསད་དེ་མཚམས་མེད་པའི་ལས་ཀྱི་རབ་དུག་ཆེན་པོ་བྱས་པ་དེ་སྦྱང་བར་གྱིས་ཤིག་།རྒྱལ་པོ་གཞན་གྱི་ཉེས་པ
iiif viewer powered by OpenSeadragon
