| e-texts navigator |
| Wylie |
13b1 རི་རབ་དང་བཅས་ཏེ་མཆོད་པའི་ཕྱིར་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷའི་བུ་མཐུ་བོ་ཆེ་འོད་ཆེན་པོ་རྒྱ་མཚོ་ཆེན་པོ་བཞིའི་ནང་ན་གནས་པ་དང་། ཆུ་ཀླུང་ཆེན་པོ་དག་གི་ནང་ན་གནས
13b2 པ་གང་གཱའི་ཀླུང་གྲངས་མེད་པའི་བྱེ་མ་སྙེད་མཆོད་པ་སྔ་མ་བས་ཆེས་ཉིས་གྱུར་གྱིས་མཛེས་པའི་མཆོད་པ་སྔོན་ཏུ་བཏང་ནས། ཉི་མའི་འོད་ཀྱིས་མར་མེའི་འོད་ཟིལ་གྱིས་མནན་པ་བཞིན་དུ་རང་རང་གི་འོད་ཀྱིས་ཉི་མའི་འོད་ཟིལ་གྱིས་མནན་ཏེ། ཉི་མ་འཆར་ཀའི་འོད
13b3 ཀྱིས་ཤིང་མྱ་ངན་འཚང་གི་ལོ་མ་ཐམས་ཅད་དམར་ལམ་མེར་སྣང་བར་བྱེད་པ་དེ་བཞིན་དུ་རང་རང་གི་འོད་ཀྱིས་ཆུ་ཀླུང་གསེར་ལྡན་གྱི་ཆུ་དམར་ལམ་མེར་སྣང་བར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །གཞན
13b4 ཡང་དེའི་ཚེ་གྲོང་ཁྱེར་ཀུ་ཤི་ནས་ཤིང་ས་ལ་ཟུང་གི་དྲུང་གི་བར་སྐབས་ཀྱི་བར་སྣང་ལ་ཁང་བཟངས་རིའི་དབང་པོའི་རྩེ་མོ་ལྟ་བུ་ངང་པའི་ཐལ་གོང་ལྟར་དཀར་བ་ཤ་སྟག་གིས་འཁྲིགས་པར་གྱུར་ཏོ། །ས་གཞི་ནི་བསྐྱེད་མོས་ཚལ་དང་རྫིང་བུའི་ཆུ་པད་མས
13b5 མཛེས་པར་བྱས་པ་དག་གིས་གང་བར་འདུག་སྟེ་བྱང་གི་སྒྲ་མི་སྙན་ཀྱི་བསྐྱེད་མོས་ཚལ་བས་ཀྱང་ལྷག་པར་མཛེས་སོ། །གཅིག་ཏུ་ན་དགའ་བའི་ཚལ་དང་། ཤིང་རྟ་སྣ་ཚོགས་ཅན་དང་འདྲ་བར་གྱུར་ཏེ། ས་ཕྱོགས་དེ་དག་དེ་ལྟར་དགའ་དགའ
13b6 ལྟར་འདུག་ཀྱང་ལྷ་དང་། ལྷ་མ་ཡིན་དང་མི་དེ་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་ཕྱིར་ཤིན་ཏུ་ངུའོ། །གཞན་ཡང་དེའི་ཚེ་རྒྱལ་ཆེན་བཞིའི་རིས་ཀྱི་ལྷ་རྣམས་རང་རང་གི་འཁོར་ལ་འདི་སྐད་ཅེས་ཟེར་ཏོ། །གྲོགས་པོ་དག་ལྟོས།
13b7 གྲོགས་པོ་དག་ལྟོས། ལྷ་དང་ལྷ་མ་ཡིན་དང་། མི་རྣམས་ཀྱི་དེ་བཞིན་གཤེགས་པའི་མཆོད་པའི་ལས་ཁྱད་པར་དུ་འཕགས་ལ། དེ་བཞིན་གཤེགས་པ་ལ་ཞལ་ཟས་ཀྱི་ཐ་མ་འབུལ་བ་ལ་བརྩོན་གྱིས། གྲོགས་པོ་དག་བདག་ཅག་ཀྱང་དེ་བཞིན
13b8 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པ་བྱའོ། །ཞལ་ཟས་ཀྱི་ཐ་མ་ཡང་དབུལ་བར་བྱའོ། །གལ་ཏེ་བདག་ཅག་གིས་ཕུལ་བའི་ཞལ་ཟས་ཀྱི་ཐ་མ་བཅོམ་ལྡན་འདས་ཀྱིས་བཞེས་པར་གྱུར་ན་དེ
iiif viewer powered by OpenSeadragon
