| e-texts navigator |
| Wylie |
13a1 མ་སྙེད་སེམས་ཅན་ཐམས་ཅད་ལ་མི་འཇིགས་པ་སྦྱིན་པ་ཤ་སྟག་གིས་སེང་གེའི་རྩལ་ཆེན་པོས་སྤོས་ཀྱི་གླང་པོ་ཆེ་རྣམས་དང་འདྲ་བར་མེ་ཏོག་དང་འབྲས་བུ་རྣམས་ཁྱེར་ཏེ་རིངས་པར་ལྷགས་ནས་ཕྱོགས་གཅིག་ཏུ་འཁོད་དོ། །གཞན་ཡང
13a2 དེའི་ཚེ་བྱ་ངང་པ་དང་། ཁྲུང་ཁྲུང་དང་ངུར་པ་དང་ཀ་དམ་པ་དང་ཟལ་མོ་དང་གཞད་དང་ཁུ་བྱུག་དང་བ་ལི་ཀ་དང་། ཀ་ལ་པིང་ཀ་དང་ཤང་ཤང་ཏེའུ་ལ་སོགས་པས་ཀྱང་སྤོས་ཀྱི་གླང་པོ་ཆེ་རྣམས་དང་འདྲ་བར་མེ་ཏོག་དང་འབྲས་བུ་ཁྱེར་ཏེ་རང་རང་གི་སྐད་ཕྱུང་ནས
13a3 ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་སའི་སྟེང་ན་བ་དང་མ་ཧེ་མོ་དང་ར་མ་མོ་ཡོད་དོ་ཅོག་ནུ་མ་འོ་མས་བཀང་སྟེ་ཤིན་ཏུ་རིངས་པར་ལྷགས་ནས་ཤིང་ས་ལ་ཟུང་གི་དྲུང་ནས་ཕྱོགས་གཤོང་ཞིག་མཐོང་ནས། དེར་རང་རང་གི་ནུ་མ་འོ་མས་གང་བ་དེ་དག
13a4 ལས་འོ་མ་གསེག་མ་དང་། བྱེ་མ་དང་བ་ཚས་མ་འགགས་ཤིང་ཚ་བའི་སྐྱོན་དུ་འགྱུར་བ་མེད་པ་དག་གཟགས་ཏེ། འོ་མ་དེ་དག་གི་ནང་ནས་སྦྲང་བུ་དག་བསལ་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་དྲང་སྲོང་བཟོད་པར་སྨྲ་བ་ལ་སོགས་པ
13a5 གླིང་བཞི་ན་གནས་པའི་དྲང་སྲོང་མངོན་པར་ཤེས་པ་ལྔ་དང་ལྡན་པ་ཐེག་པ་ཆེན་པོ་འདོད་པ་ཤ་སྟག་ལ་གང་གཱའི་ཀླུང་དཀྲིགས་ཀྱི་བྱེ་མ་སྙེད་རང་རང་གི་རྫུ་འཕྲུལ་གྱི་སྟོབས་ཀྱིས་ཡམ་སྲེག་ཤིང་དང་། ཞལ་ཟས་དག་ཁྱེར་ནས་བཅོམ་ལྡན་འདས་ལ
13a6 ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་འོད་སྲུང་ཆེན་པོ་ལ་སོགས་པ་དགེ་སློང་གི་དགེ་འདུན་ཁ་ཅིག་དང་། གནས་བརྟན་ཀུན་དགའ་བོ་ལ་སོགས་པ་མ་གཏོགས་པར་ཡུལ་ཕྱོགས་ན་གནས་པའི་དགེ་སློང་དང་། དགེ་སློང་མ
13a7 ཇི་སྙེད་ཡོད་པ་དེ་དག་ཐམས་ཅད་ཀྱང་མ་ལུས་པར་དེར་ལྷགས་སོ། །གཞན་ཡང་དེའི་ཚེ་རི་རབ་ལ་སོགས་པ་རི་ཆེན་པོ་རྣམས་དང་། འཇིག་རྟེན་གྱི་བར་མཚམས་ཀྱི་རི་གང་གཱའི་ཀླུང་གྲངས་མེད་པའི་བྱེ་མ་སྙེད་ཀྱང་ཤིང་ལྗོན་པ་དང་། འཁྲི་ཤིང་མང
13a8 པོ་ཉིན་མཚན་གྱི་གྲིབ་མ་བྱེད་པ་དང་། བྲག་ཟང་ཡག་གྲིབ་མ་ཆེ་བ་དང་། བྲག་ཁ་ནས་འབབ་པའི་ཆུས་གང་བ་དང་། སྨན་གཤོང་རྡོ་གུ་དང་རྩ་བ་དང་འབྲས་བུས་གང་བ་དག་ཀྱང་དེར་ལྷགས་སོ། །ལྷའི་བུ་མཐུ་བོ་ཆེའི་འདུན་མ་ཆེན་པོ་དག་ཀྱང
iiif viewer powered by OpenSeadragon
