| e-texts navigator |
| Wylie |
138b1 ལ་སོགས་པས་ནི་ཙུན་དས་དེ་ལྟར་འབྲས་སཱ་ལུ་ཡུལ་མ་ག་དྷའི་ན་ལི་ཀ་བརྒྱད་ལས་ཞལ་ཟས་སྦྱར་བ་ཡང་རྡུལ་ཙམ་ཡང་དགེ་སློང་གི་དགེ་འདུན་གྱིས་མི་གསོལ་བ་དང་། དེ་བཞིན་གཤེགས་པ་ཞལ་ཟས་མི་གསོལ
138b2 བའི་ཡ་མཚན་རྨད་དུ་བྱུང་བ་འདི་ཡང་དག་པར་འཚལ་ཏེ། འདི་ནི་ཐབས་ཙམ་དུ་མཛད་པར་བས་སོ་སྙམ་དུ་སེམས་ལགས་སོ། །ཉན་ཐོས་ཀྱི་ཚོགས་རྣམས་ཀྱིས་ནི་ཀྱེ་མ་དེ་བཞིན་གཤེགས་པ་ནི
138b3 དཔག་ཏུ་མེད་པ་དང་རྟག་པ་ལགས་སོ་སྙམ་དུ་མ་འཚལ་ལགས་སོ། །དེ་ནས་བཅོམ་ལྡན་འདས་ཀྱིས་མགར་བའི་བུ་ཙུན་ད་ལ་བཀའ་སྩལ་པ། ཙུན་ད་ཁྱོད་ཀྱིས་ངོ་མཚར་རྨད་དུ་བྱུང་བ་ཅི་མཐོང་།
138b4 གསོལ་པ། བཅོམ་ལྡན་འདས་སྔར་ནི་དེ་བཞིན་གཤེགས་པ་ཡ་མཚན་གྱི་མཆོག་སུམ་བཅུ་རྩ་གཉིས་དང་། དཔེ་བྱད་བཟང་པོ་བརྒྱད་བཅུ་མངའ་བ་དུ་མ་མཐོང་བ་ལས་ད་ནི་རང་རང་གིས
138b5 བསྒྱུར་ནས་འདི་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་པོ་དག་ཏུ་སྣང་ལགས་སོ། །དེ་བཞིན་གཤེགས་པ་ནི་དུག་སྨན་གྱི་སྡོང་པོ་ལྟ་བུའི་སྐུ་གཅིག་པུར་གྱུར་ཏེ། བྱང་ཆུབ་སེམས
138b6 དཔའ་རྣམས་ཀྱིས་བསྐོར་བར་གདའ་ལགས་སོ། །བཀའ་སྩལ་པ། སངས་རྒྱས་སྔ་མ་གང་ཡིན་པ་དེ་དག་ནི་སེམས་ཅན་ཐམས་ཅད་ལ་ཕན་པ་དང་། བདེ་བ་དང་། ཡིད་དགའ་བར་བྱ་བ་དང
138b7 བསོད་ནམས་མི་ཟད་པར་བྱ་བའི་ཕྱིར་སྤྲུལ་པ་ཡིན་ཏེ། སྒྱུ་འཕྲུལ་འདི་ནི་བྱང་ཆུབ་སེམས་དཔའ་རྣམས་མ་གཏོགས་པར་སེམས་ཅན་རྣམས་ཀྱིས་མི་ཤེས་སོ། །དེ་ལྟར་ན་བྱང་ཆུབ་སེམས་དཔའི་སྤྱོད་པ་ནི
138b8 དཔག་ཏུ་མེད་དོ། །དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་དཔག་ཏུ་མེད་དོ། །བྱང་ཆུབ་སེམས་དཔའ་མི་མཆོག་རྣམས་ལ་ནི་སངས་རྒྱས་ཀྱི་རྣམ་པར་འཕྲུལ་པའི་མཐུ་ཡོད་དོ། །
iiif viewer powered by OpenSeadragon
