| e-texts navigator |
| Wylie |
137a1 ནས་ཕུལ་བའི་ཞལ་ཟས་གསོལ་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདའོ། །ཕྱིན་ཅད་བདག་ཅག་གིས་སུ་ལ་ཞལ་ཟས་དབུལ་བར་བྱ། བདག་ཅག་ནི་མགོན་དང་བྲལ་ཏེ་མགོན་མེད
137a2 པར་འགྱུར་རོ་ཞེས་མཛེར་ཏོ། །དེ་ནས་བཅོམ་ལྡན་འདས་ཀྱིས་འཁོར་དེ་དག་ཐམས་ཅད་ལ་ཚིགས་སུ་བཅད་པ་འདི་དག་གསུངས་སོ།། །། བམ་པོ་བཅུ་གསུམ་པ་སྟེ་ཐ་མ། སངས་རྒྱས་ཆོས་ཉིད་འདི
137a3 ཡིན་གྱིས། །གདུང་ཞིང་ངུ་བར་མ་བྱེད་ཅིག་།ང་ནི་མྱ་ངན་འདའ་བ་ན། །བསྐལ་པ་བྱེ་བ་ཟད་པར་འགྱུར། །ང་ཡི་རྟག་བདེ་དམ་པ་ཡི། །མྱ་ངན་འདའ་བ་ང་ལས་ཉོན། །ང་ནི་ཁ་ཟས་མི་ཟ་སྟེ། །བྲུ་བ་ཚ་བ་ཡོང་གིས་མེད། །
137a4 སེམས་ཅན་ཀུན་ལ་ཕན་བདེ་བའི། །རྗེས་སུ་ཡི་རང་ངས་བཤད་ཀྱིས། །ཐོས་ནས་ཡང་དག་རྫོགས་སངས་རྒྱས། །རྟག་པ་དེ་ཉིད་ཤེས་པར་གྱིས། །གང་ཚེ་འུག་པ་བྱ་རོག་རྣམས། །ཤིང་གཅིག་ལ་ནི་གནས་ནས་ཀྱང་། །
137a5 སྤུན་དང་བུ་དང་འདྲ་བར་ནི། །ཕན་ཚུན་རྟག་ཏུ་ཚིམ་པར་བྱེད། །དེའི་ཚེ་སྒྲ་གཅན་ཟིན་བཞིན་དུ། །དེ་བཞིན་གཤེགས་པས་སེམས་ཅན་གཟིགས། །སེམས་ཅན་ཀུན་གྱི་མཆོག་གྱུར་པ། །གཏན་དུ་མྱ་ངན་འདའ་བས་གྲོངས། །
137a6 གང་ཚེ་སྦྲུལ་དང་ནེའུ་ལེ་དག་།ཤིང་གཅིག་དྲུང་དུ་གནས་ནས་ཀྱང་། །སྤུན་དང་བུ་དང་འདྲ་བར་ནི། །ཕན་ཚུན་རྟག་ཏུ་ཚིམ་པར་བྱེད། །དེ་ཚེ་སྒྲ་གཅན་ཟིན་བཞིན་དུ། །དེ་བཞིན་གཤེགས་པས་སེམས་ཅན་གཟིགས། །
137a7 སེམས་ཅན་ཀུན་གྱི་མཆོག་གྱུར་པ། །གཏན་དུ་མྱ་ངན་འདའ་བས་གྲོངས། །གང་ཚེ་སབ་ཏ་པར་ན་ཡི། །མེ་ཏོག་བར་ཤིའི་དྲིར་འགྱུར་ཞིང་། །ཀ་ར་ཀ་ཡི་ཤིང་རྣམས་ལས། །ཏེན་དུ་ཀ་ཡི་འབྲས་བུ་འབྱུང་། །དེ་ཚེ་སྒྲ
137a8 གཅན་ཟིན་བཞིན་དུ། །དེ་བཞིན་གཤེགས་པས་སེམས་ཅན་གཟིགས། །སེམས་ཅན་ཀུན་གྱི་མཆོག་གྱུར་པ། །གཏན་དུ་མྱ་ངན་འདའ་བས་གྲོངས། །གང་ཚེ་སྡིག་ཅན་འདོད་ཆེན་པ། །བྱང་ཆུབ་མངོན་པར
iiif viewer powered by OpenSeadragon
