| e-texts navigator |
| Wylie |
136b1 དུ་འདུག་པར་འདོད་ན་སྦྱིན་པའི་ཕ་རོལ་ཏུ་ཕྱིན་པ་ཐ་མའི་དུས་ལ་བབ་ཀྱིས་མྱུར་དུ་ཕུལ་ཅིག་། དེ་ནས་ལྷ་དང་མི་ཐམས་ཅད་དང་། བྱང་ཆུབ་སེམས་དཔའ་རྣམས་ཀྱིས་འདི་སྐད་ཅེས་སྨྲས་སོ། །ཀྱེ་མ་ཙུན་ད་སྐྱིད་དེ་བ་འདིས
136b2 ཕུལ་བའི་ཞལ་ཟས་དེ་བཞིན་གཤེགས་པས་གསོལ་བར་ཆད་པ་ལྟ། བདག་ཅག་ནི་དཔལ་ཡོན་མེད་དེ་བདག་ཅག་གིས་ཞལ་ཟས་སྟ་གོན་བྱས་པ་ནི་དོན་མེད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཉིད་ཀྱི་བ་སྤུའི་ཁུང་བུ
136b3 ཐམས་ཅད་ནས་བ་སྤུ་རེ་རེའི་ཁུང་བུ་ནས་ཀྱང་སངས་རྒྱས་རེ་རེ་མངོན་དུ་སྤྲུལ་ནས་དེར་འཁོར་རེ་རེའི་ནང་དུ་ཡང་དེ་བཞིན་གཤེགས་པ་རེ་རེའི་དགེ་སློང་གི་དགེ་འདུན་དང་བཅས་པ་ཐམས་ཅད་བཤོས་གསོལ་བ་ལྟ་བུར་བསྟན་ཏོ། །དེ
136b4 བཞིན་གཤེགས་པ་ཉིད་ནི་ཙུན་དས་ཕུལ་བའི་ཞལ་ཟས་གསོལ་ལོ། །ཙུན་དས་འབྲས་སཱ་ལུ་ཡུལ་མ་ག་དྷའི་ན་ལི་ཏ་བརྒྱད་ལས་ཞལ་ཟས་སྦྱར་བ་ཡང་དེ་བཞིན་གཤེགས་པའི་མཐུས་དགེ་སློང་གི་དགེ་འདུན་ཐམས་ཅད་ཞལ
136b5 ཟས་ཀྱིས་ཁྱེད་པར་མཛད་དོ། །དེ་ནས་ཙུན་ད་ཡང་དགའ་བར་གྱུར་ཏེ། བདག་གི་སྦྱིན་པ་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པས་གསོལ་ནས་ཡོངས་སུ་མྱ་ངན་ལས་འདས་པར་མཛད་དོ་སྙམ་མོ། །འཁོར
136b6 དེ་དག་ཐམས་ཅད་འདི་སྙམ་དུ་སེམས་ཏེ། བདག་ཅག་གིས་ཕུལ་བའི་ཞལ་ཟས་དེ་བཞིན་གཤེགས་པས་བཞེས་ཀྱི་ཙུན་དའི་མ་བཞེས་སོ། །བདག་ཅག་གིས་ཕུལ་བའི་ཞལ་ཟས་གསོལ་ནས་དེ་བཞིན་གཤེགས་པ་ཡོངས་སུ
136b7 མྱ་ངན་ལས་འདའ་བར་མཛད་དོ་སྙམ་སྟེ་མཆོག་ཏུ་དགའ་བར་གྱུར་ཏོ། །འཁོར་ཆེན་པོ་དེ་ན་དེ་བཞིན་གཤེགས་པ་རྣམས་བཤོས་གསོལ་ཞིང་བཞུགས་པའི་བར་མཚམས་སྙུང་བུའི་རྩེ་མོའི་ཁྱོན་ཙམ་གྱིས་མཆོད་པར་སྣང་ངོ་།
136b8 ཁ་ཅིག་ནི་ཁབ་ཀྱི་རྩེ་མོའི་ཁྱོན་ཙམ་གྱི་ས་ཕྱོགས་དག་ན་བཞུགས་ཤིང་ཞལ་ཟས་དང་མཆོད་པ་རྣམས་འདྲ་བར་མངར་བར་སྣང་ངོ་། །དེ་ནས་དེའི་ཚེ་ལྷ་དང་མི་དང་ལྷ་མ་ཡིན་དེ་དག་ངུ་ཞིང་ཆོ་ངེ་འདོན་པར་བྱེད་དེ། བདག་ཅག་གིས་སོ་སོ
iiif viewer powered by OpenSeadragon
