| e-texts navigator |
| Wylie |
136a1 ད་ཀོན་པ་ཡིན་ནོ་སྙམ་ནས་ཤིན་ཏུ་རིངས་པར་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པ་ཚིམ་པར་འགྱུར་བའི་ཞལ་ཟས་ཁྱེར་ཏེ་རང་གི་འཁོར་རྣམས་དང་ལྷན་ཅིག་ཏུ་རིངས་པར་འཛམ་བུ
136a2 ཆུ་ཀླུང་གི་གསེར་དྲི་མ་མེད་པའི་སྣོད་དཀྱིལ་དུ་ནོར་བུའི་འབུར་མཐོན་པོ་འོད་ཅན་གྱིས་སྤྲས་པ་རྣམས་དང་། ཁ་ཅིག་ནི་དངུལ་གྱི་སྣོད་རིན་པོ་ཆེ་སྣ་ཚོགས་ཀྱིས་སྤྲས་པ་རྣམས་ཞལ་ཟས་སྐྱུ་རུམ་སྣ་ཚོགས་དང་སྦྱར་བས
136a3 བཀང་བ་དང་། མཆོད་པའི་ཡོ་བྱད་མང་པོ་དག་ཁྱེར་ནས་གྲོང་ཁྱེར་གྱི་བར་ནས་བྱུང་སྟེ་བཅོམ་ལྡན་འདས་ག་ལ་བ་དེར་ཆས་སོ། །དེ་ནས་ལྷའི་བུ་མཐུ་ཆེན་པོ་དང་ལྡན་པ་རྣམས་ཀྱིས་མགར་བའི་བུ་ཙུན་ད་བསྐོར་ནས་འདི་སྐད
136a4 ཅེས་སྨྲས་སོ། །ཙུན་ད་རེ་ཤིག་ཞལ་ཟས་མ་དབུལ་བར་དེ་བཞིན་གཤེགས་པ་ཐང་ཅིག་ཞོག་ཅིག་ཅེས་བྱས་སོ། །དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་འོད་ཟེར་དག་བཀྱེ་སྟེ། འོད་ཟེར་དེ་དག་གིས་ལྷའི་བུ
136a5 རྣམས་ལ་ཕོག་ནས་ཙུན་ད་བཏང་ངོ་། །དེ་ནས་ལྷ་ལ་སོགས་པ་དེར་འདུས་པ་གང་ཡིན་པ་དེ་དག་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོ་བྱས་ཏེ། ཙུན་ད་དང་ལྷན་ཅིག་ཏུ་བཅོམ་ལྡན་འདས་ཀྱི་ཐད་དུ་དོང་ནས
136a6 འདི་སྐད་ཅེས་གསོལ་ཏོ། །དགེ་སློང་རྣམས་ཀྱིས་གདུགས་ཚོད་ལ་བབ་ན་གནང་བར་མཛད་དུ་གསོལ། དེ་ནས་དགེ་སློང་རྣམས་ཀྱིས་གདུགས་ཚོད་ལ་བབ་པར་ཤེས་ནས་སྤྱོད་ལམ་བཟང་པོར་བྱས་ཏེ་ལྷུང་བཟེད་ལག་ཏུ
136a7 བླངས་ནས་སྡོད་དོ། །དེ་ནས་མགར་བའི་བུ་ཙུན་དས་སེང་གེའི་ཁྲི་སྣ་ཚོགས་ཚིག་ཏུ་བཟླས་སུ་ཡང་མི་ནུས་པ་འཇིག་རྟེན་གྱི་ཁམས་བདེ་བ་ཅན་གྱི་རྐྱེན་དུ་རུང་བ་ལྟ་བུ་དག་ཀྱང་བཤམས། ཞལ་ཟས་ཀྱང་སྟ་གོན་བྱས་ནས་བཅོམ
136a8 ལྡན་འདས་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པ་བསྐལ་པའམ། བསྐལ་པ་ལས་ལྷག་པར་ཡང་ཡུན་རིང་དུ་བཞུགས་སུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཙུན་ད་གལ་ཏེ་ང་ཡུན་རིང
iiif viewer powered by OpenSeadragon
