| e-texts navigator |
| Wylie |
12b1 འབུམ་དང་ལྷན་ཅིག་ཏུ་དུས་མ་ཡིན་པར་ཡང་ཤིང་ལྗོན་པ་དང་། འཁྲི་ཤིང་དང་ཤིང་གེལ་པ་དང་ནགས་མ་རྣམས་དང་སྙེ་མ་དང་མེ་ཏོག་གི་འཁྲི་ཤིང་དང་། བྱི་རུ་རྣམས་ཀྱིས་ས་ཕྱོགས་རྒྱན་པར་བྱེད་ཅིང་དུས་ཚིགས་ཐམས་ཅད་ཀྱི་མེ་ཏོག་གི་དཔལ་རྣམས
12b2 ཕྱོགས་སུ་རྒྱས་པར་བྱེད་ལ་ལོ་མ་ཁ་འབུས་པ་རྩ་བ་དམར་བ་རྣམས་ཀྱིས་ཤིང་ས་ལ་ཟུང་ཉི་མ་འཆར་ཀའི་འོད་ཟེར་སེར་པོ་ཇ་ཀོང་ཁར་འདུག་པ་བཞིན་དུ་བྱས་ནས་མཆོད་པ་སྔ་མའི་ཉིས་གྱུར་བས་ལྷག་པའི་མཆོད་པ་དག་ཁྱེར་ཏེ། བཅོམ་ལྡན་འདས་ལ་མཆོད་པ་བྱས
12b3 ནས་སྔ་མ་བཞིན་དུ་ཤིང་ས་ལ་ཟུང་གི་དྲུང་དུ་འཁོད་དོ། །གཞན་ཡང་དེའི་ཚེ་ཆར་པ་འབེབས་པའི་ལྷ་གང་གཱའི་ཀླུང་གི་བྱེ་མ་སྙེད་སྤྲིན་ཆེན་པོ་དང་། ཆུ་སྐྱར་རྣམས་ཕྱི་བཞིན་འབྲང་ཞིང་གློག་འགྱུ་བའི་གསེབ་ནས་རྨ་བྱའི་མགྲིན་པ་ལྟར་མདོག་སྔོ་བའི་ཆར་གྱི་རྒྱུན
12b4 འབབ་ལ། འབྲུག་སྒྲ་དལ་ནས་སྒྲོགས་པའི་སྤྲིན་དང་ལྡན་པས་ཆར་ཟིམ་བུ་བསིལ་བ་དང་འདྲེས་པའི་མེ་ཏོག་གི་ཆར་འབེབས་ཤིང་། བཅོམ་ལྡན་འདས་ལ་ཕྱག་འཚལ་ཏེ་ཞལ་ཟས་མ་བཞེས་ནས་རེ་ཐག་ཆད་དེ། དེ་བཞིན་གཤེགས་པའི་གདུང་ཞུགས་ལ
12b5 བཞེན་པའི་མེ་བསད་པའི་ཕྱིར་ནམ་མཁའ་ཉིད་ལ་འཁོད་དོ། །གཞན་ཡང་དེའི་ཚེ་སྤོས་ཀྱི་གླང་པོ་སྒྲ་གཅན་དང་། ལུང་ཏང་མདོག་དང་། སྦྲང་རྩི་མདོག་སེལ་དང་། འདོད་དགུའི་སྤོས་ལྡན་ལ་སོགས་པ་སྤོས་ཀྱི་གླང་པོ་གང་གཱའི་ཀླུང་ཉི་ཤུའི་བྱེ་མ་སྙེད་ཐེག
12b6 པ་ཆེན་པོ་འདོད་པ་ཤ་སྟག་གིས་སྟོན་པ་ཡོངས་སུ་མྱ་ངན་ལས་འདའ་བའི་ཕྱིར་གངས་ཀྱི་སྨན་དང་། པད་མའི་རྩ་བ་དང་། སྡོང་བུ་ཤིང་རྟ་ཆེན་པོའི་འཕང་ལོ་ཙམ་ཤ་སྟག་དང་། དགོན་པ་ཆེན་པོ་དག་ནས་པད་མ་དང་། ཨུད་པ་ལ་དང་། ཀུ་མུ་ད་དང་། པདྨ
12b7 དཀར་པོ་དང་། རྩ་བ་དང་འབྲས་བུ་དང་རྡོ་གུ་སྣ་ཐ་དད་པ་དུ་མ་དག་སྣའི་ཐོར་ཏོས་ཕྱུང་ཞིང་ཕྱུང་ཞིང་ཁྱེར་ཏེ་རླུང་གི་ཤུགས་པས་ཀྱང་ཆེས་མགྱོགས་པ་དང་། ཤིན་ཏུ་རིངས་པར་དབྱར་གྱི་འབྲུག་སྒྲ་བཞིན་དུ་སྒྲོགས་ཤིང་ལྷགས་ནས་པད་མའི་མདབ་མ་བཅེར་བའི་སེང
12b8 གེའི་ཁྲིའི་ལྡ་ལྡི་དག་བཤམས་ཏེ་བཅོམ་ལྡན་འདས་ལ་མཆོད་པ་བྱས་ནས་ཞལ་ཟས་མ་བཞེས་ནས་རེ་ཐག་ཆད་དེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་སེང་གེ་སེང་གེའི་སྒྲ་སྒྲོགས་པ་ཞེས་བྱ་བ་ལ་སོགས་པ་སེང་གེ་གང་གཱའི་ཀླུང་སུམ་བཅུའི་བྱེ
iiif viewer powered by OpenSeadragon
