| e-texts navigator |
| Wylie |
118b1 ཆུད་ནས་མཚམས་མེད་པའི་ལས་ཡང་དག་པར་སྟོན་པར་མཛད་དོ། །དེ་ལྟར་ན་དེ་བཞིན་གཤེགས་པ་ནི་མ་འོངས་པའི་དོན་གྱི་ཕྱིར་ལས་ཀྱི་རྣམ་པར་དབྱེ་བ་སྟོན་པར་མཛད་དོ། །དཔེར་ན་སྨན་པ་ལ་ལ་ཞིག་གིས་རང་གི་བུ་ལ་རྩ་བའི
118b2 མིང་གི་རྣམ་གྲངས་སློབ་པར་བྱེད་དེ། འདི་ནི་རྩ་བ་ལྔའོ། །འདི་ནི་ཁ་བའོ་ཞེས་རྩ་བའི་རྣམ་པར་དབྱེ་བ་དག་གི་སྒོ་ནས་ངོ་སྟོན་པར་བྱེད་དེ། ཁྱེའུ་དེས་ཀྱང་དེ་ལྟར་བསླབས་ནས་རྩ་བའི་རྣམ་པར་དབྱེ་བ་ཤེས་པར་གྱུར་ལ། དེ་ནས་སྨན་པ་དེ་ཤི
118b3 ནས་ཁྱེའུ་དེ་ན་རེ་ཀྱི་ཧུད་ཕ་ཅིག་ཀྱི་ཧུད་ཕ་ཅིག་ཁྱོད་ཀྱིས་བདག་རྩ་བའི་རྣམ་པར་དབྱེ་བ་བསླབས་ཏེ་རྩ་བ་འདི་ནི་འདི་འདྲའོ། །ལོ་མ་ནི་འདི་འདྲའོ་ཞེས་དེ་སྐད་ཟེར་བ་དེ་བཞིན་དུ་དེ་བཞིན་གཤེགས་པས་ཀྱང་བསླབ་པའི་གཞི་ཐམས་ཅད་ཀྱི་སྤྲུལ་པ
118b4 སྤྲུལ་པར་མཛད་དེ། གསོར་རུང་བ་དང་། གསོར་མི་རུང་བ་དང་། མཚམས་མེད་པ་དང་། མདོ་སྡེ་སྤོང་བ་དང་། འདོད་ཆེན་པའི་མཐའ་རྣམས་སྟོན་པར་མཛད་དེ། མ་འོངས་པའི་དུས་ན་འདི་ལྟ་བུར་འགྱུར་རོ་ཞེས་བྱ་བའི
118b5 དོན་ཏོ། །དེ་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་དགེ་སློང་རྣམས་ཀྱིས་སྨན་པའི་བུ་བཞིན་དུ་དེ་བཞིན་གཤེགས་པས་མདོ་སྡེ་ལས་འདི་སྐད་ཅེས་བཀའ་སྩལ་ཏེ། ལས་འདི་ནི་འདི་ཡིན་ནོ་སྙམ་དུ་ཤེས་སོ། །
118b6 དཔེར་ན་ཟླ་བ་ལ་གཟའ་འཇུག་པ་ན་མི་རྣམས་ཀྱིས་ནི་ཟླ་བ་དྲུག་ཅིང་ཟླ་བ་ལ་གཟའ་འཇུག་པར་ཤེས་སོ། །སྟེང་གི་ལྷ་རྣམས་ཀྱིས་ནི་ཉིན་གཅིག་བཞིན་དུ་ཟླ་བ་ལ་གཟའ་འཇུག་པ་ཤེས་ཏེ། ཅིའི་ཕྱིར་ཞེ་ན། དེ་དག་གི་ལོ་ཚིགས་རིང་ལ
118b7 མི་རྣམས་ཀྱི་ལོ་ཚིགས་ཐུང་བའི་ཕྱིར་རོ། །རིགས་ཀྱི་བུ་དེ་བཞིན་དུ་ལྷ་རྣམས་དང་མི་རྣམས་ཀྱིས་ནི་དེ་བཞིན་གཤེགས་པ་སྐུ་ཚེ་ཐུང་ངོ་སྙམ་དུ་འཛིན་ཏོ། །ཇི་ལྟར་ལྷ་གོང་མ་གོང་མ་རྣམས་ཀྱིས་སྐད་ཅིག་སྐད་ཅིག་ལ་ཟླ་བ་ལ་གཟའ
118b8 འཇུག་པར་འཛིན་པ་དེ་བཞིན་དུ། ལྷ་གོང་མ་གོང་མ་རྣམས་ཀྱིས་སྐད་ཅིག་སྐད་ཅིག་ལ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བ་བྱེ་བ་སྙེད་ཀྱང་སྟོན་པར་མཛད་དོ། །ཉོན་མོངས་པ་དང་། ཕུང་པོ་དང་ལྷ་དང་། འཆི
iiif viewer powered by OpenSeadragon
