| e-texts navigator |
| Wylie |
114b1 རྒྱས་རྣམས་ཀྱི་སྤྱོད་ཡུལ་ཡིན་ཏེ་སངས་རྒྱས་རྣམས་ཀྱི་དེ་ལྟ་བུ་ཡིན་ནོ། །སངས་རྒྱས་རྣམས་ཀྱི་ཆོས་ཉིད་ཅི་འདྲ་བ་དང་། སྐུ་ཅི་འདྲ་བ་དང་། རང་བྱུང་རྣམས་ཀྱི་གསུང་ཅི་འདྲ་བ་དང་། ཐུགས་ཅི་འདྲ་བ་ནི་སངས་རྒྱས་རྣམས་ཀྱིས་མཁྱེན
114b2 པར་ཟད་དེ་ཡིད་ཀྱི་རང་བཞིན་ལ་མྱ་ངན་ག་ལ་ཡོད། མྱ་ངན་མེད་ན་ཡང་བསྟན་པ་ཤིན་ཏུ་རྒྱས་པ་ཡོད་པ་དང་འགལ་ལོ། །མྱ་ངན་མེད་དོ་ཞེས་བྱས་ན་ནི་སྒྲ་གཅན་ཟིན་དང་འདྲ་བར་གཟིགས་ཤེས་བྱ་བ་བརྫུན་པར་འགྱུར་རོ། །ཆོས་ཐམས
114b3 ཅད་བརྫུན་པའོ་ཞེས་བྱ་བ་ནི་བསམ་གྱིས་མི་ཁྱབ་པར་བསྟན་ཏོ། །དེ་བཞིན་དུ་སངས་རྒྱས་བཅོམ་ལྡན་འདས་ཀྱང་བསམ་གྱིས་མི་ཁྱབ་བོ། །ཆོས་ཀྱང་བསམ་གྱིས་མི་ཁྱབ་བོ། །བསྟན་པ་ཡང་བསམ་གྱིས་མི་ཁྱབ་སྟེ། དེ་ལྟར་ན
114b4 སངས་རྒྱས་རྣམས་ཡང་དག་པའི་ཆོས་ཉིད་ནི་དེ་ཡིན་ནོ། །ཇི་སྲིད་དུ་ནམ་མཁའ་ཡིན་པ་དེ་སྲིད་དུ་ཁྱིམ་གནས་པ་ཡང་མེད། ཀ་བ་ཡང་མེད། རྡུལ་ཡང་མེད་དེ། ནམ་མཁའི་ངོ་བོ་ཉིད་ཁོ་ནར་འདུག་པ་དེ་མཐོང་ནས་བྱིས་པའི་རང
114b5 བཞིན་ཅན་རྣམས་ཀྱིས་ནམ་མཁའ་ཇི་ལྟར་འདུག་པ་དེ་བཞིན་དུ་སེམས་ཡོངས་སུ་བསྒྱུར་བར་བྱའོ། །དེ་ལྟར་བསམ་གྱིས་མི་ཁྱབ་པ་ལ་མྱ་ངན་ག་ལ་ཡོད། མྱ་ངན་མེད་པར་ཡང་སྒྲ་གཅན་ཟིན་བཞིན་དུ་གཟིགས་ཤེས་བྱ་བ་དོན་མེད་པར
114b6 འགྱུར་ཏེ། དེ་བཞིན་གཤེགས་པའི་མྱ་ངན་ནི་ནམ་མཁའ་དང་འདྲའོ། །སྒྱུ་མ་ལ་སེམས་གཞན་མེད་པ་བཞིན་དུ་དེ་བཞིན་གཤེགས་པ་ལ་མྱ་ངན་མངའ་ཞེས་བྱ་བ་དེ་ཡང་སྒྱུ་མའི་ཚུལ་ཙམ་དུ་ཟད་ན་ཡོངས་སུ་མྱ་ངན་ལས་འདས་པ་ལྟ་ལ་མྱ
114b7 ངན་ག་ལ་ཡོད། མི་རྟག་པ་ལ་ནི་མྱ་ངན་ཡོད་དེ། དེ་དག་གི་སེམས་ལས་གྱུར་པ་ཡིན་ནོ། །དེ་བས་ན་དེ་བཞིན་གཤེགས་པ་ནི་རྟག་གོ། །མི་རྟག་པ་ལ་ནི་མྱ་ངན་ཡོད་ན་དེ་བཞིན་གཤེགས་པ་ནི་མི་རྟག་པ་མ་ཡིན་པས་ན་མྱ་ངན་ཡོད་ཅེས
114b8 བྱ་བ་དང་། མེད་ཅེས་བྱ་བར་རྟོགས་པར་མི་ནུས་ཏེ། །དེ་བཞིན་གཤེགས་པ་ནི་མྱ་ངན་དང་བྲལ་བ་ཡིན་ནོ། །དམའ་བས་ནི་དམའ་བ་ཤེས་ཀྱི་དམའ་བས་ནི་འབྲིང་མི་ཤེས་སོ། །འབྲིང་གི་ནི་འབྲིང་ཤེས་ཀྱི་འབྲིང་གི་ནི་རབ་མི་ཤེས་སོ། །རབ
iiif viewer powered by OpenSeadragon
