| e-texts navigator |
| Wylie |
110b1 པོ་བསྟན་པ་སྤོང་བར་བྱེད་པ་གང་ཡིན་པ་དེ་དག་ནི་བ་ལང་དང་འདྲ་སྟེ། དཔེར་ན་དྲིན་དུ་མི་གཟོ་བ་བདག་གིས་བདག་གསད་པར་སེམས་པ་དེ་དག་མཆོག་ཏུ་མྱ་ངན་དུ་བྱ་བ་དེ་བཞིན་དུ། དེ་བཞིན་གཤེགས་པའི་སྙིང་པོ་སྤངས་ནས་བདག་མེད་པ
110b2 སྟོན་པའི་སེམས་ཅན་གང་ཡིན་པ་དེ་དག་ནི་མཆོག་ཏུ་མྱ་ངན་དུ་བྱ་བ་ཡིན་པར་རིག་པར་བྱའོ། །དེ་བས་ན་ཨུ་ཞེས་བྱའོ། །ེ་ཞེས་བྱ་བ་ནི་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཞེས་བྱ་བ་འདི་ནི་སངས་རྒྱས་རྣམས་ཀྱི་ཆོས་ཉིད་དེ།
110b3 དེ་བས་ན་ཨེ་ཞེས་བྱའོ། །ཻ་ཞེས་བྱ་བ་ནི་དེ་བཞིན་གཤེགས་པའི་དོན་ཏེ། ཨཻ་ཞེས་བྱ་བ་ནི་འོང་བ་དང་འགྲོ་བའི་དོན་ཡིན་པས་ན་ཇི་ལྟར་སོང་བ་དེ་བཞིན་དུ་འོངས་པས་ན་དེའི་ཕྱིར་ཨཻ་ཞེས་བྱའོ། །ོ་ཞེས་བྱ་བ་ནི་ཉོན་མོངས་པ་རྣམས་ཀྱི་དོན
110b4 ཏེ། སྨན་དུ་འགྱུར་བས་མི་ལས་དེ་བཞིན་གཤེགས་པར་འགྱུར་རོ། །དེ་བས་ན་ཨོ་ཞེས་བྱའོ། །ཽ་ཞེས་བྱ་བ་ནི་ཐེག་པ་ཆེན་པོའི་དོན་ཏེ། སྒྲ་བཅུ་བཞི་པོ་ཐམས་ཅད་ཀྱི་མཇུག་ནི་ཨཽ་ཡིན་པས་ན་ཐེག་པ་ཆེན་པོ་ནི་རྒྱུད་ཐམས་ཅད་ཀྱི་རྒྱུད
110b5 ཕྱི་མའི་ཡང་ཕྱི་མ་ཞེས་བྱ་སྟེ་དེ་བས་ན་ཨཽ་ཞེས་བྱའོ། །~ཾ་ཞེས་བྱ་བ་ནི་ངའི་བསྟན་པ་ལ་རུང་བ་མ་ཡིན་པ་ཐམས་ཅད་བཟློག་པ་དང་། གསེར་དང་དངུལ་སྤངས་པ་སྟེ་དེ་བས་ན་བཟློག་པའི་དོན་དུ་ཨ~ཾ་ཞེས་བྱའོ། །ཿཞེས་བྱ་བ་ནི་ཐེག་པ
110b6 མཆོག་གི་དོན་ཏེ་དེ་བས་ན་ཨཿཞེས་བྱའོ། །དེ་བཞིན་དུ་སངས་རྒྱས་ཀྱིས་གསུངས་པའི་མདོ་སྡེ་ཐམས་ཅད་དང་རྒྱུད་ཐམས་ཅད་ཀྱི་མཐའ་ནི་ཐེག་པ་ཆེན་པོ་ཡིན་ནོ། །ཀ་ཞེས་བྱ་བ་ནི་སྙིང་རྗེས་སེམས་ཅན་ཐམས་ཅད་ལ་སྒྲ་གཅན་ཟིན་བཞིན
110b7 དུ་བལྟ་བའི་དོན་ཏེ། བདག་གིས་སེམས་ཅན་ཐམས་ཅད་ཀྱི་དོན་བྱའོ་སྙམ་དུ་དེ་ལྟར་བསམ་པར་བྱ་བ་ཡིན་པས་ན་དེའི་ཕྱིར་ཀ་ཞེས་བྱའོ། །ཁ་ཞེས་བྱ་བ་ནི་དེ་བཞིན་གཤེགས་པའི་གསང་བའི་དོན་ཏེ། མི་བགྲུངས་པ་རྣམས་ཀྱིས་ཤེས་པར་མི
110b8 ནུས་པས་ན་དེའི་ཕྱིར་ཁ་ཞེས་བྱའོ། །ག་ཞེས་བྱ་བ་ནི་སྙིང་པོའི་དོན་ཏེ། སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་པས་ན་དེའི་ཕྱིར་ག་ཞེས་བྱའོ། །གྷ་ཞེས་བྱ་བ་ནི་དེ་བཞིན་གཤེགས་པ་རྟག་ཅེས་བྱ་བའི་དོན་ཏེ། དེ་བས
iiif viewer powered by OpenSeadragon
