| e-texts navigator |
| Wylie |
10a1 དག་གིས་འདི་སྐད་ཅེས་སྨྲས་སོ། །གྲོགས་པོ་དག་ལྟོས་གྲོགས་པོ་དག་ལྟོས་མི་རྣམས་ཀྱི་མཆོད་པའི་ཡོ་བྱད་མཆོག་ཏུ་ཁྱད་པར་དུ་འཕགས་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
10a2 ལ། མཆོད་པ་བཀུར་སྟི་ཐམས་ཅད་མཆོད་པར་འདོད་དེ། མི་རྣམས་ཀྱི་ཞལ་ཟས་ཀྱི་ཐ་མ་བཞེས་པའི་ཕྱིར། བཅོམ་ལྡན་འདས་ལ་གསོལ་བ་འདེབས་ཀྱིས། གྲོགས་པོ་དག་བདག་ཅག་གིས་ཀྱང་དེ་བཞིན་གཤེགས་པ་དགྲ་བཅོམ་པ་ཡང
10a3 དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པ་བྱ་ཞིང་ཐ་མའི་དུས་སུ་ཞལ་ཟས་དབུལ་བར་བྱ་ན། ཇི་ལྟར་བདག་ཅག་གིས་ཕུལ་བའི་ཞལ་ཟས་དེ་བཞིན་གཤེགས་པས་གསོལ་ཏེ། ཡོངས་སུ་མྱ་ངན་ལས་འདའ་བར་དེ་བཞིན་གཤེགས་པས
10a4 མཛད་ཅི་གུ། གྲོགས་པོ་དག་སངས་རྒྱས་འབྱུང་བ་ནི་ཤིན་ཏུ་དཀོན་ནོ། །དེ་བས་ཀྱང་ཞལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ནི་ཆེས་དཀོན་ནོ། །ཀྱེ་མ་བཅོམ་ལྡན་འདས་ཡོངས་སུ་མྱ་ངན་ལས་འདས་ན་ནི་འཇིག་རྟེན་སྟོངས
10a5 པར་འགྱུར་རོ་ཞེས་སྨྲས་སོ། །ལྷ་དེ་དག་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་ལ་ཐོས་ནས་ཀྱང་གཞན་དག་ལ་བསྟན་ཏོ་སྙམ་དུ་དམ་བཅས་པ། ཐེག་པ་ཆེན་པོས་སྐོམ་པ་ངོམས་ནས་ཀྱང་གཞན་སྐོམ་པ་རྣམས་ངོམས་པར་བྱའོ་སྙམ་དུ་དམ
10a6 བཅས་པ། ཐེག་པ་ཆེན་པོ་ལ་སྲེད་པ་ཐེག་པ་ཆེན་པོ་ལ་སེར་སྣ་མེད་པ་ཐེག་པ་ཆེན་པོ་ལ་ཕྲག་དོག་དང་དུས་ཆེ་བ་དང་འཆབ་པ་དང་སྒྱུ་མེད་པ་ཐེག་པ་ཆེན་པོ་སུན་འབྱིན་པའི་སེམས་ཅན་རྣམས་ཀྱི་སེར་བ་ལྟ་བུར་གྱུར་པ། དམ་པའི་ཆོས་བསྲུང་བའི
10a7 ཚུལ་ཁྲིམས་བླངས་པ་འཇིག་རྟེན་དང་འཐུན་པར་སློབ་པར་འདོད་པ། བདག་ཅག་རྒལ་ནས་གཞན་བསྒྲལ་བར་བྱའོ། །བདག་ཅག་གྲོལ་ནས་གཞན་དགྲོལ་བར་བྱའོ། །ཆོས་ཀྱི་འཁོར་ལོ་བསྐོར་བར་བྱའོ། །དཀོན་མཆོག་གསུམ་གྱི་གདུང་མི་འཆད
10a8 པར་བྱའོ་སྙམ་དུ་སློབ་པར་འདོད་པ་གོ་ཆ་ཆེན་པོ་བགོས་པ་བསླབ་པ་རྣམས་ལ་དམ་བཅས་པ་བརྟན་པ་དང་དེ་བཞིན་དུ་ཡོན་ཏན་དཔག་ཏུ་མེད་པ་དང་ལྡན་པ། བུ་གཅིག་པ་ལ་བྱ་བ་བཞིན་དུ་འཇིག་རྟེན་ཐམས་ཅད་ལ་སྙིང་རྗེས་ལྟ་བ་ཤ་སྟག་སྟེ།
iiif viewer powered by OpenSeadragon
