| e-texts navigator |
| Wylie |
106b1 ཞིག་ནས་བྱུང་ངམ་གལ་ཏེ་གཞན་ཞིག་ལས་བྱུང་ནས་དེ་ལྟ་ན་གང་ལས་བྱུང་། དེ་སྟེ་འོ་མ་མེད་པར་ཞོ་བྱུང་ན་ནི་འོ་མ་མི་དགོས་པར་འགྱུར་རོ། །གལ་ཏེ་དེ་ལྟ་ན་ནི་རང་བཞིན་ཅན་དུ་འགྱུར་ལ་ཞོའི་རྒྱུ་དང་རྟགས་གཉིས་ཀྱང་སྣང་ངོ་། །དེ་བས་ན་གཅིག
106b2 ནས་གཅིག་ཏུ་བརྒྱུད་དེ་བྱུང་བ་ཡང་ཡིན་ལ། དངོས་པོ་དེ་དག་དང་མགོ་མཉམ་དུ་གཅིག་ནས་གཅིག་ཏུ་བརྒྱུད་དེ་བྱུང་ཞེས་ཀྱང་མི་བྱའོ། །གལ་ཏེ་དངོས་པོ་དེ་དག་དང་མགོ་མཉམ་དུ་མ་བྱུང་ན་ཡང་དེ་ལྟ་ན་ཡེ་མེད་དམ། བ་ལས་བྱུང་བའི་ཞུན
106b3 མར་ཡང་གཞན་ལས་བྱུང་བ་མ་ཡིན་ལ་རང་བཞིན་ཅན་དེ་ཡང་ཐམས་ཅད་ལ་ཡོད་མོད་ཀྱི། འོན་ཀྱང་ཉེས་པས་བསྒྲིབས་པ་དང་ཕན་ཚུན་དུ་འདྲེས་པའི་ཚུལ་དུ་འདུག་པའི་ཕྱིར་མི་མངོན་ཏེ། བའི་ཟས་ཀྱི་ཉེས་པས་འོ་མ་ཁྲག་གི་དྲི་ང་བ་བྲོ
106b4 ལ་བས་རྩཝ་མངར་བ་ཟོས་ན་ནི་འོ་མ་ཡང་མངར་བ་འབྱུང་ངོ་། །རྩཝ་རོ་ཚ་བ་ཟོས་ན་ནི་འོ་མ་རོ་ཚ་བ་འབྱུང་ངོ་། །གངས་ཀྱི་རི་ལ་རྩའི་རིགས་སྣུམ་ཅན་ཞེས་བྱ་བ་ཞིག་ཡོད་དེ་བས་དེ་ཟོས་ན་ནི་འོ་མ་མར་གྱི་སྙིང་ཁུའི་རང་བཞིན་ཁོ་ནར་འབྱུང་སྟེ།
106b5 དཀར་བ་ཡང་མ་ཡིན། སྔོ་བ་ཡང་མ་ཡིན། དམར་བ་ཡང་མ་ཡིན། སྔོ་སྐྱ་ཡང་མ་ཡིན་པ་མར་གྱི་སྙིང་ཁུའི་རང་བཞིན་ཁོ་ནར་འབྱུང་སྟེ། དེ་ལྟར་རྩཝའི་བྱེ་བྲག་གིས་འོ་མ་མདོག་ངན་པ་དང་། མདོག་བཟང་པོར་འགྱུར་བ་དེ་བཞིན་དུ་མ
106b6 རིག་པ་དང་རིག་པ་གཉིས་སུ་མེད་མོད་ཀྱི་སེམས་ཅན་རྣམས་ཀྱི་ལས་ཀྱི་ཉེས་པས་རིག་པ་གང་ཡིན་པ་དེ་ཉིད་མ་རིག་པ་ལྟ་བུར་གྱུར་ཏེ་དགེ་བ་དང་མི་དགེ་བའི་ཆོས་ཐམས་ཅད་ཀྱང་གཉིས་སུ་མེད་པ་ཁོ་ནའོ། །དེ་བས་ན་སྔར་བསྟན་པ་ཁོ་ན
106b7 བཞིན་དུ་དེ་བཞིན་གཤེགས་པའི་སྙིང་པོ་ནི་མར་གྱི་སྙིང་ཁུ་ལྟ་བུའི་རང་བཞིན་ཅན་ཡིན་མོད་ཀྱི་ཉོན་མོངས་པའི་རྣམ་པའི་ཉེས་པ་གཞན་དུ་སྣང་བར་གྱུར་ཏོ། །དཔེར་ན་རྒྱ་མཚོའི་ཆུ་ནི་ལན་ཚྭའི་དོན་གཅིག་པུ་བྱེད་པར་ཟད་མོད་ཀྱི། ལན་ཚྭའི་དོན་གཅིག་པུ་བྱེད་པའོ
106b8 ཞེས་བརྗོད་པར་མི་བྱ་སྟེ་རྒྱ་མཚོའི་ནང་ན་འོ་མའི་རྒྱ་མཚོ་ཞེས་བྱ་བ་ཡང་ཡོད་དོ། །གངས་ཀྱི་རི་ལ་ཡང་སྨན་ཡོད་པའི་ཕྱིར་ཡོན་ཏན་ལས་སྨོས་ཏེ་གངས་ཀྱི་རི་ལ་ནི་དུག་ཀྱང་ཡོད་མོད་ཀྱི། འོན་ཀྱང་སྨན་གཙོ་བོར་སྨོས་པ་དེ་བཞིན་དུ་ལུས་འདི་ཡང་དེ་དང
iiif viewer powered by OpenSeadragon
