| e-texts navigator |
| Wylie |
105a1 བདག་ཡོད་པར་བསྒོམ་པར་བྱའོ། །ལོངས་སྤྱོད་ལ་སོགས་པ་ཆོས་གཞན་དག་ལ་ནི་མི་རྟག་པར་བསྒོམ་པར་བྱའོ། །དེ་བཞིན་གཤེགས་པའི་ཆོས་ལ་སོགས་པ་ཆོས་གཞན་དག་ལ་ནི་རྟག་པར་བསྒོམ་པར་བྱའོ། །གཞི
105a2 གསུམ་དང་ཐར་པའི་དེ་ཁོ་ན་ཉིད་ནི་སྲིན་བུ་པད་པ་ཟ་བ་ལྟ་བུ་མ་ཡིན་ནོ། །སངས་རྒྱས་ཀྱི་གསུང་ནི་དབུ་མའི་ལམ་འདི་ཡིན་ནོ་ཞེས་ཤེས་པར་གྱིས་ཤིག་།སངས་རྒྱས་བཅོམ་ལྡན་འདས་ཀྱིས་ནི་ཆད་པ་དང་རྟག་པ་གཉི་གའི་མཐའ་སྤངས་པ་དབུ་མའི
105a3 ལམ་དུ་གསུངས་སོ། །བླུན་པོ་རྣམས་ནི་སངས་རྒྱས་ཀྱི་གསུང་ལ་རྨོངས་ཏེ། ཕོ་བའི་དྲོད་ཆུང་བ་རྣམས་མར་ཆེར་ཟ་བ་བཞིན་དུ་མྱུར་དུ་མཐའ་གཉིས་སུ་ལྟ་བར་འགྱུར་ལ། ཡོད་ཅེས་བྱ་བ་ཡང་མ་གྲུབ། མེད་ཅེས་བྱ་བ་ཡང་མི་འཐད་དོ། །
105a4 དཔེར་ན་སྨན་པ་རྣམས་ནི་མཁྲིས་པ་ལ་སོགས་པའི་ཁམས་རྣམས་འཁྲུགས་ཏེ་ཕན་ཚུན་མི་མཐུན་དུ་ཟིན་ཀྱང་མཁྲིས་པའི་ནད་ལ་ནི་མཁྲིས་པ་ཞི་བར་བྱེད། རླུང་ཤས་ཆེ་བ་ལ་ནི་རླུང་སེལ་བར་བྱེད། བད་ཀན་ཅན་ལ་ནི་བད་ཀན་མེད་པར་བྱེད། ཆ
105a5 འདུས་པ་ལ་ནི་ཆ་འདུས་པའི་གཉེན་པོ་བྱེད་དེ། ཕན་ཚུན་མི་མཐུན་པར་འགྱུར་བ་ཡང་མི་བྱེད་ལ་བདེ་བ་ཡང་སྐྱེད་པར་བྱེད་པ་དེ་བཞིན་དུ་སྨན་པ་ལྟར་ཉོན་མོངས་པའི་རྣམ་པའི་ནད་མཐའ་ཡས་པ་རྣམས་མཐར་ཀྱིས་བསལ་ཏེ། ཡང་དག་པའི
105a6 ཁམས་ཀྱང་གསོ་བར་གྱིས་ཤིག་། ཡང་དག་པའི་ཁམས་ཤེས་བྱ་བ་ནི་དེ་བཞིན་གཤེགས་པའི་སྙིང་པོ་སྟེ། སངས་རྒྱས་ཀྱི་ཁམས་ཤེས་བྱ་བ་ཡིན་གྱིས་ཁམས་ཐམས་ཅད་སྤངས་ཏེ་རྟག་པ་དང་བརྟན་པ་ལ་ནན་ཏན་གྱིས་ཤིག་།ཤེས་རབ
105a7 ཅན་རྣམས་ཀྱིས་ནི་ཡོད་པ་ལ་ཡང་ཆགས་པར་མི་བྱའོ། །མེད་ཅེས་བྱ་བ་ཡང་རྫུན་དུ་སྨྲ་བ་ལས་བྱུང་བ་ཡིན་ནོ། །ཡོད་ཅེས་བྱ་བ་ཡང་ཁ་རོག་སྟེ་ཁས་བླང་བར་མི་བྱའོ། །རྩོད་པར་ཡང་མི་བྱ་སྟེ། འདི་དག་རང་བཞིན་གྱིས་ཆོས་ཉིད་དུ་ཤེས
105a8 པར་བྱའོ། །བླུན་པོ་དགོངས་པའི་ཚིག་མི་ཤེས་པ་རྣམས་ཀྱིས་ནི་ངའི་ལུས་ལ་བདེ་བའི་ས་བོན་དེ་ལྟ་བུ་ཡོད་བཞིན་དུ་སྡུག་བསྔལ་བར་བསྟན་པའི་ཕྱིར་རྟག་ཏུ་རྩོད་པར་བྱེད་དེ་ཐམས་ཅད་བཟུང་བས་བྱིས་པ་རྣམས་ངའི་ལུས་མི་བརྟན་ནོ་སྙམ་དུ
iiif viewer powered by OpenSeadragon
