| e-texts navigator |
| Wylie |
103b1 བར་སངས་རྒྱས་ཀྱི་ཁམས་དང་མཆོད་རྟེན་ལ་ཕྱག་བྱའོ། །ཕྱག་བྱེད་མི་འདོད་པའི་སེམས་ཅན་ཐམས་ཅད་ཀྱི་མཆོད་རྟེན་ལྟ་བུར་བདག་གྱུར་ཅིག་།བདག་གི་ལུས་སེམས་ཅན་ཐམས་ཅད་ཀྱིས་ཕྱག་བྱ་བའི་གནས་སུ་གྱུར་ཅིག་།བདག་ཆོས་ལ
103b2 སྐྱབས་སུ་སོང་ནས་ཆོས་ཀྱི་སྐུར་གྱུར་ཅིག་། དེ་ཁོ་ན་ཉིད་མ་ཡིན་པའི་ཆོས་སྒོམ་པའི་སེམས་ཅན་ཐམས་ཅད་བདག་གིས་མདའ་གཅིག་ནས་གཅིག་ཏུ་བརྒྱུད་པ་བཞིན་དུ་བྱེད་པར་གྱུར་ཅིག་།བདག་དགེ་འདུན་ལ་སྐྱབས་སུ་སོང་ནས་སྦྲང་བུ་དང་འདྲ
103b3 བའི་དགེ་འདུན་རྣམས་ཀྱི་སྐྱབས་ལྟ་བུར་གྱུར་ཅིག་། བདག་སྐྱབས་སུ་འགྲོ་བ་ལ་འཇུག་པའི་ཚུལ་གྱིས་སེམས་ཅན་རྣམས་ཀྱི་སངས་རྒྱས་དང་། ཆོས་དང་། དགེ་འདུན་ལྟ་བུར་གྱུར་ཅིག་།བདག་དམུས་ལོང་དང་འདྲ་བའི་དགེ་འདུན་རྣམས་ཀྱི་མིག
103b4 ལྟ་བུར་གྱུར་ཅིག་། བདག་ལ་ཉན་ཐོས་དང་རང་སངས་རྒྱས་སྦྲང་བུ་དང་འདྲ་བ་ཐམས་ཅད་སྐྱབས་སུ་འོང་བར་ཤོག་ཤིག་ཅེས་གྱིས་ཤིག་།རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་བྱིས་པ་རྣམས་ལ་སྡིག་པའི
103b5 ཕུང་པོ་ཟད་མི་ཤེས་པ་ལྟ་བུ་ཡང་ཡིན་ནོ། །མཁས་པ་རྣམས་ནི་དེ་དག་ཉིད་སངས་རྒྱས་ལྟ་བུ་ཡང་ཡིན་ནོ། །དཔེར་ན་དཔའ་བོ་ཡང་དག་པ་ནི་གཡུལ་དུ་འཐབ་པ་ན་འདི་སྙམ་དུ་སེམས་ཏེ། བདག་གིས་དཔའ་བོ་ཐམས་ཅད་ཕམ་པར་བྱས་ནས་ཐམས
103b6 ཅད་བདག་ལ་སྐྱབས་སུ་འོང་བར་བྱའོ་སྙམ་དུ་སེམས་པ་དང་། དཔེར་ན་རྒྱལ་པོའི་བུ་ནི་རྒྱལ་པོ་བརྗེ་བའི་སྐབས་སུ་རྒྱལ་པོའི་བུ་ཐམས་ཅད་ལས་འདས་པར་བྱས་ཏེ་བདག་གིས་རྒྱལ་པོ་བྱའོ། །བདག་རྒྱལ་པོའི་བུ་ཐམས་ཅད་ཀྱི་མངའ་བདག་ཏུ་འགྱུར་བར་བྱའོ། །
103b7 བདག་ལ་དེ་དག་སྐྱབས་སུ་འོང་བར་བྱའོ། །བདག་གིས་དམན་པའི་སེམས་བསྐྱེད་པར་མི་བྱའོ་སྙམ་དུ་སེམས་པ་ལྟ་བུ་སྟེ། དཔའ་བོ་རྣམས་དང་། རྒྱལ་པོ་དང་། བློན་པོ་ཡང་རུང་སྟེ། ཤིན་ཏུ་མཆོག་ཏུ་གྱུར་པས་ཁྱད་པར་དུ་འཕགས་པ་དེ་ལྟ་བུའི
103b8 རང་བཞིན་ཅན་རྣམས་ནི་རང་གི་ཡོན་ཏན་དང་འཚམ་པའི་བྱ་བ་སྒྲུབ་པར་བྱེད་དོ། །རིགས་ཀྱི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གཞི་གསུམ་ལས་འདའ་བར་འགྱུར་བའི་སེམས་དང་ལྡན་པ་ཡིན་ནོ། །དེ་བས་ན་རྒྱལ
iiif viewer powered by OpenSeadragon
