| e-texts navigator |
| Wylie |
306b1 གཤེགས་པ་རིན་པོ་ཆེའི་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོའི་ལེའུ་ཞེས་བྱ་བ་རྫོགས་སོ། ། །། དཔལ་ལྷ་བཙན་པོའི་བཀའ་ལུང་གིས་རྒྱའི་སློབ་དཔོན་ཝེན་ཧྭི་ཡིས་མཛད་པའི་འགྲེལ་པ་དང་སྦྱར་ནས། ལོ་ཙྪ་བ་དགེ་སློང་འགོས་ཆོས་གྲུབ་ཀྱིས་བསྒྱུར་ཅིང་ཞུས། ། @#། །རྒྱ་གར་སྐད་དུ། ཨཱརྱ་ག་ཡཱ་ཤཱིཪྵ་ན་མ་མ་ཧཱ་ཡཱ
306b2 ན་སཱུ་ཏྲ། བོད་སྐད་དུ། འཕགས་པ་ག་ཡཱ་མགོའི་རི་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མངོན་པར་རྫོགས་པར་སངས་རྒྱས་ནས་ཡུན་རིང་པོ་མ་ལོན་པར་བཅོམ་ལྡན་འདས་རི་ག་ཡཱ་ན་ག
306b3 ཡ་མགོའི་མཆོད་རྟེན་ན། དགེ་སློང་སྟོང་དུ་ཚང་བའི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་སྔོན་རལ་པ་ཅན་དུ་གྱུར་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པ་ཀུན་དུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་དུ
306b4 རྣམ་པར་གྲོལ་བ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་དུ་སོན་པ། དགྲ་བཅོམ་པ་ཤ་སྟག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་གཅིག་པུ་དབེན་པར་གཤེགས་པ་ནང་དུ་ཡང་དག་བཞག
306b5 ནས་ཆོས་ཀྱི་དབྱིངས་ཉིད་ལ་བརྟགས་ཏེ། བདག་གིས་བྱང་ཆུབ་ནི་ཐོབ། བདག་གིས་ཡེ་ཤེས་ནི་ཁོང་དུ་ཆུད། བྱ་བ་ནི་བྱས། བདག་གིས་ཁུར་ནི་བོར། བདག་གིས་འཁོར་བའི་འབྲོག་དགོན་པ་ལས་ནི་རྒལ། བདག་གིས་མ་རིག་པ་ནི་བསལ། བདག་གིས་རིག་པ་ནི་སྒྲུབ། བདག་གིས
306b6 ཟུག་རྔུ་ནི་ཕྱུང་། བདག་གི་སྲེད་པ་ནི་ཟད། བདག་གིས་ཆོས་ཀྱི་གྲུ་ནི་སྦྱར། བདག་གིས་ཆོས་ཀྱི་རྔ་ནི་བརྡུངས། བདག་གིས་ཆོས་ཀྱི་དུང་ནི་བུས། བདག་གིས་ཆོས་ཀྱི་རྒྱལ་མཚན་ནི་བསྒྲེང་། བདག་གིས་འཁོར་བའི་ལུགས་ནི་བཟློག་།བདག་གིས་ཆོས་ཀྱི་ལུགས་ནི་བསྙད། བདག་གིས
306b7 ལམ་ངན་པ་ནི་བཅད། བདག་གིས་ལམ་ནི་ཡང་དག་པར་བསྟན། བདག་གིས་ཞིང་ངན་པ་དག་ནི་རྣམ་པར་བཟློག་།བདག་གིས་བསོད་ནམས་ཀྱི་ཞིང་དག་ནི་ཡང་དག་པར་བསྟན་ན། འདི་ལྟར་བདག་གིས་བྱང་ཆུབ་དེ་ཇི་ལྟར་ཁོང་དུ་ཆུད་པ་དང་། གང་གིས་ཁོང་དུ་ཆུད་པ་དང་། སུས་ཁོང་དུ་ཆུད་པར་འགྱུར
306b8 བའི་ཆོས་དེ་ལ་ངེས་པར་བརྟག་པར་བྱ་སྟེ། ཅི་ལུས་ཀྱིས་ཁོང་དུ་ཆུད་དམ། འོན་ཏེ་སེམས་ཀྱིས་ཁོང་དུ་ཆུད། གལ་ཏེ་ལུས་ཀྱིས་ཁོང་དུ་ཆུད་དུ་ནི་ལུས་ནི་བེམས་པོ། གཡོ་བ་མེད་པ། རྩཝ་དང་། ཤིང་དང་། རྩིག་པ་དང་། བོང་བ་དང་། མིག་ཡོར་ལྟ་བུ་སྟེ། སེམས་མེད་པ། འབྱུང་བ་ཆེན་པོ་བཞི
iiif viewer powered by OpenSeadragon
