| e-texts navigator |
| Wylie |
207a1 རྐྱེན་བཞིན་དུ་ནི་འབྱུང་བའོ། །སྐད་ཅིག་ཐ་དད་འབྲེལ་བས་སྦྲེལ། །རང་གི་སེམས་ནི་དོན་ལ་འཛིན། །དབྱིབས་ཀྱི་མཚན་ཉིད་རྣམ་པར་དག་།ཡིད་དང་མིག་ལ་སོགས་ལས་བྱུང་། །ཐོག་མ་མེད་ནས་རྣམ་པར
207a2 འབྲེལ། །དོན་སྣང་བག་ཆགས་རྣམས་ལས་བྱུང་། །ཇི་ལྟར་སྣང་བ་སེམས་སྣང་སྟེ། །མུ་སྟེགས་ལྟ་བ་བཟློག་པ་ཡི། །དེ་ཡི་རྒྱུས་བྱུང་གཞན་ཉིད་ཀྱང་། །དེ་ལ་དམིགས་ནས་འཇུག་པར་འགྱུར། །དེ་ལས་ལྟ་བ་ཤེས་པ་དག་།
207a3 འཁོར་བར་རབ་ཏུ་འཇུག་པར་འགྱུར། །དངོས་པོ་རྨི་ལམ་སྒྱུ་མ་འདྲ། །དྲི་ཟའི་གྲོང་ཁྱེར་རྣམས་བཞིན་ཏེ། །སྨིག་རྒྱུ་བ་དང་ཆུ་ཟླ་ལྟར། །རང་གི་རྣམ་རྟོག་རྣམ་པར་སྒོམས། །འཇུག་པའི་རྣམ་པས་དེ་བཞིན་ཉིད། །ཡང་དག
207a4 ཡེ་ཤེས་དེ་ཡི་གནས། །སྒྱུ་མ་དཔའ་བར་འགྲོ་ལ་སོགས། །ཏིང་ངེ་འཛིན་ནི་གཞན་རྣམས་དང་། །མངོན་པར་ཤེས་དང་དབང་རྣམས་དང་། །ཡེ་ཤེས་སྒྱུ་མ་ལྟ་བུ་དང་། །དེ་བཞིན་གཤེགས་པས་དབང་བསྐུར་བ། །ས་ལ་ཞུགས
207a5 ནས་ཐོབ་པར་འགྱུར། །གང་ཚེ་འགྲོ་བ་རྣམ་རྟོག་མཐོང་། །དེ་ཚེ་སེམས་ནི་ལྡོག་པར་འགྱུར། །སེམས་ནི་རབ་ཏུ་དགའ་བ་དང་། །སངས་རྒྱས་ས་དང་ས་རྣམས་འཐོབ། །གནས་ནི་རབ་ཏུ་གྱུར་པའི་ཕྱིར། །ཇི་ལྟར་སྣ་ཚོགས
207a6 ནོར་བུ་བཞིན། །སེམས་ཅན་རྣམས་ཀྱི་དོན་བྱེད་དེ། །ཆུ་ལ་གཟུགས་བརྙན་ཇི་བཞིན་ནོ། །ཡོད་དང་མེད་པའི་ཕྱོགས་རྣམས་དང་། །གཉིས་དང་གཉིས་མེད་པ་དང་བྲལ། །ཉན་ཐོས་རང་རྒྱལ་འདས་གྱུར་ན། །ས་བདུན་པོར་ནི
207a7 འགྱུར་བ་ཡིན། །སོ་སོ་རང་ཆོས་མཐོང་བས་ནི། །ཡང་དག་པ་ཡི་ས་སྦྱངས་ཏེ། །ཕྱི་རོལ་མུ་སྟེགས་རྣམས་སྤངས་པའི། །ཐེག་པ་ཆེན་པོ་བཤད་པར་བྱ། །རྣམ་པར་རྟོག་པར་རབ་གྱུར་ན། །ཤི་འཕོས་འཇིག་པ་རྣམས
207a8 སྤངས་པ། །རི་བོང་སྤུ་ཡི་ནོར་བུ་བཞིན། །གྲོལ་བ་རྣམས་ལ་ཚུལ་ཡང་བཤད། །ཇི་ལྟར་ཚིག་ལ་ཚིག་གནས་པ། །གལ་ཏེ་རིགས་ལ་རིགས་དེ་བཞིན། །དེ་ཕྱིར་རིགས་པ་རིགས་པ་ཡིན། །དེ་ལས་གཞན་དུ་མ་རྟོག་ཤིག་།མིག་དང་ལས་དང
iiif viewer powered by OpenSeadragon
