| e-texts navigator |
| Wylie |
206b1 གསལ་བ། །རྒྱུ་དང་འབྲས་བུ་སྤངས་པའོ། །དེ་དག་སྒྲུབ་པ་མེ་མ་ཡིན། །རྟོག་གེ་ཅན་གྱིས་མི་ཤེས་སོ། །སེམས་དང་སེམས་ཅན་མྱ་ངན་འདས། །རང་བཞིན་གྱིས་ནི་འོད་གསལ་ཏེ། །ཡིད་ལ་སོགས་པའི་ཉེས་པ་ཡིས། །
206b2 ཉོན་མོངས་མཁའ་བཞིན་ཐ་དད་མིན། །གླང་པོའི་མལ་སོགས་བཞིན་སྟུན་ཡོད། །མུ་སྟེགས་ལྟ་བས་དྲི་མར་བྱས། །ཡིད་ཀྱི་རྣམ་པར་ཤེས་པས་གཡོགས། །མེ་ལ་སོགས་པས་རྣམ་པར་སྦྱངས། །དེ་ཡིས་ཡང་དག
206b3 ཇི་བཞིན་མཐོང་། །མཐོང་ནས་ཉོན་མོངས་རྣམས་ཀྱང་བཤིག་།ཐིབས་པོའི་དཔེ་རྣམས་རབ་སྤངས་ཏེ། །དེ་དག་འཕགས་པའི་སྤྱོད་ཡུལ་དོང་། །ཤེས་དང་ཤེས་བྱའི་བྱེ་བྲག་གིས། །དེ་གཉིས་གཞན་དུ་མི་བརྟག་པ། །
206b4 བློ་ངན་རྣམས་ཀྱིས་མི་རྟོགས་ཏེ། །བརྗོད་དུ་མེད་པ་སྨྲ་བར་བྱེད། །ཇི་ལྟར་ཙན་དན་བྱས་པའི་རྔ། །བྱིས་པ་དག་ནི་གཞན་དུ་བྱེད། །དེ་བཞིན་ཙན་དན་ཨ་གར་འདྲའི། །ཤེས་པ་རྟོག་གེ་ངན་པས་སོ། །ལངས་ནས་ཁ་ཟས་ཕྱིས་མི
206b5 ལེན། །ལྷུང་བཟེད་གནས་དང་ཕྱིང་པ་ཅན། །གདོང་འགྱུར་ལ་སོགས་ཉེས་པ་ཅན། །དག་པས་ཟས་ལ་སྤྱད་པར་བྱ། །སུ་ཞིག་ཚུལ་འདི་རིགས་པས་དཔོག་བྱེད་པ། །དད་ལྡན་རྣལ་འབྱོར་བརྩོན་ཞིང་མི་རྟོག་པ། །མི་གནས་དོན་ལ
206b6 རྟེན་པར་གྱུར་པ་དེ། །ཆོས་ཀྱི་རྣམ་པར་གསེར་བཞིན་སྤྱད་པར་བྱ། །བླུན་པས་སྲིད་དང་མི་སྲིད་རྐྱེན་རྟོག་པ། །དེ་ནི་ལྟ་ངན་དྲ་བ་དྲི་མར་བཅས། །འདོད་ཆགས་ཞེ་སྡང་གཏི་མུག་བཅས་པ་ལྡོག་།ཆགས་མེད་སངས
206b7 རྒྱས་ཕྱག་གིས་དབང་བསྐུར་འགྱུར། །མུ་སྟེགས་རྒྱུ་ཡི་ཕྱོགས་ཀྱིས་བསླད། །གཞན་ཡང་རྐྱེན་གྱིས་རྣམ་པར་རྨོངས། །གཞན་དག་རྒྱུ་མེད་དེ་འབྱུང་བས། །དོན་མེད་པ་ནི་ཆད་པའོ། །ཡིད་དང་རྣམ་པར་ཤེས་པ་དང་།
206b8 རྣམ་པར་སྨིན་པ་གྱུར་པ་སྟེ། །ཡིད་ནི་ཀུན་གཞི་ལས་བྱུང་བ། །རྣམ་པར་ཤེས་པ་ཡིད་ལས་བྱུང་། །ཀུན་གཞི་ལས་ནི་སེམས་ཀུན་ཀྱང་། །དབའ་རླབས་བཞིན་དུ་འབྱུང་བར་འགྱུར། །ཐམས་ཅད་བག་ཆགས་རྒྱུ་ལས་བྱུང་།
iiif viewer powered by OpenSeadragon
