| e-texts navigator |
| Wylie |
206a1 མོ་ཤམ་བུ་ལ་བྱེ་བྲག་འབྱེད། །འཕྲུལ་གྱིས་མཐོང་བ་སེམས་ཅན་རྣམས། །ཤའི་དང་ཤེས་རབ་རྣམ་པར་སྤངས། །ལུས་ཅན་ཀུན་གྱི་གཟུགས་ཡོད་པ། །འདུ་བྱེད་ཕུང་པོར་སྤངས་གྱུར་པའོ། །ཁ་དོག་བཟང་དང་ངན
206a2 གྱུར་ཅིང་། །གྲོལ་དང་མ་གྲོལ་ཁྱད་གྱུར་པ། །ལྷ་རྫས་འདུ་བྱེད་གཏོགས་པ་ཡི། །འདུ་བྱེད་གནས་པ་རབ་ཏུ་མཐོང་། །འགྲོ་བའི་མཚམས་སུ་གཟུགས་ལྡན་རྣམས། །རྟོག་གེ་ཅན་གྱི་སྤྱོད་ཡུལ་མིན། །མི་ཡི་ཡུལ་ལས་ང་འདས
206a3 ཏེ། །ངན་པའི་རྟོག་གེ་ཅན་གཞན་མིན། །བདག་མེད་ཡིན་ལ་སེམས་འབྱུང་ན། །ཅི་ལས་དེ་ནི་འབྱུང་བར་འགྱུར། །འབབ་ཆུ་མེ་མར་ས་བོན་བཞིན། །ཅི་ཕྱིར་དེ་ཡི་འབྱུང་མི་བཤད། །རྣམ་པར་ཤེས་པ་མ་སྐྱེས་ལ། །མི་ཤེས་ལ
206a4 སོགས་མེད་པ་སྟེ། །དེ་མེད་པར་ནི་རྣམ་ཤེས་པ། །རྒྱུད་ཀྱི་སྐྱེ་བར་ཇི་ལྟར་འགྱུར། །དུས་གསུམ་དང་ནི་དུས་མེད་དང་། །བརྗོད་པ་མེད་དང་རྣམ་པ་ལྔ། །དེ་ནི་སངས་རྒྱས་ཤེས་བྱ་བར། །རྟོག་གེ་ཅན་རྣམས་རབ་ཏུ་བརྗོད། །
206a5 ཤེས་པ་འདུ་བྱེད་རྒྱུས་འབྱུང་བ། །འདུ་བྱེད་རྣམས་ཀྱིས་མི་བརྗོད་དེ། །འདུ་བྱེད་བསྒྲུབས་པའི་ཤེས་པ་ནི། །འདུ་བྱེད་དུ་ནི་གཏོགས་པ་འཛིན། །འདི་ཡོད་པས་ནི་འདི་འབྱུང་སྟེ། །རྐྱེན་རྣམས་ལ་ནི་རྒྱུ་མེད་པ། །གསལ་བར
206a6 བྱེད་པར་རབ་ཏུ་སྟོན། །དེ་མེད་པས་ན་བྱེད་པ་མེད། །རླུང་ནི་མེ་དང་སྤྲིན་དག་ལ། །སྐྱོད་པ་ཡིན་ཏེ་འབྱིན་པ་མིན། །བསྐྱོད་ནས་དེས་ནི་ཞིར་འགྱུར་ན། །ཇི་ལྟར་སེམས་ཅན་རབ་ཏུ་བསྒྲུབས། །འདུས་བྱས་འདུས་མ་བྱས
206a7 པ་ནི། །ཉེར་ལེན་རྣམ་པར་སྤངས་པར་བརྗོད། །མེ་ནྀ་དེ་ལ་བསྒྲུབས་པར་ཡང་། །ཇི་ལྟར་བྱིས་པ་རྟོག་པར་བྱེད། །ཕན་ཚུན་སྟོབས་དང་མཐུ་ཡི་ཕྱིར། །མི་རྣམས་ཀྱི་ནི་མེ་འབྱུང་ན། །གང་ཕྱིར་མེ་བཞིན་བརྟག་།
206a8 བྱ་བའི། །སེམས་ཅན་གང་གིས་རབ་ཏུ་བྱུང་། །ཕུང་པོ་སྐྱེ་མཆེད་ཚོགས་རྣམས་ཀྱི། །རྒྱུ་ནི་ཡིད་ལ་སོགས་པ་སྟེ། །བདག་མེད་རྟག་ཏུ་འདྲོན་མང་བཞིན། །སེམས་དང་བཅས་ཏེ་རབ་ཏུ་འཇུག་།འདི་གཉིས་རྟག་ཏུ་འོད
iiif viewer powered by OpenSeadragon
