| e-texts navigator |
| Wylie |
205b1 བདག་ནི་རྟ་དང་འདྲ་བར་ཡོད། །ཕུང་པོ་བ་ལང་ངོ་བོ་སྤངས། །འདུས་བྱས་འདུས་མ་བྱས་པ་ལ། །སྨྲར་མེད་བརྗོད་མེད་རང་བཞིན་ནོ། །ལུང་དང་རིགས་པས་ངན་པར་མཐོང་། །རྟོག་གེའི་ལྟ་བས་དྲི་མར་བྱས། །ཕྱེ་བ་མེད་པར་བདག་ཏུ
205b2 སྨྲ། །རྒྱུ་མེད་མ་ཡིན་གཞན་ན་མེད། །དེ་དག་གི་ནི་ཉེས་བསགས་པ། །ཕུང་པོ་བདག་ཏུ་མི་བསྒོམ་སྟེ། །གཅིག་པ་དང་ནི་དེ་ལས་གཞན། །རྟོག་གེ་ཅན་གྱིས་མི་ཤེས་སོ། །མེ་ལོང་ཆུ་དང་མིག་རྣམས་ལ། །ཇི་ལྟར་གཟུགས་བརྙན
205b3 སྣང་འགྱུར་བ། །གཅིག་དང་ཐ་དད་བྲལ་བ་བཞིན། །དེ་བཞིན་གང་ཟག་ཕུང་པོ་ལའོ། །བསྒོམ་དང་རྣམ་བསྒོམ་བསམ་གཏན་པ། །ལམ་དང་བདེན་དང་མཐོང་བ་སྟེ། །དེ་རྣམས་གསུམ་ནི་རྣམ་བསྒོམས་ན། །ལྟ་བ་ངན་ལས་གྲོལ་བར་འགྱུར། །
205b4 ཇི་ལྟར་མཐོང་ན་ཞིག་པའི་གློག་།ཁྱིམ་བུ་ཁ་ཡི་འཁོར་ལོ་ལྟར། །དེ་བཞིན་ཆོས་ཀུན་འགྱུར་བ་ལ། །བྱིས་པ་བཞིན་དུ་མ་རྟོག་ཤིག་།དངོས་པོ་མེད་པས་མྱ་ངན་འདས། །བྱིས་པའི་སེམས་ནི་རྨོངས་པར་བྱེད། །ཇི་ལྟར་འདུག་བཞིན
205b5 མཐོང་བ་དང་། །འཕགས་པས་མཐོང་བ་ཡོད་པའི་ཕྱིར། །སྐྱེ་བ་དང་ནི་འཇིག་བྲལ་ཞིང་། །དངོས་པོ་ཡོད་དང་མེད་སྤངས་པ། །མཚན་ཉིད་མཚན་གཞི་བྲལ་བ་ཡི། །འགྱུར་བ་རྣམ་པར་བསྒོམ་པར་བྱ། །མུ་སྟེགས་ཅན་གྱི
205b6 སྨྲ་དང་བྲལ། །མིང་དང་དབྱིབས་ནི་སྤངས་གྱུར་པ། །ནང་གི་ལྟ་བའྀ་གནས་རྣམས་ཀྱི། །འགྱུར་བ་རྣམ་པར་བསྒོམ་པར་གྱིས། །རེག་པ་དང་ནི་གཟིར་བ་ཡིས། །ལྷ་དང་སེམས་ཅན་དམྱལ་བའི་ལུས། །བར་མ་དོ་ཡྀ་སྲིད་མེད་དེ། །
205b7 རྣམ་པར་ཤེས་པས་བསྐྱེད་པ་ཡིན། །མངལ་སྒོང་དྲོད་གཤེར་ལ་སོགས་པའི། །སྲིད་པ་བར་མར་འབྱུང་བ་དག་།སེམས་ཅན་མང་པོ་སྣ་ཚོགས་བཞིན། །འགྲོ་དང་འགྲོ་བར་རྣམ་པར་བསྒོམས། །ལུང་དང་རིགས་པར་བལ
205b8 གྱུར་པ། །ཉོན་མོངས་ཕྱོགས་དང་ཟད་འཐོབ་བྱེད། །མུ་སྟེགས་ལྟ་བའི་སྨྲ་བ་ལ། །བློ་གྲོས་ཅན་གྱྀས་མི་སྤྱད་དོ། །ཐོག་མར་ཉེ་བར་ལེན་པ་ལས། །བདག་ནི་ཕྱེ་བས་བྱེ་བྲག་དབྱེ། །མ་ཕྱེ་བྱེ་བྲག་འབྱེད་པ་ནི། །
iiif viewer powered by OpenSeadragon
