| e-texts navigator |
| Wylie |
204a1 ཡིན་པར་འགྱུར། །འཇུག་སེལ་དང་ནི་དབང་ཕྱུག་ཀྱང་། །འབྱིན་པར་བྱེད་པ་འཆད་པར་འགྱུར། །མྱ་ངན་ང་འདས་ཕྱིན་ཆད་ནི། །དེ་ལྟ་བུ་ལ་སོགས་པར་འབྱུང་། །ང་ཡི་མ་ནི་ནོར་ལྡན་ཏེ། །ཕ་ནི་བྲམ་ཟེ་སྐྱེ་དགུའི་བདག་།
204a2 ང་ནི་ཀཱ་ཏྱཱ་ཡ་ནའི་རིགས། །མིང་ནི་རྡུལ་མེད་རྒྱལ་བའོ། །ཡབ་དང་མེས་དང་ང་བདག་ཀྱང་། །ཡུལ་ནི་ཙམ་པར་སྐྱེས་པ་སྟེ། །མཚན་ནི་ཟླ་བ་སྐྱབས་ཤེས་བྱ། །ཟླ་བའི་རིགས་ལས་དེ་སྐྱེས་སོ། །ཐར་པར་ཞུགས་ཤྀང་བརྟུལ
204a3 ཞུགས་སྤྱད། །ཚུལ་ཡང་རྣམ་པ་སྟོང་བཤད་ནས། །བློ་གྲོས་ཆེན་པོ་དབང་བསྐུར་ཏེ། །ལུང་བསྟན་བྱས་ནས་མྱ་ངན་འདའ། །ཆོས་ལ་བློ་ནི་སྦྱིན་པར་བྱ། །ཆོས་ཀྱིས་མེ་ཁལ་ལ་ལ་སྦྱིན། །མེ་ཁལ་སློབ་མ་ཞན་པས་ན། །བསྐལ
204a4 པའི་མཐར་ནི་འཇིག་པར་འགྱུར། །འོད་སྲུང་དང་ནི་ལོག་དད་སེལ། །འདྲེན་པ་གསེར་ཐུབ་རྣམ་དག་དང་། །རྡུལ་མེད་ང་དང་གཞན་དག་དང་། །དེ་དག་ཐམས་ཅད་བྱས་དུས་རྒྱལ། །དེ་ཡི་འོག་ཏུ་བྱས་དུས་ལ། །འདྲེན་པ་བློ་གྲོས་ཤེས་བྱ་བ། །
204a5 ཤེས་བྱ་ལྔ་རྣམས་སྟོན་པའོ། །དཔའ་བོ་ཆེན་པོ་འབྱུང་བར་འགྱུར། །གཉིས་གཞན་ལ་མིན་སྐྱོབ་བྱུང་མིན། །རྩོད་དུས་ཕྱི་མའི་ཚེ་ལ་ཡང་། །འཇིག་རྟེན་མགོན་པོ་འབྱུང་མི་འགྱུར། །བྱས་དུས་ལ་ནི་རྫོགས་འཚང་རྒྱ། །མི་ཕྲོག་པ
204a6 དང་ངོ་ཤེས་བྱ། །མ་དྲས་ཁ་ཚར་བཅས་པ་སྟེ། །རྨ་བྱའི་མདོངས་སུ་འདྲ་བ་ཡིས། །སྟེང་ཡོགས་རི་མོ་བྲི་བར་བྱ། །མདོངས་དང་མདོངས་ཀྱི་བར་དུ་ནི། །སོར་གཉིས་སོར་གསུམ་ཚད་དུ་བྱ། །དེ་ལས་གཞན་དུ་བྲིས་ན་ནི། །
204a7 བྱིས་པ་རྣམས་ཀྱང་ཆགས་པར་འགྱུར། །རྟག་པར་འདོད་ཆགས་མེ་ཞི་བྱ། །ཡེ་ཤེས་ཆུས་ནི་ཁྲུས་ཀྱང་བྱ། །རྣལ་འབྱོར་གྱིས་ནི་ནན་ཏན་དུ། །དུས་མཚམས་གསུམ་དང་སྡོམ་གསུམ་བྱས། །མདའ་དང་རྡོ་དང་ཤིང་ལ་སོགས། །
204a8 འཕེན་ལ་སོགས་པས་བསྐྱོད་པ་དང་། །གཅིག་འཕགས་ན་ནི་གཅིག་ལྷུང་འགྱུར། །དགེ་དང་མི་དགེ་དེ་བཞིན་ནོ། །གཅིག་པུ་མང་པོ་མ་ཡིན་ཏེ། །མི་འདྲའི་མཚན་ཕྱིར་གང་ནའང་མེད། །ལེན་པ་ཀུན་ནི་རླུང་དང་འདྲ། །སྦྱིན་པ་བྱེད་པ
iiif viewer powered by OpenSeadragon
