| e-texts navigator |
| Wylie |
203b1 གྱི་རྗེས་ལ་རྩོད་དུས་སོ། །རྩོད་པའི་དུས་ཀྱི་ཐ་མ་ལ། །འཇིག་རྟེན་དམ་ཆོས་མི་སྒོམ་མོ། །དེ་ལ་སོགས་པ་འདས་པ་དག་།འགྲོ་བ་འཁོར་ལོ་བཞིན་དུ་འཁོར། །མེ་དང་ཉི་མར་ཕྲད་པའི་ཕྱིར། །འདོད་པའི་ཁམས་ནི
203b2 བསྲེགས་ནས་ཀྱང་། །གང་ལ་འཇིག་རྟེན་གནས་སུ་འགྱུར། །རིགས་བཞི་མི་མགོན་དབང་པོ་དང་། །དྲང་སྲོང་རྣམས་དང་ཆོས་ཀྱང་སྟེ། །རིག་བྱེད་ཆོས་སྦྱིན་མཆོད་སྦྱིན་དང་། །ཆོས་ཀྱི་རྣམས་ནི་འབྱུང་བར
203b3 འགྱུར། །གཏམ་དང་སྲུང་ལ་སོགས་པ་དང་། །རྐྱང་བ་རྟོགས་བྱེད་འགྲེལ་པ་དང་། །འདི་སྐད་བདག་གིས་ཐོས་སོགས་པས། །འཇིག་རྟེན་ཤིན་ཏུ་རྨོངས་པར་འགྱུར། །ཤྀན་ཏུ་བཅོས་ཤིང་བཅག་བྱས་ནས། །སྟེང
203b4 ནས་ཁ་དོག་སྦྱར་བར་བྱ། །སྔོ་དང་ལྕི་བ་འདམ་སོགས་པས། །སྣམ་བུ་ཤིན་ཏུ་བྲི་བར་བྱ། །ལུས་ནི་གོས་རྣམས་ཀྱིས་བཀྲ་བ། །མུ་སྟེགས་མཚན་མ་སྤངས་པ་ཡི། །རྣལ་འབྱོར་ཅན་གྱིས་བསྟན་པ་བཤད། །དེ་ནི
203b5 སངས་རྒྱས་རྒྱལ་མཚན་ནོ། །ཚགས་ཀྱིས་བཙགས་པའི་ཆུ་ཡང་བཏུང་། །རྐེད་པའི་སྲད་བུ་བཅིང་བར་བྱ། །དུས་སུ་འོས་པར་གྱུར་པ་དང་། །དམའ་བ་སྤངས་པའི་སློངས་མོ་ཟས། །མཐོ་རིས་ནས་ནི་ལྷ་རྫས་འབྱུང་། །
203b6 གཉིས་པོ་གཞན་ནི་མི་ལས་འབྱུང་། །རིན་ཆེན་མཚན་རྣམས་ཕུན་སུམ་ཚོགས། །ལྷར་སྐྱེས་པ་ཡི་འགྲོ་བའི་དབང་། །མཐོ་རིས་ཕན་བྱེད་ཆོས་སྟོན་པ། །གླིང་བཞི་རྣམས་ལ་རབ་ཏུ་སྤྱོད། །ཤིན་ཏུ་ཡུན་རིང་གླིང་སྤྱད
203b7 ནས། །སྲེད་པས་རྣམ་པར་འཇིག་པར་འགྱུར། །བྱིས་པའི་དུས་དང་སྐྱབས་བྱུང་དུས། །གཉིས་པོ་བཞིན་དང་རྩོད་པ་སྟེ། །ང་དང་གཞན་ནི་བྱས་དུས་ལ། །ཤཱཀྱ་སེང་གེ་རྩོད་པའི་དུས། །དུས་གྲུབ་པ་དང་ཤཱཀྱའི་སྲས། །
203b8 འཇུག་སེལ་རྒྱས་དང་དབང་ཕྱུག་དང་། །དེ་ལ་སོགས་པའི་མུ་སྟེགས་ཅན། །མྱ་ངན་ང་འདས་འབྱུང་བར་འགྱུར། །འདི་སྐད་བདག་གིས་ཐོས་ལ་སོགས། །ཤཱཀྱ་སེང་གེའྀ་བཤད་པ་ཡིན། །སྒྲུང་དང་སྔན་ཆད་བྱུང་བ་དག་།དེ་དག་རྒྱས་པའི
iiif viewer powered by OpenSeadragon
