| e-texts navigator |
| Wylie |
203a1 ཆགས་བྲལ་ཁྱོད་འཚང་རྒྱའོ། །འཆི་བའི་རྒྱུ་ནི་ཡུལ་མ་ཡིན། །རྒྱུ་ནི་ཡུལ་ལ་འཆིང་བ་སྟེ། །ཡེ་ཤེས་ཀྱིས་ནི་ཉོན་མོངས་བསད། །འདི་ནི་བརྟུལ་ཞུགས་རལ་གྲིའི་སོ། །བདག་མེད་སྒྱུ་མ་ལ་སོགས་པའི། །
203a2 ཆོས་རྣམས་ཇི་ལྟར་ཡོད་མེད་འགྱུར། །བྱིས་པ་རྣམས་ལ་ཡང་དག་སྣང་། །བདག་མེད་ཉིད་ནི་ཇི་ལྟར་མེད། །བྱས་པ་དང་ནི་མ་བྱས་ཕྱིར། །རྒྱུ་ནི་འཇུག་པར་བྱེད་པ་མེད། །འདི་དག་ཐམས་ཅད་མ་སྐྱེས་ཏེ། །བྱིས་པ
203a3 རྣམས་ཀྱིས་མི་ཤེས་སོ། །རྒྱུ་ཡི་རྣམས་ནི་མ་སྐྱེས་ཏེ། །རྐྱེན་རྣམས་དེ་དག་བྱས་པའོ། །དེ་གཉིས་བསྐྱེད་པ་མ་ཡིན་ན། །རྒྱུ་རྣམས་ཀྱིས་ན་ཇི་ལྟར་བརྟག་།སྔ་ཕྱི་དང་ནི་ཅིག་ཅར་ཡང་། །རྟོག་གེ་རྣམས་ཀྱང་རྒྱུར
203a4 སྟོན་ཏོ། །སྣང་དང་སློབ་མ་རྫས་སོགས་ཀྱིས། །དངོས་པོ་རྣམས་ཀྱི་སྐྱེ་བ་འཆད། །མངོན་པར་འདུ་བྱེད་མཚན་རྣམས་ཀྱིས། །སངས་རྒྱས་མཚན་ལྡན་མ་ཡིན་ཏེ། །དེ་དག་འཁོར་ལོས་སྒྱུར་ཡོན་ཏན། །དེས་ནི
203a5 སངས་རྒྱས་མི་བརྗོད་དོ། །སངས་རྒྱས་མཚན་ནི་ཡེ་ཤེས་ཏེ། །ལྟ་བའི་ཉེས་པས་རྣམ་སྤངས་པ། །སོ་སོ་རང་རིག་ལྟ་བས་རྟོགས། །ཉེས་པ་ཐམས་ཅད་རྣམ་འཇོམ་པའོ། །འོན་ལྐུག་ལོང་བ་ཞར་བ་དང་། །དགའ་བ
203a6 དག་ནི་ཤར་གཉེར་དང་། །བྱིས་པ་རྣམས་ལ་བྱེ་བྲག་ཏུ། །ཚངས་པར་སྤྱོད་པ་མེད་པའོ། །བསྒྲིབས་དང་གསལ་དང་ལྷ་ཡི་ནི། །མཚན་རྣམས་ཀྱིས་ནི་འཁོར་ལོས་བསྒྱུར། །གསལ་བ་ལ་ལ་རབ་ཏུ་འབྱུང་། །གཉིས
203a7 པོ་གཞན་ནི་བག་མེད་པའོ། །རྒྱས་དང་གཟེག་ཟན་ཁྱུ་མཆོག་དང་། །སེར་སྐྱ་ཤཱཀྱའི་གཙོ་བོ་རྣམས། །ང་ནི་མྱ་ངན་འདས་འོག་ཏུ། །དེ་ལ་སོགས་པ་འབྱུང་བར་འགྱུར། །མྱ་ངན་ང་འདས་ལོ་བརྒྱ་ན། །རྒྱས་དང
203a8 ཁུར་འཕེལ་དེ་བཞིན་དུ། །པན་ཌ་བ་དང་ཀོའུ་ར་བ། །དགའ་བོའི་འོག་ཏུ་མོའུ་རི་འབྱུང་། །མོའུ་རྱ་དགའ་བོ་སྐྱབས་འོག་ཏུ། །ཀླ་ཀློ་རྒྱལ་པོའི་ཐ་ཤལ་རྣམས། །ཀླ་ཀློའི་རྗེས་ལ་མཚོན་གྱིས་འཁྲུག་།མཚོན
iiif viewer powered by OpenSeadragon
