| e-texts navigator |
| Wylie |
202a1 སེམས་ཅན་རྣམས་ཀྱི་ཉེར་ལེན་ནི། །མཐའ་དང་མཐའ་མེད་སྤངས་པའོ། །བྱི་དོར་བྱས་པས་གསེར་མདོག་དང་། །ས་ལེ་སྦྲམ་དང་ཁ་ར་དག་།ཇི་ལྟར་མཐོང་བ་དེ་བཞིན་དུ། །ཕུང་པོ་རྣམས་ལ་སེམས་ཅན་ནོ། །
202a2 གང་ཟག་མེད་ཅིང་ཕུང་པོ་མེད། །སངས་རྒྱས་ཡེ་ཤེས་ཟག་མེད་པ། །རྟག་ཏུ་ཞི་བ་རྣམས་བསྒོམས་ཏེ། །དེ་ལ་བདག་ནི་སྐྱབས་སུ་མཆི། །སེམས་ཀྱི་རང་བཞིན་འོད་གསལ་བ། །ཡིད་ལ་སོགས་པའི་ཉོན་མོངས་དང་། །
202a3 བདག་དང་ལྷན་ཅིག་ལྡན་པར་ནི། །སྨྲ་བའི་མཆོག་གིས་རབ་ཏུ་བསྟན། །སེམས་ནི་རང་བཞིན་འོད་གསལ་བ། །དེ་ལས་གཞན་པ་ཐོག་མ་མེད། །དེ་དག་གིས་ནི་བསགས་པའི་ལས། །དེས་ནི་དེ་གཉིས་ཉོན་མོངས་འགྱུར། །
202a4 ཐོག་མ་མེད་པའི་གློ་བུར་གྱི། །ཉོན་མོངས་རྣམས་དང་ལྡན་པས་ན། །རང་བཞིན་འོད་གསལ་བདག་ཉོན་མོངས། །རས་དང་འདྲ་བར་དག་པར་འགྱུར། །ཇི་ལྟར་གོས་སམ་གསེར་ཡང་རུང་། །དྲི་མ་མེད་ཕྱིར་ཉེས་སྤངས
202a5 བཞིན། །གནས་ཤིང་འཇིགས་པར་མི་འགྱུར་ཏེ། །ཉེས་མེད་བདག་ཉིད་དེ་བཞིན་ནོ། །རྔ་འམ་དུང་ངམ་པི་ཝང་ལ། །སྒྲ་སྙན་ཕུན་སུམ་ཚོགས་པ་དག་།མི་མཁས་ལ་ལ་ཚོལ་བར་བྱེད། །དེ་བཞིན་གང་ཟག་ཕུང་པོ
202a6 ལའོ། །ས་ལ་གཏེར་དང་ནོར་བུ་དང་། །དེ་བཞིན་དུ་ནི་ཆུ་རྣམས་ཀྱང་། །ཡོད་བཞིན་དུ་ཡང་མི་སྣང་བ། །དེ་བཞིན་གང་ཟག་ཕུང་པོ་ལའོ། །སེམས་དང་སེམས་ལས་བྱུང་ཚོགས་དང་། །བདག་གི་ཡོན་ཏན་ཕུང་པོ་ལྡན། །
202a7 མི་མཁས་པས་ནི་མི་ཤེས་ཏེ། །དེ་བཞིན་གང་ཟག་ཕུང་པོ་ལའོ། །ཇི་ལྟར་སྦྲུམ་པར་གྱུར་པའི་བུ། །ཡོད་བཞིན་དུ་ཡང་མི་སྣང་བ། །དེ་བཞིན་བདག་ཉིད་ཕུང་པོ་ལ། །རིག་པ་མི་ཤེས་པས་མི་མཐོང་། །ཇི་ལྟར
202a8 སྨན་གྱི་གསོད་པ་དང་། །ཇི་ལྟར་མེ་ནི་ཤིང་རྣམས་ལ། །རིགས་པ་མི་ཤེས་པས་མི་མཐོང་། །དེ་བཞིན་གང་ཟག་ཕུང་པོ་ལའོ། །དངོས་པོ་རྣམས་ལ་མི་རྟག་དང་། །སྟོང་པ་ཉིད་ཀྱང་ཡོད་བཞིན་དུ། །མི་མཁས
iiif viewer powered by OpenSeadragon
