| e-texts navigator |
| Wylie |
201b1 ཉེར་ལེན་བཅས་པ་མི་ཟིན་ཏོ། །ཡོད་པའི་ཉེས་དང་རྣམ་བྲལ་བ། །བྱེ་བྲག་མི་འབྱེད་འཕགས་པ་སྨྲ། །ཤེས་པ་སྤངས་པའི་རྟོག་གེ་པ། །རྟག་དང་ཆད་པས་འཇིགས་པ་དག་།འདུས་བྱས་འདུས་མ་བྱས་ལ་བདག་།
201b2 བྱིས་པ་བྱེ་བྲག་མི་བྱེད་དོ། །གཅིག་པ་ལ་ཡང་སྦྱིན་པ་ཡོད། །ཐ་དད་པ་ལའང་ཡོད་པ་མིན། །སེམས་དང་ལྷན་ཅིག་གཅིག་པ་སྟེ། །ཡིད་ལ་སོགས་དང་ཐ་དད་དོ། །སེམས་དང་སེམས་ལས་བྱུང་བསྒྲགས་པའི། །སྦྱིན
201b3 པ་གང་ཚེ་ཉེར་ལེན་ལས། །དབྱེ་ན་དེ་ལ་ཇི་ལྟར་ན། །གཅིག་པར་ཁོང་དུ་ཆུད་པར་བྱ། །ཉེར་ལེན་བཅས་པའི་དམིགས་པ་ནི། །ལས་དང་ཚེ་དང་བྱེད་སོགས་པས། །འདྲ་དང་མི་འདྲ་ཚུལ་རྣམས་ཀྱིས། །མེད་བཞིན་དུ་ནི
201b4 སྒྲུབ་པར་བྱེད། །ཇི་ལྟར་བསྲེག་བྱ་སྲེག་བྱེད་ལ། །མེ་ནི་ཅིག་ཅར་སྲེག་པ་བཞིན། །དེ་བཞིན་ཉེར་ལེན་བཅས་པའི་བདག་།ཅི་ཕྱིར་རྟོག་གེ་ཅན་མི་སྟོན། །རྟག་ཏུ་སྐྱེས་དང་མ་སྐྱེས་ཀྱང་། །སེམས་ནི་ཤིན་ཏུ
201b5 འོད་གསལ་ན། །བདག་བསྒྲུབས་པ་ཡི་དཔེ་དག་དང་། །ཅི་ཕྱིར་རྟོག་གེ་ཅན་མི་བྱེད། །རྟོག་གེ་ཅན་ནི་ཚུལ་སྤངས་པ། །རྣམ་ཤེས་ཐིབས་པོར་རྨོངས་པ་དག་།བདག་ཏུ་སྨྲ་བར་བྱེད་འདོད་པས། །ཕན་ཚུན་དག་ཏུ
201b6 རབ་ཏུ་རྒྱུག་། ཕན་ཚུན་རང་རིག་རྟོགས་བྱ་བ། །བདག་ནི་རྣམ་དག་མཚན་ཉིད་དེ། །དེ་བཞིན་གཤེགས་པའི་སྙིང་པོ་དེ། །རྟོག་གེ་ཅན་གྱི་སྤྱོད་ཡུལ་མིན། །ཉེར་ལེན་ཉེར་བར་ལེན་བྱེད་ཀྱི། །བྱེ་བྲག་དང་ནི་ཕུང་པོ་ཡི། །
201b7 མཚན་ཉྀད་གལ་ཏེ་ཤེས་གྱུར་ན། །ཚུལ་གྱི་ཡེ་ཤེས་སྐྱེ་བར་འགྱུར། །མུ་སྟེགས་ཅན་གྱིས་བརྗོད་པ་ནི། །ཀུན་གཞི་སྙིང་པོ་ལྟ་བུ་བསམ། །བདག་དང་ལྷན་ཅིག་ལྡན་པའི་ཆོས། །རབ་ཏུ་བརྗོད་པ་མ་བྱས་སོ། །དེ་དག
201b8 རབ་ཏུ་ཕྱེ་བས་ན། །རྣམ་པར་ཐར་དང་བདེན་མཐོང་ན། །སྒོམ་དང་མཐོང་བས་སྤང་བ་ཡི། །ཉོན་མོངས་རྣམས་ཀྱང་སྦྱང་བ་ཡི། །སེམས་ནི་རང་བཞིན་འོད་གསལ་ཏེ། །དེ་བཞིན་གཤེགས་པའི་སྙིང་པོ་དགེ། །
iiif viewer powered by OpenSeadragon
