| e-texts navigator |
| Wylie |
200b1 རྡུལ་ཕྲན་རང་བཞིན་རྒྱུས། །བྱིས་པ་མཐའ་གཉིས་ལྷུང་བ་དག་།ཡོད་དང་མེད་པའི་ཕྱོགས་འཛིན་ཕྱིར། །ཐར་པ་ཡི་ནི་ཐབས་མི་ཤེས། །ཇི་ལྟར་བྱིས་པ་སོར་མོ་རྩེར། །ཟླ་བར་འཛིན་ཏེ་གཞན་དུ་མིན། །ཇི་ལྟར་ཡི་གེར
200b2 ཆགས་པའི་རྣམས། །ང་ཡི་དེ་བཞིན་ཉིད་མི་རྟོགས། །འབྱུང་བ་མཚན་ཉིད་མི་མཐུན་པ། །གཟུགས་ཀྱི་དངོས་པོ་བསྐྱེད་པ་སྟེ། །དེ་ནི་འབྱུང་བ་གནས་པ་ཡིན། །འབྱུང་འགྱུར་འབྱུང་བས་མ་བྱས་སོ། །མེ་ནི་གཟུགས་ལ
200b3 སྲེག་པར་བྱེད། །སྤྲུལ་པའི་རང་བཞིན་ཆུ་ཡི་ཁམས། །རླུང་ནི་གཟུགས་ལ་འདོར་བྱེད་པ། །འབྱུང་བས་ཇི་ལྟར་སྐྱེ་བར་འགྱུར། །རྣམ་པར་ཤེས་དང་གཟུགས་ཕུང་པོ། །དེ་ནི་གཉིས་ཏེ་ལྔ་མ་ཡིན། །ཕུང་པོའི་རྣམ་གྲངས་ཐ་དད་པ། །
200b4 ངས་ནི་རྣམ་པ་བརྒྱར་ཡང་བཤད། །སེམས་དང་སེམས་བྱུང་བྱེ་བྲག་ནི། །འཇུག་པ་རབ་ཏུ་འཇུག་པ་ཡིན། །གཟུགས་ཀྱི་རྣམ་པར་འདྲེས་པ་སྟེ། །འབྱུང་ལས་གྱུར་མིན་སེམས་གཟུགས་སོ། །སྔོ་ལ་སོགས་པ་ཟླ་ཡིས་དཀར། །
200b5 དཀར་ལ་སོགས་པའི་ཟླ་ཡིས་སྔོ། །རྒྱུ་དང་འབྲས་བུ་བསྐྱེད་པ་དང་། །ཡོད་དང་མེད་པ་སྟོང་པ་ཉིད། །གྲུབ་བྱེད་གྲུབ་དང་བསྒྲུབ་བྱ་དང་། །གྲང་དྲོ་མཚན་དང་མཚན་གཞི་དང་། །དེ་ལ་སོགས་པ་ཐམས་ཅད་ནྀ། །རྟོག་གེ་ཅན
200b6 གྱིས་མ་བསྒྲུབས་སོ། །སེམས་དང་ཡིད་དང་རྣམ་ཤེས་དྲུག་།དེ་དག་བདག་དང་ལྡན་པ་སྟེ། །གཅིག་དང་ཐ་དད་བྲལ་བ་ཡི། །ཀུན་གཞི་དེ་ནི་རབ་ཏུ་འཇུག་།གྲངས་ཅན་གཅེར་བུ་ཁྱད་པར་ཅན། །དབང་ཕྱུག་སྨྲས་པའི་རྟོག་གེ་པ། །
200b7 ཡོད་དང་མེད་པའྀ་ཕྱོགས་སུ་ལྷུང་། །དབེན་པའི་དོན་གྱིས་རྣམ་པར་སྤངས། །དབྱིབས་དང་བྱད་ཀྱི་བྱེ་བྲག་དག་།འབྱུང་ལས་སྐྱེས་ཏེ་འབྱུང་བ་མིན། །མུ་སྟེགས་ཅན་ནི་འབྱུང་འགྱུར་དང་། །འབྱུང་བ་རྣམས་ཀྱང་སྐྱེ་བར་སྨྲ། །
200b8 དེ་ལས་གང་གཞན་མུ་སྟེགས་ཅན། །རྒྱུ་ལས་མ་སྐྱེས་རྟོག་པར་བྱེད། །ཡོད་མེད་ཕྱོགས་ལས་རྟེན་པའི་རྣམས། །རྨོངས་པས་ཁོང་དུ་མི་ཆུད་དོ། །སེམས་དང་ལྷན་ཅིག་ལྡན་པ་སྟེ། །ཡིད་ལ་སོགས་དང་བྲལ་བ་ཡིན། །རྣམ
iiif viewer powered by OpenSeadragon
