| e-texts navigator |
| Wylie |
200a1 གཤེགས་པ་རྣམས་ཀྱིས་མིན། །ཇི་ལྟར་རྣམ་པ་གང་དག་གིས། །ཡུལ་ལ་མངོན་སུམ་འགྱུར་བ་དང་། །རྣམ་པར་རྟོག་པ་རབ་འཇུག་དང་། །ལྡོག་པ་བདག་ལ་བཤད་དུ་གསོལ། །ཁ་དོག་རྒྱས་དང་ལྡན་པའི་ཕྱིར། །སྤྲོས་པ
200a2 རྣམས་ཀྱིས་བསྡུས་པའི་གཟུགས། །མཐོང་ནས་ཕྱི་རོལ་དག་ཏུ་ཡང་། །རྣམ་པར་རྟོག་པ་རབ་ཏུ་འཇུག་།དེ་ཉིད་ཡོངས་སུ་ཤེས་པ་དང་། །ཡང་དག་ཇི་བཞིན་དོན་མཐོང་ཕྱིར། །འཕགས་པའི་རིགས་དང་འཐུན་པ་ཡི། །སེམས་ནི
200a3 མངོན་པར་མི་འཇུག་གོ། །འབྱུང་བ་རྣམས་ནི་མ་གཏོགས་པར། །དངོས་པོ་སྐྱེ་བ་མེད་པ་སྟེ། །རྟག་པར་འབྱུང་བ་འདྲ་བའི་སེམས། །མ་སྐྱེས་པར་ནི་རྣམ་པར་བསྒོམ། །རྣམ་པར་རྟོག་ལ་མ་རྟོག་ཤིག་།རྣམ་པར་རྟོག
200a4 མེད་མཁས་པའོ། །རྣམ་པར་རྟོག་ལ་བརྟགས་གྱུར་ན། །གཉིས་མིན་མྱ་ངན་འདས་མ་ཡིན། །མི་སྐྱེ་བར་ནི་དམ་བཅས་པའི། །ཚུལ་ནི་སྒྱུ་མ་བཞིན་དུ་སྣང་། །སྒྱུ་མ་རྒྱུ་མེད་བྱུང་བ་སྟེ། །གྲུབ་མཐའ་འདས་ཤིང་ཉམས
200a5 པར་འགྱུར། །ཐོག་མ་མེད་ནས་བསྒོམས་པ་ཡི། །སེམས་ནི་གཟུགས་བརྙན་བཞིན་དུ་སྣང་། །དོན་ལྟ་བུ་སྟེ་དོན་མེད་མིན། །ཡང་དག་ཇི་བཞིན་རྣམ་པར་བསྒོམ། །མེ་ལོང་ལ་ནི་ཇི་ལྟར་གཟུགས། །གཅིག་དང་ཐ་དད
200a6 ཉིད་སྤངས་པ། །སྣང་སྟེ་དེ་ནི་མེད་པའང་མིན། །སྐྱེ་བའི་མཚན་ཉིད་དེ་བཞིན་ནོ། །དྲི་ཟ་སྒྱུ་མ་ལ་སོགས་དག་།རྒྱུ་དང་རྐྱེན་ལ་ལྟོས་པ་ལྟར། །དེ་བཞིན་དངོས་པོ་ཐམས་ཅད་ཀྱི། །འབྱུང་བ་ཡིན་ཏེ་མི་འབྱུང་མེད། །བདག་དང
200a7 ཆོས་སུ་བརྟགས་པ་ཡིས། །རྣམ་པར་རྟོག་པ་སྐྱེས་བུ་ལྟར། །འཇུག་པ་རྣམ་པ་གཉིས་ཀྱིས་འཇུག་།བྱིས་པ་རྣམས་ཀྱིས་མི་རྟོགས་སོ། །མ་ཚང་བ་དང་རྐྱེན་གྱི་དབང་། །དེ་བཞིན་ཉན་ཐོས་དགྲ་བཅོམ་པ། །
200a8 བདག་མཐུ་རག་ལས་རྒྱལ་བ་ཡང་། །རག་ལུས་ཉན་ཐོས་ལྔ་པོར་བཤད། །དུས་གཞན་དུ་ནི་ཞིག་པ་དང་། །དོན་དམ་དུ་དང་ཕན་ཚུན་དང་། །མི་རྟག་པ་ནི་རྣམ་པ་བཞི། །བྱིས་པ་མི་མཁས་རྟོག་པར་བྱེད། །ཡོན་ཏན
iiif viewer powered by OpenSeadragon
