| e-texts navigator |
| Wylie |
199b1 གཉིས་ཡོངས་སུ་ཤེས་པ་ནི། །སྐྱེ་བ་མེད་པར་ངས་བཤད་དོ། །དངོས་པོ་མ་སྐྱེ་རྣམས་མཆིས་སམ། །འོན་ཏམ་ལགས་སམ་ཐུབ་ཆེན་གསུངས། །རྒྱུ་མེད་སྨྲ་དང་མི་མཉམ་དང་། །མེད་དང་ཆོས་རྣམས་འདྲེས་པར་འགྱུར།
199b2 རྒྱུ་མེད་སྨྲ་དང་མི་སྐྱ་དང་། །མི་མཉམ་མུ་སྟེགས་ལྟ་བ་སྟེ། །ཡོད་དང་མེད་ལས་རྣམ་གྲོལ་བས། །སེམས་ཙམ་དུ་ནི་ངས་བཤད་དོ། །ལྟ་བའི་རྒྱུ་ལས་བྱུང་བ་ཡྀ། །སྐྱེ་དང་མི་སྐྱེ་སྤང་བར་བྱོས། །རྒྱུ་མེད་སྨྲ་བས་མི
199b3 སྐྱེ་དང་། །སྐྱེ་བའི་རྒྱུ་ཡི་གནས་སུ་འགྱུར། །ལྷུན་གྱིས་གྲུབ་ལ་བྱ་བ་མེད། །གལ་ཏེ་བྱ་ཡོད་ལྟ་འདྲེས་འགྱུར། །ཐབས་དང་སྨོན་ལམ་ལ་སོགས་པས། །ལྟ་བ་ཉིད་ནི་བདག་ལ་གསུངས། །ཆོས་རྣམས་ཐམས་ཅད
199b4 མེད་པའི་ཕྱིར། །ཇི་ལྟ་བུར་ན་དཀྱིལ་འཁོར་སྐྱེ། །གཟུང་དང་འཛིན་དང་བྲལ་བའི་ཕྱིར། །འཇུག་པ་མེད་ཅིང་ལྡོག་པ་མེད། །དངོས་པོ་ལས་ནི་དངོས་གཞན་མཐོང་། །སེམས་ཀྱང་དེ་ལས་བྱུང་བ་སྟེ། །ཆོས་རྣམས་ཀྱི་ནི་སྐྱེ
199b5 མེད་པ། །དེ་ནི་ཇི་ལྟར་བདག་ལ་གསུངས། །གལ་ཏེ་སེམས་ཅན་མི་ཤེས་ན། །དེ་ཡི་ཕྱིར་ནི་དེ་བཤད་དོ། །ཐུབ་ཆེན་བཤད་པ་ཐམས་ཅད་ལ། །སྔ་མ་དང་ནི་ཕྱི་མར་འགལ། །མུ་སྟེགས་ལྟ་བས་རྣམ་གྲོལ་བ། །མི་མཉམ
199b6 རྒྱུ་མེད་སྤངས་པ་ཡི། །འཇུག་པ་དང་ནི་ལྡོག་པ་རྣམས། །སྨྲ་བའི་མཆོག་གིས་བདག་ལ་གསུངས། །ཡོད་དང་མེད་ལས་རྣམ་གྲོལ་ཞིང་། །རྒྱུ་དང་འབྲས་བུ་མི་འཇིག་པའི། །ས་ཡི་རིམ་པའྀ་མཚམས་སྦྱོར་བ། །པད་མོའི
199b7 སྤྱན་གྱིས་བདག་ལ་གསུངས། །འཇིག་རྟེན་མཐའ་གཉིས་ལྷུང་བ་ནི། །ལྟ་བས་རྣམ་པར་དཀྲུགས་གྱུར་པས། །སྐྱེ་དང་མི་སྐྱེ་ལ་སོགས་ཕྱིར། །ཞི་བ་ཡི་ནི་རྒྱུ་མི་རྟོགས། །ང་ལ་དཀྱིལ་འཁོར་གང་ཡང་མེད། །ང་ནི་ཆོས
199b8 ཉིད་མི་འཆད་དེ། །གཉིས་ཡོད་ན་ནི་ཉེས་པར་འགྱུར། །གཉིས་ནི་སངས་རྒྱས་རྣམས་ཀྱིས་སྦྱངས། །སྟོང་པ་སྐད་ཅྀག་དངོས་པོ་རྣམས། །རང་བཞིན་མེད་ཅིང་སྐྱེ་མེད་པ། །ལྟ་ངན་སྨྲ་བས་གཡོགས་པ་རྟོག་།དེ་བཞིན
iiif viewer powered by OpenSeadragon
