| e-texts navigator |
| Wylie |
199a1 མ་སྐྱེས་པ་ཡི་དངོས་པོ་རྣམས། །བློ་ནི་རྣམ་པར་ལྡང་བའི་ཕྱིར། །སྐྱེས་པའི་དངོས་པོ་དག་ལ་ཡང་། །དེ་དང་འདྲ་ཕྱིར་མི་བརྟག་གོ། །ཇི་ལྟར་བདག་དང་གཞན་རྣམས་ནི། །རྟག་ཏུ་ཡོད་མེད་མ་འདྲེས་པར། །ལྟ་བ་རྣམ
199a2 གཉིས་བཟློག་པ་ཡི། །རིགས་པ་མགོན་པོ་བདག་ལ་གསུངས། །མུ་སྟེགས་སྨྲ་དང་མ་འདྲེས་ཤིང་། །རང་རྒྱལ་ཉན་ཐོས་རྣམས་སྤངས་པ། །རྒྱལ་སྲས་རྣམས་ནི་མི་འཇིག་ཕྱིར། །རྒྱལ་བས་མངོན་རྟོགས་སྤྱོད་པ་དག་།
199a3 རྣམ་ཐར་རྒྱུ་དང་རྒྱུ་མེད་ཀྱང་། །སྐྱེ་བ་མེད་པར་མཚན་ཉིད་གཅིག་།རྣམ་གྲངས་གཞན་གྱིས་དེ་དག་སླུ། །མཁས་པ་རྣམས་ཀྱིས་རྟག་ཏུ་སྤང་། །སྤྲིན་དང་སྤྲིན་གྱི་ཕུང་པོ་འཇའ་འདྲ་བ། །སྨིག་རྒྱུ་སྐྲ་ཤད་འཛིངས་པ་སྒྱུ་མ་འདྲ། །
199a4 དངོས་པོ་ཐམས་ཅད་རང་གི་རྟོག་བྱུང་བ། །མུ་སྟེགས་འགྲོ་བ་རང་གི་རྒྱུ་ཡིས་རྟོག་།སྐྱེ་བ་མེད་དང་དེ་བཞིན་ཏེ། །ཡང་དག་མཐའ་དང་སྟོང་པ་ཉིད། །དེ་དག་གཟུགས་ཀྱི་མིང་ཡིན་ཏེ། །དངོས་པོ་མེད་པར་མི་རྟོག་གོ། །
199a5 ལག་དང་བྱེད་པ་འཇིག་རྟེན་ན། །དབང་པོ་བརྒྱ་བྱིན་གྲོང་འཇིག་ལྟར། །དེ་བཞིན་དངོས་པོ་ཐམས་ཅད་ཀྱི། །རང་བཞིན་བརྟག་པར་མི་བྱའོ། །གཟུགས་ལས་སྟོང་པ་གཞན་མ་ཡིན། །མི་སྐྱེ་བ་ཡང་དེ་བཞིན་ཏེ། །གཞན་མ
199a6 ཡིན་ཕྱིར་མི་བརྟག་གོ། ལྟ་བའི་ཉེས་པར་རབ་ཏུ་འགྱུར། །དངོས་པོའི་མཚན་ཉིད་གཟུང་བའི་ཕྱིར། །ཀུན་རྟོག་རྣམ་པར་རྟོག་པའོ། །ཡོངས་སུ་རྟོག་པ་བཟུང་བས་ན། །རིང་ཐུང་ཟླུམ་ལ་སོགས་པའོ། །སེམས་ནི་ཀུན་ཏུ་རྟོག
199a7 པ་ཡིན། །ཡིད་ནི་ཡོངས་སུ་རྟོག་པ་སྟེ། །ཡིད་ཀྱི་རྣམ་ཤེས་རྣམ་རྟོག་ནི། །མཚན་དང་མཚན་གྱི་གཞི་སྤངས་པ། །གང་ཡང་མུ་སྟེགས་མི་སྐྱེ་དང་། །གང་ཡང་ང་ཡི་ཚུལ་བལྟ་བས། །རྟོག་པ་དེ་ནི་ཁྱད་པར་མེད། །ལྟ་བའི་ཉེས
199a8 པར་རབ་ཏུ་འགྱུར། །དགོངས་དང་སྐྱེ་བ་མེད་པ་དང་། །སྐྱེ་བ་མེད་པའྀ་དོན་ཉིད་དེ། །རིགས་པ་ཤེས་པ་སུས་ཤེས་པ། །དེ་དག་ང་ཡི་ཚུལ་ཤེས་སོ། །དགོས་པ་ལྟ་བ་དགོངས་པ་དང་། །མི་སྐྱེ་བ་ནི་གནས་མེད་པ། །དོན
iiif viewer powered by OpenSeadragon
