| e-texts navigator |
| Wylie |
198b1 དང་འཇིག་པ་དེ་བཞིན་ནོ། །རྣམ་པར་རྟོག་པ་སྐྱེ་བ་ཡིན། །རྣམ་པར་རྟོག་པ་གཞན་མེད་དོ། །སྐད་ཅིག་སྐད་ཅིག་གང་ངས་བཤད། །འདི་ནི་རྐྱེན་དུ་བཤད་པ་ཡིན། །གཟུགས་སུ་འཛིན་པ་རྣམ་སྤངས་པ། །སྐྱེ་བ་མེད་ཅིང
198b2 འཇིག་པ་མེད། །རྐྱེན་དང་རྐྱེན་ལས་སྐྱེས་པ་རྣམས། །མ་རིག་དེ་བཞིན་ཉིད་ལ་སོགས། །ཆོས་གཉིས་ཀྱིས་ནི་འཇུག་པར་འགྱུར། །མི་གཉིས་དེ་བཞིན་ཡིད་གཉིས་སོ། །རྐྱེན་དང་རྐྱེན་ལས་སྐྱེས་པ་ཡི། །ཆོས
198b3 རྣམས་གལ་ཏེ་ཁྱད་མེད་ན། །རྟག་ལ་སོགས་པ་འབྲས་བུར་འགྱུར། །རྐྱེན་རྣམས་ཀྱང་ནི་རྒྱུར་འགྱུར་རོ། །རྒྱུ་དང་འབྲས་བུ་བཟང་བའི་ཕྱིར། །ཁྱོད་དང་སངས་རྒྱས་རྣམས་ཀྱི་གསུང་། །མུ་སྟེགས་ཅན་དང་ཁྱད་མེད
198b4 འགྱུར། །དེ་ཕྱིར་ཐུབ་ཆེན་འཕགས་མ་ཡིན། །འདོམ་གང་ཙམ་གྱི་ལུས་ལ་ནི། །འཇིག་རྟེན་ཀུན་འབྱུང་འཇིག་རྟེན་དང་། །འགོག་པར་འགྲོ་བའི་ལམ་གྱི་རྣམས། །རྒྱལ་སྲས་རྣམས་ལ་རབ་ཏུ་བཤད། །
198b5 རང་བཞིན་གསུམ་ལ་འཛིན་པ་ཡིས། །སོ་སོའི་སྐྱེ་བོའི་གཟུང་འཛིན་ལྟ། །འཇིག་རྟེན་འདས་དང་འཇིག་རྟེན་པའི། །ཆོས་རྣམས་རྣམ་པར་རྟོག་པར་བྱེད། །དེ་ཕྱིར་སྔོན་ལ་བལྟ་བྱ་སྟེ། །རང་བཞིན་གཉིས་ནི་སྨོས་པར་བྱ། །
198b6 ལྟ་བ་རྣམས་ནི་བཟློག་པའི་ཕྱིར། །རང་བཞིན་རྣམ་པར་མི་བརྟག་གོ། །ཉམས་པའི་ཉེས་ཕྱིར་སྡོམ་པ་མེད། །སེམས་ཀྱང་འཇུག་པར་མི་འགྱུར་རོ། །གཉིས་སུ་འཛིན་ཕྱིར་འཇུག་པར་འགྱུར། །དེ་བཞིན་ཉིད་ནི་གཉིས
198b7 མེད་ཡིན། །མི་ཤེས་པ་དང་སྲེད་པ་ལས། །རྣམ་ཤེས་ལ་སོགས་ཚུལ་མ་སྐྱེས། །མཐར་ཐུག་མེད་དང་བྱས་པ་དང་། །སྲིད་པ་བྱས་ལས་མི་སྐྱེའོ། །དངོས་པོ་རྣམས་ཀྱི་འཇིག་པ་ནི། །མི་མཁས་རྣམས་ཀྱིས་རྣམ་བཞིར་བཤད། །
198b8 རྣམ་པར་རྟོག་པ་གཉིས་འཇུག་ཕྱིར། །དངོས་པོ་ཡོད་དང་དངོས་མེད་མེད། །མཐའ་བཞི་དག་ལས་གྲོལ་བ་ཡི། །ལྟ་བ་གཉིས་པོ་རྣམ་སྤངས་པ། །མཐོང་ནས་རྣམ་རྟོག་གཉིས་འཇུག་ནི། །མངོན་པར་འཇུག་པར་མི་འགྱུར་རོ། །
iiif viewer powered by OpenSeadragon
