| e-texts navigator |
| Wylie |
198a1 ནི་མི་སྣང་ངོ་། །མི་མཐོང་བ་ནི་ཇི་ལྟར་ཅིས། །མི་རྟག་པ་ལས་སྲིད་མི་འབྱུང་། །བསྡུ་བ་དག་གིས་སེམས་ཅན་གདུལ། །ཚུལ་ཁྲིམས་ཀྱིས་ནི་དབང་དུ་བྱ། །ཤེས་རབ་དག་གིས་ལྟ་བ་གཞིག་།རྣམ
198a2 པར་ཐར་པས་ཤིན་ཏུ་སྤེལ། །འདི་ཀུན་འཇིག་རྟེན་རྒྱང་པན་ཏེ། །མུ་སྟེགས་ཅན་གྱིས་གང་བཤད་བརྫུན། །རྒྱུ་དང་འབྲས་བུ་ཡོད་ལྟ་བས། །རང་གི་གྲུབ་པའི་མཐའ་ཡང་མེད། །ང་འདའ་གཅིག་པུ་རང་གྲུབ་མཐའ། །
198a3 རྒྱུ་དང་འབྲས་བུ་རྣམ་པར་སྤངས། །འཇིག་རྟེན་རྒྱང་པན་རྣམ་བྲལ་བ། །སློབ་མའི་སྡེ་ལ་བཤད་པར་བྱ། །སེམས་ཙམ་སྟེ་ནི་སྣང་བ་མེད། །རྟག་དང་ཆད་པ་སྤངས་པ་ཡི། །གཟུང་དང་འཛིན་པའི་དངོས་པོ་རུ། །
198a4 སེམས་ནི་རྟག་པ་གཉིས་སུ་སྣང་། །ཇི་སྲིད་སེམས་ནི་འཇུག་པའི་བར། །དེ་སྲིད་འཇིག་རྟེན་རྒྱང་པན་ཡིན། །འཇིག་རྟེན་རང་གི་སེམས་མཐོང་ན། །རྣམ་པར་རྟོག་པ་མི་འཇུག་གོ། །འདུ་བ་འབྲས་བུ་དོན་གྲུབ་པ། །
198a5 ཟད་པ་འབྲས་བུ་མ་མཐོང་བ། །འདུ་དང་ཟད་པ་ཡོངས་ཤེས་ན། །རྣམ་པར་རྟོག་པ་མི་འཇུག་གོ། །རྟག་དང་མི་རྟག་བྱས་པ་དང་། །མ་བྱས་པ་དང་གཞན་མིན་གཞན། །དེ་ལ་སོགས་པ་ཐམས་ཅད་ནི། །འཇིག་རྟེན་རྒྱང་པན་ཚུན
198a6 ཡིན་ནོ། །ལྷ་དང་ལྷ་མ་ཡིན་དང་མྀ། །བྱོལ་སོང་ཡི་དགས་གཤིན་རྗེའི་གནས། །གང་དུ་ལུས་ཅན་སྐྱེ་བ་ཡི། །འགྲོ་བ་རྣམ་པ་དྲུག་ཏུ་བཤད། །རབ་འབྲིང་ཐ་མའི་ལས་རྣམས་ཀྱིས། །དེ་དག་ཏུ་ནི་སྐྱེ་བར་འགྱུར། །
198a7 དགེ་བ་ཐམས་ཅད་བསྲུངས་ན་ནི། །ཁྱད་པར་དུ་འམ་ཐར་པར་འགྱུར། །ཁྱོད་ཀྱིས་དགེ་སློང་སྡེ་རྣམས་ལ། །སྐད་ཅིག་སྐད་ཅིག་དག་ལ་ཡང་། །སྐྱེ་དང་སྐྱེ་དང་འཆི་བཤད་པ། །དགོངས་པ་བདག་ལ་བཤད་དུ་གསོལ། །ཇི་ལྟར
198a8 གཟུགས་ལས་གཟུགས་གཞན་བཞིན། །སེམས་ཀྱང་འདུས་ནས་འཇིག་པར་འགྱུར། །དེའི་ཕྱིར་སློབ་མ་རྣམས་ལ་ནི། །སྐད་ཅིག་གཅིག་ནས་གཅིག་སྐྱེ་བཤད། །གཟུགས་དང་གཟུགས་ལ་རྣམ་རྟོག་པ། །འབྱུང
iiif viewer powered by OpenSeadragon
