| e-texts navigator |
| Wylie |
197b1 གང་ཚེ་མཚན་ཉིད་མེད་མཐོང་ཞིང་། །ཆོས་ལ་བདག་མེད་མཐོང་བའི་ཕྱིར། །དེ་ཚེ་སེམས་ནི་ལྡོག་པར་འགྱུར། །ཡུལ་དང་དབང་པོ་ཐ་དད་ཕྱིར། །རྣམ་པར་ཤེས་པ་བརྒྱད་དུ་སྐྱེ། །མཚན་ཉིད་ཀྱིས་ནི་གསུམ་ཡིན་ཏེ། །སྣང་བ
197b2 མེད་ལ་ལྡོག་པར་འགྱུར། །ཀུན་གཞི་ཡིད་ཀྱི་བདག་ཡིན་ཏེ། །ཤེས་པ་ཉིད་ནི་བདག་གི་ཡིན། །གཉིས་སུ་འཛིན་པ་རབ་ཏུ་འཇུག་།ཡོངས་སུ་རྟོག་ན་ལྡོག་པར་འགྱུར། །གཅིག་དང་ཐ་དད་རྣམ་གྲོལ་ཞིང་། །རྒྱུ་བ་མེད་པར་ནམ
197b3 མཐོང་བ། །དེ་ཚེ་བདག་དང་བདག་གིར་ཡང་། །གཉིས་སུ་རྟོག་པར་མི་འགྱུར་རོ། །མ་ཞུགས་པར་ནི་རྒྱས་མི་འགྱུར། །རྣམ་པར་ཤེས་པའི་རྒྱུ་ཡང་མིན། །རྒྱུ་དང་འབྲས་བུ་སྤངས་པ་ཡི། །འགགས་པ་འཇུག་པར་མི་འགྱུར་རོ
197b4 ཅི་ཡི་ཕྱིར་ན་འཇིག་རྟེན་རྣམས། །རྣམ་རྟོག་སེམས་ཙམ་བདག་ལ་གསུངས། །རྒྱུ་དང་རྣམ་པར་གྲོལ་བ་ཡི། །མཚན་དང་མཚན་གཞི་རྣམ་སྤངས་པ། །རང་གི་སེམས་ནི་སྣ་ཚོགས་སྣང་། །མཐོང་བ་ལྟ་བུར་རྣམ་པར་བརྟགས
197b5 སེམས་ཀྱི་སྣང་བ་ཤེས་པ་དང་། །སེམས་ཀྱི་དོན་གཞན་གཟུང་བའི་ཕྱིར། །བློ་ཡིས་གང་ཚེ་མ་མཐོང་ན། །མེད་པའི་ལྟ་བར་འགྱུར་བ་ནི། །སེམས་སུ་འཛིན་པར་གྱུར་པའི་ཕྱིར། །ཇི་ལྟར་དེ་ཡི་ཡོད་མི་འབྱུང་། །རྣམ་རྟོག་དངོས
197b6 མིན་དངོས་མེད་མིན། །དེ་ཕྱིར་ཡོད་པ་མི་སྐྱེ་སྟེ། །སེམས་སྣང་ཡོངས་སུ་ཤེས་པའི་ཕྱིར། །རྣམ་རྟོག་འཇུག་པར་མི་འགྱུར་རོ། །རྣམ་པར་རྟོག་པ་མི་འཇུག་པ། །རབ་ཏུ་གྱུར་པ་གནས་མེད་པའོ། །བཞི་ཡི་ཕྱོགས་རྣམས་ཕྱིར
197b7 བཟློག་ཅིང་། །གལ་ཏེ་དངོས་པོ་རྒྱུ་ཅན་ན། །མིང་གི་བྱེ་བྲག་གཞན་དེ་བྱས། །དེ་ནི་བསྒྲུབས་པ་མ་ཡིན་ནོ། །རྒྱུ་དང་རྐྱེན་རྣམས་འདུས་པ་དང་། །རྒྱུ་ནི་བཀག་པར་གྱུར་པའི་ཕྱིར། །དེ་དག་དོན་གྱིས་དཔོག་པར་འགྱུར། །ཡང་ན་རྒྱུ
197b8 ལས་བྱུང་བར་འགྱུར། །གལ་ཏེ་རྐྱེན་རྣམས་མི་རྟག་ན། །རྟག་པའི་ཉེས་པ་བཟློག་པར་འགྱུར། །བྱིས་པ་རྣམས་ནི་མི་རྟག་ཕྱིར། །འབྱུང་བ་མེད་ཅིང་འཇིག་པ་མེད། །གང་ཡང་འཇིག་པར་འགྱུར་བཞིན་དུ། །རྒྱུར་གྱུར་པ
iiif viewer powered by OpenSeadragon
