| e-texts navigator |
| Wylie |
197a1 ཇི་ལྟར་བྱ་རྣམས་ནམ་མཁའ་ལ། །རྟོག་པས་ཀུན་ཏུ་བསྐྱོད་པས་ན། །གནས་མེད་རྟེན་པ་མེད་བཞིན་དུ། །ས་ཡི་སྟེང་བཞིན་དེ་དག་སྤྱོད། །དེ་བཞིན་ལུས་ཅན་ཐམས་ཅད་ཀྱང་། །རྣམ་པར་རྟོག་པས་བསྐྱོད་པས་ན། །
197a2 དེ་དག་བདག་གི་སེམས་ལ་རྒྱུ། །ནམ་མཁའ་ལ་ནི་བྱ་བཞིན་ནོ། །ལུས་དང་ལོངས་སྤྱོད་གནས་སྣང་བའི། །སེམས་ནི་རབ་ཏུ་འཇུག་བཤད་པ། །སྣང་དང་འཇུག་པ་ཇི་ལྟར་ཅིས། །སེམས་ཙམ་པོ་ནྀ་བདག་ལ་གསུངས། །ལུས་དང
197a3 ལོངས་སྤྱོད་གནས་རྣམས་དང་། །སྣང་དང་འཇུག་པ་བག་ཆགས་དང་། །སྣང་དང་འཇུག་པར་རྣམ་རྟོག་པས། །མི་བརྩོན་རྣམས་ལ་སྐྱེ་བར་འགྱུར། །དངོས་པོ་རྣམ་པར་བརྟགས་པ་ཡུལ། །སེམས་ནི་ཡུལ་ལས་བྱུང་བ་སྟེ། །སྣང
197a4 བའི་སེམས་ནི་ཡོངས་ཤེས་པས། །རྣམ་པར་རྟོག་པ་མི་འཇུག་གོ། །བརྟགས་པའི་རིང་ནི་མིང་བྲལ་དང་། །བློ་དང་རིག་བྱ་སྤངས་པར་ནི། །འདུས་བྱས་ནམ་ཞིག་མཐོང་གྱུར་པ། །དེ་ཡི་ཚེ་ན་གྲོལ་བར་འགྱུར། །མིང་ལ་མིང་ནི
197a5 རྣམ་སྒོམ་པར། །ཤེས་པར་བྱ་བ་དེ་ཙམ་སྟེ། །གང་དག་གཞན་དུ་ཤེས་བྱེད་པ། །དེ་དག་མི་ཤེས་ཤེས་བྱེད་མིན། །ཆོས་ལྔ་རྣམས་དང་རང་བཞིན་དང་། །རྣམ་པར་ཤེས་པ་བརྒྱད་རྣམས་དང་། །བདག་མེད་གཉིས་ཀྱི
197a6 ནང་དུ་ནི། །ཐེག་པ་ཆེན་པོ་ཐམས་ཅད་འདུས། །གང་གི་ཚེ་ན་འགྲོ་བ་དག་།བློ་དང་རིག་བྱས་དབེན་མཐོང་བ། །དེ་ཚེ་མིང་ལ་མིང་རྟོག་པ། །མངོན་པར་འཇུག་པར་མི་འགྱུར་རོ། །སེམས་མཐོང་ཕྱིར་ནི་བྱ་བ་དང་། །
197a7 ཡི་གེ་རྟོག་པ་ཕྱིར་རྟོག་གོ། །རང་གི་སེམས་ནི་མ་མཐོང་ཕྱིར། །རྣམ་པར་རྟོག་པ་རབ་ཏུ་འཇུག་།གཟུགས་མེད་པ་ཡི་ཕུང་པོ་བཞིན། །དེ་དག་ལས་ནི་བགྲང་བ་མེད། །འབྱུང་བ་ཐ་དད་མཚན་གྱི་གཟུགས། །ཇི་ལྟར
197a8 གཟུགས་རྣམས་མང་པོར་འགྱུར། །མཚན་ཉིད་ཡོངས་སུ་བཏང་བའི་ཕྱིར། །འབྱུང་ལས་གྱུར་མིན་འབྱུང་བ་མིན། །འོན་ཏེ་མཚན་ཉིད་གཞན་གཟུགས་ན། །ཕུང་པོ་རྣམས་ཀྱིས་ཅིར་མི་སྐྱེ། །ཕུང་པོ་སྐྱེ་མཆེད་རྣམ་གྲོལ་བ། །
iiif viewer powered by OpenSeadragon
