| e-texts navigator |
| Wylie |
196b1 ལོ་མ་ཤིང་སོགས་ལ། །རྟེན་ཅིང་སྒྱུ་མ་སྣང་བ་ལྟར། །དེ་བཞིན་དངོས་ལ་བརྟེན་བྱས་ཤིང་། །མི་རྣམས་ལ་ནི་སྣ་ཚོགས་སྣང་། །སྒྱུ་མའི་དྲ་བ་ལོ་མ་མིན། །གྱོ་མོ་མ་ཡིན་ཤིང་མ་ཡིན། །བྱིས་པ་རྣམས་ཀྱིས་སྒྱུ་མར་མཐོང་། །
196b2 སྒྱུ་མ་བྱེད་པས་གནས་མཐོང་ངོ་། །དེ་བཞིན་དངོས་ལ་བརྟེན་བཅས་ཏེ། །ཅི་ཞིག་བྱེ་བྲག་ཏུ་འགྱུར་ན། །སྣང་བའི་ཚེ་ན་གཉིས་མེད་པར། །ཅི་ཞིག་ཏུ་ནི་ཇི་ལྟར་བརྟག་།རྣམ་པར་རྟོག་ལ་རྣམ་བརྟགས་མེད། །རྣམ་པར་རྟོག
196b3 པའང་མེད་པ་སྟེ། །རྣམ་པར་རྟོག་ལ་མེད་པས་ན། །མྱ་ངན་འདས་མེད་འཁོར་བ་མེད། །རྣམ་པར་རྟོག་པ་མེད་པས་ན། །རྣམ་པར་རྟོག་པ་མི་འཇུག་གོ། །མ་ཞུགས་ན་ནི་ཇྀ་ལྟར་སེམས། །སེམས་ཙམ་དུ་ནི་མི་རུང་ངོ་། །བསམ་པ་དུ་མ་ཐ་དད
196b4 ཕྱིར། །བསྟན་པ་ལ་ནི་སྙིང་པོ་མེད། །སྙིང་པོ་མེད་ཕྱིར་ཐར་པ་མེད། །འཇིག་རྟེན་རྣམ་པ་སྣ་ཚོགས་མེད། །ཇི་ལྟར་བྱིས་པས་བརྟགས་པ་ཡི། །ཕྱི་རོལ་གྱི་ནི་སྣང་བ་མེད། །སེམས་ནི་གཟུགས་བརྙན་བཞིན་དུ་སྣང་། །བག་ཆགས
196b5 ཀྱིས་ནི་མགོ་ཡུང་བསླང་། །ཡོད་མེད་མ་བྱུང་མེད་པས་ན། །དངོས་པོ་ཐམས་ཅད་མ་སྐྱེས་ཏེ། །འདི་དག་ཐམས་ཅད་སེམས་ཙམ་མོ། །རྟོག་པ་རྣམས་ཀྱིས་རྣམ་པར་སྤངས། །བྱིས་པ་རྐྱེན་གྱིས་དངོས་པོར་འཆད། །མཁས་པ་དག
196b6 ནི་མ་ཡིན་ནོ། །རང་བཞིན་སེམས་དང་བྲལ་བ་སྟེ། །སེམས་ནི་འཕགས་པར་ཉེར་འགྲོ་ཞི། །གྲངས་ཅན་གཅེར་བུ་ཁྱད་པར་ཅན། །དེ་བཞིན་བྲམ་ཟེ་ཕྱུགས་བདག་རྣམས། །ཡོད་དང་མེད་པའི་ལྟ་བར་ལྷུང་། །རྣམ་པར་དབེན
196b7 པའི་དོན་གྱིས་སྤངས། །རང་བཞིན་མེད་དང་མ་སྐྱེས་དང་། །སྟོང་པ་སྒྱུ་མ་དྲི་མེད་རྣམས། །སངས་རྒྱས་རྣམས་དང་ཁྱོད་ཀྱིས་ཀྱང་། །སུ་ཡི་ཕྱིར་ནི་དེ་དག་བཤད། །རྣལ་འབྱོར་ཅན་ནི་སེམས་གཙང་ལ། །ལྟ་བ་རྟོག་གེ་རྣམ
196b8 སྤངས་པའི། །སངས་རྒྱས་རྣམས་ཀྱིས་རྣལ་འབྱོར་བཤད། །ངས་ཀྱང་རབ་ཏུ་བཤད་པ་ཡིན། །གལ་ཏེ་འདི་ཀུན་སེམས་ཡིན་ན། །འཇིག་རྟེན་ཅི་ལ་རབ་ཏུ་གནས། །ཅི་ཕྱིར་མི་རྣམས་འོང་འགྲོ་བར། །ས་ལ་རབ་ཏུ་སྣང་བར་གྱུར། །
iiif viewer powered by OpenSeadragon
