| e-texts navigator |
| Wylie |
195a1 རྒྱུ་མེད་དེ། །སེམས་ཀྱང་མེད་ཅིང་སྤྱོད་ཡུལ་མེད། །སེམས་ཀྱང་རྒྱས་པར་མི་འགྱུར་ཏེ། །སྲིད་པ་གསུམ་ནི་བྱེད་སྤངས་པའོ། །སྐྱེ་བ་རྣམ་པར་བཟློག་པའི་ཕྱིར། །མི་སྐྱེ་བ་ནི་རབ་ཏུ་བསྒྲུབ། །རྒྱུ་མེད་སྨྲ་བར་བཤད
195a2 པ་ནི། །བྱིས་པ་རྣམས་ཀྱིས་མི་རིག་གོ། །འདི་དག་ཐམས་ཅད་མ་སྐྱེས་པ། །དངོས་པོ་མེད་པའང་མ་ཡིན་ཏེ། །རྨི་ལམ་སྒྱུ་འདྲ་དྲི་ཟའི་གྲོང་། །རྒྱུ་མེད་པ་ཡི་དངོས་པོ་ཡོད། །མ་སྐྱེས་རང་བཞིན་མེ་པ་དང་། །ཅི་ཕྱིར་སྟོང་པའང
195a3 བདག་ལ་གསུངས། །འདུས་པ་དག་ནི་མ་གཏོགས་པར། །ནམ་ཞྀག་དངོས་པོ་མི་སྣང་བ། །དེ་ཚེ་མ་སྐྱེས་སྟོང་པ་སྟེ། །རང་བཞིན་མེད་པར་ངས་བཤད་དོ། །རྨི་ལམ་སྐྲ་ཤད་སྒྱུ་མ་དང་། །དྲི་ཟའི་གྲོང་ཁྱེར་སྨིག་རྒྱུ་རྣམས། །
195a4 རྒྱུ་མེད་པར་ཡང་སྣང་གྱུར་པ། །འཇིག་རྟེན་སྣ་ཚོགས་དེ་བཞིན་ནོ། །དེ་བཞིན་འདུས་པ་རེ་རེར་ཡང་། །སྣང་བ་མེད་པས་ཡོད་མ་ཡིན། །འདུས་པ་མུ་སྟེགས་ལྟ་བ་ལྟར། །འཇིག་པས་རྣམ་པར་འགྱུར་བ་མིན། །རྒྱུ
195a5 མེད་སྨྲ་བས་བརྩད་བྱ་སྟེ། །མ་སྐྱེས་པ་ཡང་རབ་ཏུ་བསྒྲུབ། །སྐྱེ་བ་མེད་པ་རབ་བསྒྲུབས་ན། །ང་ཡི་ཚུལ་ནི་མི་འཇིག་གོ། །རྒྱུ་མེད་སྨྲ་བ་བསྟན་ན་ནི། །ཇི་ལྟར་ཅི་ལས་ཅི་དག་གིས། །གང་དུ་རྒྱུ་མེད་སྐྱེར་འགྱུར་ཞེས
195a6 མུ་སྟེགས་ཅན་རྣམས་འཇིགས་པ་སྐྱེ། །རྒྱུ་ལས་མ་ཡྀན་རྒྱུ་མེད་པར། །ནམ་ཞིག་འདུས་བྱས་མཐོང་བ་ན། །དེ་ཡི་སྐྱེ་འཇིག་སྨྲ་བ་ཡི། །ལྟ་བ་རྣམ་པར་ལྡོག་པར་འགྱུར། །དངོས་པོ་མེད་པ་སྐྱེ་མེད་དམ། །
195a7 དེ་སྟེ་རྐྱེན་ལ་བརྟགས་པའམ། །འོན་ཏེ་དངོས་པོའི་མིང་ལགས་སམ། །དོན་མེད་པ་ཡང་བདག་ལ་གསུངས། །དངོས་མེད་མི་སྐྱེ་མ་ཡིན་ཏེ། །རྐྱེན་ལ་བརྟག་པའང་མ་ཡིན་ནོ། །དངོས་པོའི་མྀང་ཡང་དེ་མིན་ཏེ། །
195a8 དོན་མེད་པའང་མིང་མ་ཡིན། །ཉན་ཐོས་དང་ནི་རང་རྒྱལ་དང་། །ས་བདུན་དུ་ནི་ཕྱིན་རྣམས་དང་། །མུ་སྟེགས་སྤྱོད་ཡུལ་མ་ཡིན་པ། །དེ་ནི་མི་སྐྱེ་མཚན་ཉིད་དོ། །རྒྱུ་དང་རྐྱེན་རྣམས་བཟློག་པ་དང་། །བྱེད་པ་དག་ནི
iiif viewer powered by OpenSeadragon
