| e-texts navigator |
| Wylie |
194b1 གལ་ཏེ་རྨི་ལམ་འདྲ་སྐྱེ་ན། །སེམས་ནི་རྣམ་པ་གཉིས་སུ་འགྱུར། །སེམས་ལ་གཉིས་ཀྱི་མཚན་ཉིད་མེད། །ཇི་ལྟར་རལ་གྲི་རང་སོ་དང་། །ཇི་ལྟར་འཛུབ་མོ་རང་རྩེ་ལ། །མི་གཅོད་རེག་པར་མི་འགྱུར་བ། །དེ་བཞིན་སེམས
194b2 ཀྱིས་རང་བལྟའོ། །གཞན་དག་མེད་ཅིང་དབང་ཡང་མེད། །བརྟགས་པ་ཡི་ནི་དངོས་པོ་མེད། །ཆོས་ལན་རྣམས་དང་སེམས་གཉིས་ཀྱང་། །སྣང་བ་མེད་ལ་མེད་པའོ། །སྐྱེ་བར་བྱ་དང་སྐྱེ་བྱེད་དང་། །དངོས་པོའི་མཚན་ཉིད
194b3 རྣམ་གཉིས་ཏེ། །སྐྱེ་བར་བྱེད་ལས་དགོངས་བྱས་ནས། །རང་བཞིན་མེད་པར་ངས་བཤད་དོ། །རྣམ་པ་སྣ་ཚོགས་དོན་དབྱིབས་སུ། །གལ་ཏེ་རྣམ་པར་རྟོག་སྐྱེ་ན། །རི་བོང་རྭ་དང་ནམ་མཁའ་ཡང་། །དོན་དུ་སྣང་བ་འབྱུང་བར
194b4 འགྱུར། །གལ་ཏེ་མ་བརྟགས་དོན་ཡོད་ན། །སེམས་ཀྱང་དོན་དུ་སྣང་བར་འགྱུར། །སེམས་དང་ཐ་དད་བརྟགས་པ་ཡི། །དོན་ནི་ཤིན་ཏུ་མི་དམིགས་སོ། །ཐོག་མ་མེད་ལྡན་འཁོར་བ་ན། །དོན་ནི་གང་ནའང་མེད་པ་སྟེ། །
194b5 སེམས་ནི་རྒྱས་པར་མ་གྱུར་ན། །ཇི་ལྟར་དོན་དུ་སྣང་བར་འཇུག་།གལ་ཏེ་མེད་པས་རྒྱས་འགྱུར་ན། །རི་བོང་རྭ་ཡང་དེར་འགྱུར་རོ། །དངོས་པོ་མེད་པས་རྒྱས་གྱུར་པའི། །རྣམ་པར་རྟོག་པ་མི་འབྱུང་ངོ་། །ཇི་ལྟར་ད་ལྟར་མེད་པ
194b6 བཞིན། །སྔོན་ཀྱང་དེ་ནི་ཡོད་པ་མིན། །དོན་མེད་པར་ནི་དོན་འབྲེལ་སེམས། །ཇི་ལྟ་བུར་ན་འཇུག་པར་འགྱུར། །དེ་བཞིན་ཉིད་དང་སྟོང་ཉིད་མཐའ། །མྱ་ངན་འདས་དང་ཆོས་ཀྱི་དབྱིངས། །ཆོས་རྣམས་སྐྱེ་བ་མེད་པ་ནི། །དོན་དམ
194b7 གྱི་ནི་རང་བཞིན་ནོ། །རྒྱུ་དང་རྐྱེན་ལ་རྟོག་པ་ཡིས། །སྲིད་པ་རྒྱུ་མེད་མ་བྱུང་བར། །རབ་ཏུ་ཤེས་པར་མ་གྱུར་པས། །བྱིས་པ་ཡོད་དང་མེད་པར་ལྷུང་། །སྣང་བ་མེད་པར་སེམས་མངོན་ཏེ། །བྱེ་བྲག་ཐོག་མ་མེད་རྒྱུས་འབྱུང་། །
194b8 ཐོག་མ་མེད་ནས་དོན་མེད་ན། །བྱེ་བྲག་ཅི་ཡིས་སྐྱེ་བར་འགྱུར། །གལ་ཏེ་མེད་པས་རྒྱས་འགྱུར་ན། །དབུལ་པོ་དག་ཀྱང་ནོར་ལྡན་འགྱུར། །དོན་མེད་ཇི་ལྟར་སེམས་སྐྱེ་བ། །ཐུབ་པས་བདག་ལ་བཤད་དུ་གསོལ། །འདི་དག་ཐམས་ཅད
iiif viewer powered by OpenSeadragon
