| e-texts navigator |
| Wylie |
194a1 འཚོ་བ་དེ་དང་ལུས་དེ་དང་། །གང་ཡང་མ་བྱུང་སྐྱེ་བ་ནི། །དེ་དག་ཐམས་ཅད་གཞན་སྨྲ་བ། །ངས་ཀྱང་དེ་དག་ཤིན་ཏུ་བཤད། །སྔ་མའི་ཕྱོགས་ནི་བརྗོད་བྱ་སྟེ། །དེ་དག་བློ་ནི་བཟློག་པར་བྱ། །དེ་དག་བློ་ནི་བཟློག་བྱས
194a2 ནས། །བདག་གི་ཕྱོགས་ནི་ངས་བཤད་དོ། །ང་ཡི་སློབ་མ་རྨོངས་པའི་སྡེ། །ཡོད་མེད་ཕྱོགས་ལ་གནས་འོང་ཞེས། །དེ་ཕྱིར་མུ་སྟེགས་སྨྲ་བ་དག་།ངས་ནི་བརྗེད་པར་བྱས་པ་ཡིན། །ཡན་ལག་སེར་སྐྱ་བློ་ངན་པའང་། །འགྲོ་བ
194a3 གཙོ་ལས་སྐྱེས་པ་དང་། །ཡོན་ཏན་རྣམ་པར་འགྱུར་བ་ཡང་། །སློབ་མ་རྣམས་ལ་རབ་ཏུ་སྟོན། །རྐྱེན་གྱིས་བྱུང་དང་མ་བྱུང་མིན། །རྐྱེན་རྣམས་དངོས་པོ་མེད་པའི་ཕྱིར། །མ་བྱུང་བ་ནི་མི་འབྱུང་ངོ་། །ཡོད་དང་མེད་པའི་ཕྱོགས
194a4 བྲལ་ཞིང་། །རྒྱུ་དང་རྐྱེན་རྣམས་སྤངས་པ་དང་། །སྐྱེ་དང་འཇིག་པ་མེད་པ་དང་། །རང་གི་ཕྱོགས་ཏེ་མཚན་གཞི་སྤངས། །སྒྱུ་མ་རྨི་ལམ་འདྲ་བ་ཡི། །འཇིག་རྟེན་རྒྱུ་དང་རྐྱེན་སྤངས་པ། །རྟག་ཏུ་རྒྱུ་མེད་པར་མཐོང་ན། །
194a5 རྣམ་པར་རྟོག་པ་མི་འཇུག་གོ། །དྲི་ཟའི་གྲོང་ཁྱེར་སྨིག་རྒྱུ་འདྲ། །རྟག་པར་སྐྲ་ཤད་འཛིངས་པ་བཞིན། །ཡོད་དང་མེད་པའི་ཕྱོགས་བྲལ་ཞིང་། །རྒྱུ་དང་རྐྱེན་གྱིས་སྤངས་པ་ཡི། །སྲིད་པ་རྒྱུ་མེད་པར་མཐོང་ན། །སེམས་ཀྱི
194a6 རྒྱུ་ནི་རྣམ་པར་འདག་། གང་གི་དངོས་པོ་མེད་པ་དང་། །སེམས་ཙམ་པ་ཡང་མེད་འགྱུར་ན། །དངོས་པོ་མེད་པར་ཇི་ལྟར་སེམས། །སེམས་ཙམ་དུ་ཡང་མ་རུང་ངོ་། །དངོས་པོ་ལ་ནི་དམིགས་བྱས་ཤིང་། །མི་རྣམས
194a7 སེམས་ཀྱང་སྐྱེ་བར་འགྱུར། །རྒྱུ་མེད་པར་ནི་ཇི་ལྟར་སེམས། །སེམས་ཙམ་དུ་ནི་མི་རུང་ངོ་། །འཕགས་པའི་དངོས་པོའི་ཚུལ་ལ་ནི། །དེ་བཞིན་ཉིད་དང་སེམས་ཙམ་ཡོད། །ཡོད་པའང་མིན་པ་དེ་དག་ནི། །
194a8 ང་ཡི་ཚུལ་ལ་མི་མཁས་པའོ། །གཟུང་དང་འཛིན་པའི་དངོས་པོར་ནི། །གལ་ཏེ་སེམས་ནི་འཇུག་འགྱུར་ན། །དེ་ནི་འཇིག་རྟེན་པ་ཡི་སེམས། །སེམས་ཙམ་དུ་ཡང་མི་རུང་ངོ་། །ལུས་དང་ལོངས་སྤྱོད་གནས་འདྲ་དང་། །
iiif viewer powered by OpenSeadragon
