| e-texts navigator |
| Wylie |
193b1 མཆིས་ན། །བྱིས་པ་ནན་ཏན་མ་བགྱིས་པར། །བྱེད་པ་སྤངས་པའི་ཐར་པར་འགྱུར། །ཁྱོད་ཀྱི་འཕགས་པ་བྱིས་པའི་ཁྱོད། །དངོས་པོ་མེད་ན་ཇི་ལྟར་མཆིས། །རྣམ་པར་ཐར་པ་གསུམ་སྤྱོད་པའི། །འཕགས་པ་དག་ལ་དངོས་པོ་མེད། །
193b2 ཕུང་པོ་གང་ཟག་ཆོས་རྣམས་དང་། །རང་དང་སྤྱི་ཡི་མཚན་ཉིད་མེད། །དབང་པོ་རྣམས་དང་རྐྱེན་གྱི་རྣམས། །ཉན་ཐོས་དག་ལ་ངས་བཤད་དོ། །རྒྱུ་མེད་པ་དང་སེམས་ཙམ་དང་། །འབྱོར་པ་རྣམས་དང་ས་རྣམས་དང་། །སོ་སོ་རང་གི་དེ་བཞིན
193b3 ཉིད། །དག་པ་རྒྱལ་བའི་སྲས་ལ་བཤད། །ང་ཡི་བསྟན་ལ་སུན་འབྱིན་པ། །ངུར་སྨྲིག་གི་ནི་གོས་བགོས་ཤིང་། །འབྲས་བུ་ཡོད་དང་མེད་སྨྲ་བ། །མ་འོངས་པ་ཡི་དུས་ན་འབྱུང་། །དངོས་པོ་མེད་དེ་རྐྱེན་རྣམས་ཀྱིས། །ཡོད་པ
193b4 འཕགས་པའི་སྤྱོད་ཡུལ་ལོ། །བརྟགས་པའི་དངོས་པོ་ཤིན་ཏུ་མེད། །རྟོག་གེ་པ་རྣམས་རྟོག་པར་བྱེད། །མ་འོངས་པ་ཡི་དུས་ན་ནི། །བྱིས་པའི་རང་བཞིན་གཟེག་ཟན་འབྱུང་། །འབྲས་བུ་མེད་སྨྲའི་ལྟ་ངན་པས། །སྐྱེ་བོ་མང་པོ
193b5 རླག་པར་བྱེད། །རྡུལ་ཕྲན་ལས་ནི་འགྲོ་བ་འབྱུང་། །རྡུལ་ཕྲན་རྣམས་ནི་རྒྱུ་མེད་དེ། །རྫས་དགུ་རྣམས་ཀྱང་རྟག་པ་ཞེས། །ལྟ་བ་ངན་པས་སྟོན་པར་འགྱུར། །རྫས་རྣམས་ཀྱིས་ནི་རྫས་བརྩམས་ཏེ། །ཡོན་ཏན་གྱིས་ཀྱང
193b6 ཡོན་ཏན་ནོ། །དངོས་པོ་དག་གི་དངོས་ཉིད་གཞན། །ཡོད་པ་དག་ནི་འཇིག་པར་བྱེད། །གལ་ཏེ་མ་བྱུང་འབྱུང་འགྱུར་ན། །འཇིག་རྟེན་ཐོག་མ་ཡོད་པར་འགྱུར། །འཁོར་བ་སྔོན་གྱི་མཐའ་མ་ནི། །ངས་ནི་མེད་པར་བཤད་པ
193b7 ཡིན། །སྲིད་གསུམ་ཐམས་ཅད་བགྲང་བ་དག་།དེ་སྟེ་མ་བྱུང་འབྱུང་ན་ནི། །ཁྱི་དང་རྔ་མོ་བོང་བུ་ལའང་། །རྭ་སྐྱེར་འགྱུར་བ་ཐེ་ཙོམ་མེད། །གལ་ཏེ་གཟུགས་དང་རྣམ་ཤེས་དང་། །མིག་གི་མ་སྐྱེས་སྐྱེ་འགྱུར་ན། །
193b8 ཅོད་པན་རེ་ལྡེ་རས་ལ་སོགས། །འཇིམ་པ་བསྒོངས་ལས་འབྱུང་བར་འགྱུར། །རས་ལ་རེ་ལྡེ་ཡོད་པ་མིན། །རྩི་རྐྱང་ལ་ཡང་རས་མེད་དོ། །གཅིག་པོ་ལས་ནི་གཅིག་འབྱུང་ན། །རྐྱེན་རྣམས་ཀྱིས་ཀྱང་ཅིར་མི་འབྱུང་། །
iiif viewer powered by OpenSeadragon
