| e-texts navigator |
| Wylie |
193a1 ང་ཡི་ཚུལ་ཀྱང་རྣམ་འཇིག་བྱེད། །ང་ཡི་བསྟན་པ་འདི་ལ་ནི། །སྒྲོ་འདོགས་སྐུར་པ་འདེབས་པ་ཡིན། །གང་ན་གང་ཚེ་དེ་འདྲ་བ། །ཆོས་ལ་སུན་འབྱིན་ཡོད་པའི་རྣམས། །ང་ཡི་ཚུལ་ནི་འཇིག་པར་བྱེད། །དེ་དག་ཀུན
193a2 དང་འགྲོ་མི་བྱ། །གང་ཞིག་སྒྲོ་འདོགས་སྐུར་པ་འདེབས། །བརྟགས་པ་རྣམ་པར་འཇིག་བྱེད་དང་། །མཁས་པ་དག་ཏུ་གཏམ་མི་བྱ། །དགེ་སློང་དོན་ལ་སྤང་བར་བྱ། །སྐྲ་ཤད་འཛིངས་དང་སྒྱུ་འདྲ་དང་། །རྨི་ལམ་འདྲ་ཞིང
193a3 དྲི་ཟ་འདྲ། །རྟོག་པ་སྨིག་རྒྱུ་སྣང་འདྲ་ལ། །གང་དག་ཡོད་དང་མེད་ལྟ་བ། །དེ་དག་སྡུད་པར་སུ་སྤྱོད་པ། །སངས་རྒྱས་ཀྱི་ལ་དེ་མི་སློབ། །དེ་དག་མཐའ་གཉིས་ལྷུང་བ་སྟེ། །གཞན་ཡང་རྣམ་པར་འཇྀག་པར་བྱེད། །བརྟགས་པའི
193a4 དངོས་པོ་རབ་དབེན་ཞིང་། །དངོས་དང་དངོས་མེད་རྣམ་གྲོལ་བ། །རྣལ་འབྱོར་ཅན་ནི་སུ་མཐོང་བ། །དེ་དག་བསྡུ་བར་སྤྱད་པར་གྱིས། །མུ་སྟེགས་ནོར་བུ་གསེར་འབྱུང་བའི། །འབྱུང་ཀུན་འཇིག་རྟེན་ན་ཡོད་པ། །སྣ་ཚོགས
193a5 ལས་ཀྱི་རྒྱུས་མ་བྱུང་། །བུས་པ་རྣམས་ཀྱི་འཚོ་བ་ལྟར། །དེ་བཞིན་སེམས་ཅན་རིགས་རྣམས་ནི། །རྣམ་པ་སྣ་ཚོགས་ལས་ཀྱིས་སྤངས། །སྣང་བ་མེད་ཕྱིར་ལས་མེད་དེ། །ལས་ལས་བྱུང་བའི་འགྲོ་བའང་མེད། །
193a6 ཇི་ལྟར་འཕགས་པས་རྣམ་སྒོམ་ལྟར། །དངོས་པོའི་དངོས་ཉིད་མེད་མོད་ཀྱི། །ཇི་ལྟར་བྱིས་པས་བརྟགས་པ་ལྟར། །དངོས་པོ་དག་ནི་ཡོད་པའོ། །ཇི་ལྟར་བྱིས་པས་བརྟགས་པ་ལྟར། །གལ་ཏེ་དངོས་པོ་མེད་ན་ནི། །
193a7 དངོས་པོ་ཐམས་ཅད་མེད་པས་ན། །སུ་ལའང་ཉོན་མོངས་པར་འགྱུར་ཏེ། །དངོས་པོ་སྣ་ཚོགས་ཉོན་མོངས་ལས། །འཁོར་བ་དབང་པོ་ཉེར་འགྲོ་བ། །མི་ཤེས་པ་དང་སྲིད་འབྲེལ་ནི། །ལུས་ཅན་རྣམས་ཀྱི་འབྱུང་བར
193a8 འགྱུར། །ཇི་ལྟར་བྱིས་པས་བརྟགས་པ་ལྟར། །གང་གི་དངོས་པོ་ཡོད་མིན་པ། །དེ་དག་དབང་པོ་འཇུག་པ་མེད། །རྣལ་འབྱོར་ཉིད་ཀྱང་འཇུག་པ་ཡིན། །བཅོམ་ལྡན་གལ་ཏེ་འཁོར་བ་ཡི། །རྒྱུ་ཡི་དངོས་པོ་མ
iiif viewer powered by OpenSeadragon
